FC Brouch

05/09/2026

Mir si prett fir déi nei Saison!

D‘Summerpaus iwwer gouf den Terrain am Stade Feidt Frères nei gemaach, woumat mir hoffentlech e gutt Fundament fir eng sportlech gutt Zukunft konnte leeën.

Op dëser Plaz géinge mir gären allen Involvéierten, notamment vun der Gemeng Helperknapp, der Firma 3 S-Tech an der FLF Merci soen, fir dass déi ganz Prozedur esou reiwungslos iwwer d‘Bühn gaangen ass.

Mir freeën eis drop, schon dëse Sonndeg eisen éischte Match op der neier Pelouse ze spillen, mam Coupe-Derby géint eis Nopere vu Béiwen. Mir ginn iech Rendez-vous um 16:00 am Stade Feidt Frères!

ALLEZ FC BROUCH!

28/08/2026

17/08/2026

Den FC Brouch seet der Madame Vosman an der ganzer Famill MERCI fir déi flott Coupe, déi mir konnten fir den Herman spillen.

Hien huet ëmmer all seng Kanner déi zu Brouch gespillt hunn oder Trainer waren ënnerstëtzt, . Fir den 50. Anniversaire vum FC Brouch war den Herman och Member vum Organisatiouns Comité. Hien huet awer och ëmmer kritiséiert wann d'Jongen (Equipe) net gutt gespillt hunn. Dëst awer op eng Fair Aart a Weis. War eng Hand unzepaken, war hien awer och ëmmer do.

Mir wäerten den Herman Vosman a gudder Erënnerung halen.

13/08/2026

Déi lescht Deeg vun der Vakanz, nach e puer flott Fussballdeeg zu Béiwen um Terrain verbréngen.

09/08/2026

Enn August Ufank September kënnen är Kanner sech op eisem VfB Camp zu Brouch schonn ob déi nei Saison präparéieren. Dofir mellt se elo un.

07/08/2026

Voilà, eis alljährlech Coupe ass erem desen an nächste Weekend.

16/06/2026

Am Numm vum FC Brouch wëlle mir och iech, eise fantastesche Fans, vun Häerze Merci soen! 🙏🔥

Mat ärem onermiddlechen Asaz op all Matcher hutt dir eis Ekipp ëmmer nees ugefeiert a gedroen. Speziell um Barragematch hutt dir eng Stëmmung gemaach, déi an der BGL Ligue spillt! 🏟⚽

Esou eng Stëmmung gëtt et net iwwerall, an den FC Brouch seet all eenzele vun iech, deen do war an alles ginn huet, egal op Freideg oder Sonndeg, Merci.

Dir hutt gewisen, wat et bedeit, Deel vum FC Brouch ze sinn! Mir freeën eis, iech déi nächst Saison nees op den Terrain ze gesinn!

ALLEZ FC BROUCH! ❤️🖤

16/06/2026

Am Numm vum FC Brouch wëlle mir iech, eise Spiller, vun Häerze Merci soen fir dës Saison! 🙏⚽

Dir hutt op all Training an op all Match alles ginn, a genee dat ass dat, wat de FC Brouch ausmeet. Och wann dës Saison net just vu positive Momenter geprägt war, hutt dir oft gewisen, dass dir och duerch schwéier Phase kënnt goen. 💪

Den Héichpunkt vun eiser Saison, de Barragematch, wäert bei eis allen am Gedächtnis bleiwen – net nëmmen well et e grousse Match war, mä well dir alles ginn hutt fir de Veräin a fir eis Fans. Den Opstig hu mir zwar knapp verpasst, mä dëst Joer huet gewisen, wat an dëser Ekipp stécht, a mir sinn immens houfreg op iech!

Kapp héich, – déi nächst Saison kënnt!

ALLEZ FC BROUCH! ❤️🖤