29/05/2026
D’Saison 2025/2026 geet lues a lues op en Enn. Just eis Jugend ass an de nächste Wochen nach op ville Tournoien ënnerwee.
Mir hunn e puer intensiv Wochen hannert eis:
⚽ Eis 1. Equipe, déi et bis zum Schluss spannend gehalen huet
⚽ Eisen Päischtturnéier, wou iwwer 400 Kanner iwwer 2 Deeg bei schéinem Wieder vill Spaass haten
⚽ Als Ofschloss e Barragematch zu Lëntgen mat 850 Leit
Wéi een dacks seet: No der Saison ass virun der Saison.
Fir verschidde Memberen ass also nach laang keng Paus, well och
d’Saison 2026/2027 muss virbereet ginn.
Mir wëllen awer nach eng Kéier all eise Benevollen e grousse Merci soen, déi bei deenen genannten Eventer eng Hand mat ugepaakt hunn. Et däerf een ni vergiessen, dass esou Fester an Evenementer ouni Benevolat guer net méiglech wieren.
Dofir een Message un all Lieser : Ënnerstëtzt är Duerfveräiner an hir Memberen, déi mat vill Engagement a Fräizäit dozou bäidroen, dass virun allem Kanner a Jugendlecher während der Woch flott encadréiert ginn.
Hei fannt dir och nach e puer flott Andréck vun eisem Päischtturnéier. Merci un all d’Equipen, déi present waren. Leider hate mir awer och erëm e puer Equipen, déi net opgedaucht sinn.
E grousse Merci geet och un P. Provost fir déi flott Fotoen, déi hien iwwert de Weekend gemaach huet, souwéi un den Asport sports + performance, deen iwwer déi zwee Deeg säi Sportsmaterial um Site verkaaft huet.
An net ze vergiessen, der Gemeng Lëntgen fir hier wertvoll Ënnerstëtzung, sierf et op eisen Evenementer oder während der ganzer Saison.
E grousse Merci geet och un eis Terrainsponsoren fir hir wäertvoll Ënnerstëtzung 🙏Wickler Frères Exploitation sarl Gravolux Sàrl a Polyform
Merci un all déi, déi eise Veräin op déi eng oder aner Manéier ënnerstëtze 💙🤍
