Swellendam Rugby klub

28/10/2026

BUFFALOES RFC VIER 50 JAAR🖤 ! 🎉

Hierdie naweek vier Buffaloes RFC ’n besondere mylpaal 50 jaar van rugby, passie en trots! 🏉🥳

Swellendam Rugby Klub het die voorreg ontvang om genooi te word om deel te wees van hierdie spesiale geleentheid deur ’n vriendskaplike wedstryd teen Buffaloes RFC te speel by Buffalo Park in Buffeljagsrivier op Saterdag, 31 Oktober 2026.

Ons doen dus ’n beroep op ons hele Swellies-familie kom ons trek op, kom ons staan bankvas agter ons boys en wys weereens wat ons ondersteuning en klubtrots beteken! 💚💛

Kom ons vul die veld met groen en geel, moedig ons spelers aan en maak hierdie dag ’n onvergeetlike een. Kom ons vier ook saam met Buffaloes RFC hul 50ste bestaansjaar en help om hierdie besonderse mylpaal nóg meer spesiaal te maak. 🎉🏉

Ons sien julle daar! 🔥

27/10/2026

Swellendam Rugby Klub wil graag ons pragtige sekretaresse, mej. Ilke Langeveldt, beter bekend as Sekki e, Juffrou en sommer net Illa, van harte gelukwens met haar verjaarsdag! 🥳🎂

Illa, jy is ’n vrou met ’n besonder mooi hart, ’n wonderlike gesindheid en ’n opregte omgee vir ander. Jou vriendelikheid en warmte bly elke dag dieselfde, en dit is juis wat jou so besonders maak. 💚💛

Hierdie jaar het jy weereens gewys dat jy nie net jou administratiewe pligte met trots vervul nie, maar ook weet hoe om mense welkom te laat voel. Jou uitstekende ontvangs van die besoekende span se bestuur het gewys op jou gasvryheid, goeie maniere en die trots waarmee jy Swellendam Rugby Klub verteenwoordig. 👏🏽🏉

Jou storie by Swellies is een van trots, tradisie en liefde vir die klub. Jy het grootgeword binne die Swellendam Rugby Klub-familie, waar jou pa, meneer Ike Langeveldt, self ’n lang pad saam met die klub gestap het van speler tot bestuurslid. Vandag volg jy met trots in sy voetspore en dien jy self die klub met toewyding en liefde. Dit is ’n besondere nalatenskap om op voort te bou! 💚💛

Sekkie, ons waardeer jou meer as wat woorde kan sê. Dankie vir jou mooi hart, jou positiewe gesindheid en die bydrae wat jy tot ons klub lewer. Mag hierdie nuwe lewensjaar vir jou oorvloedig wees met liefde, vreugde, goeie gesondheid en God se onophoudelike seën.

Mag die Here jou steeds lei, beskerm en krag gee vir elke nuwe dag. Mag Hy die mooi dinge wat jy vir ander doen, op besondere maniere na jou terugbring.

Gelukkige verjaarsdag aan ons eie Sekkie, Juffrou en sommer net Illa! 🥳🎂💚💛

26/10/2026

GEAGTE SWELLIES-FAMILIE❗❗❗ 💚💛

🎉 MOENIE UITMIS NIE! 🎉

Ons herinner al ons lojale Swellendam Rugby Klub-ondersteuners daaraan om betyds julle kaartjies te kry vir ons ALL WHITE & DENIM JAAREINDFUNKSIE! 🥳🔥

📅 Datum: 14 November 2026
📍 Plek: Powell Stadion
🎧 Vermaak: Live DJ's wat die gees aan die gang gaan hou! 🔥

🎟️ KAARTJIEPRYSE:
🏉 Spelers: R70
🙌 Ondersteuners: R150

📌 Kaartjies beskikbaar by:
✅ Pick n Pay Swellendam
✅ Carlton Liquors

Swellies, kom maak saam met ons hierdie seisoen op 'n hoë noot klaar! Trek jou wit en denim aan, bring jou gees en kom geniet 'n onvergeetlike dag saam met die Swellies-familie! 💚💛

Moenie wag tot dit te laat is nie – kry vandag nog jou kaartjie! 🎟️🔥

23/10/2026

22/10/2026

21/10/2026

💚💛 AMPTELIKE AANKONDIGING - SWELLENDAM RUGBY KLUB 💛💚

Met groot trots en opgewondenheid kondig die Swellendam Rugby Klub bestuur aan:

JEROME ARNOLDUS IS AANGEWYS AS ONS NUWE HOOF AFRIGTER VIR SEISOEN 2027! 🏉

Jerome is nie net 'n afrigter nie, hy IS Swellendam Rugby. Sy hart klop Groen en Goud!

SY LOOPBAAN BY ONS KLUB:
🟢 1998 - Begin sy reis in die 3de Span

🟡 2000-2013 - 1ste Span Speler (13 jaar diens!)

🟢 2012 & 2013 - Kaptein van die 1ste Span

🟡2014-2015- Afrigter & Wen die President Liga in SWD 2015

🟢 2019-2020- Weer as Afrigter tot Covid

🟡 2024- Hulpafrigter

🟢 2025-2026- Hoof Afrigter - Wen die Mosselbaai Easter Tournament 2026 en behaal No. 3 op die log in die Boland Langeberg Groot Uitdaag

Van speler, tot kaptein, tot kampioen afrigter - Jerome het elke mylpaal saam met ons geloop.

Ons wens hom baie geluk met sy aanstelling en alle sterkte toe vir die nuwe seisoen. Mag 2027 nog groter hoogtes bring!

21/10/2026

Geagte Swellendam Familie,

Wat 'n seisoen!!!

Namens die bestuur van Swellendam RVK wil ek elke speler, afrigter, borg, ouer en lojale ondersteuner bedank vir 'n uitsonderlike seisoen.

Ons het vanjaar gewys wie ons is:

🏆 Mosselbaai Kampioene - ons het die trofee huis toe gebring!
🥉 *3de op die Log in die Grootuitdaag kompetisie

Hierdie sukses is nie toevallig nie. Dis sweet, dis opoffering, dis broederskap. Van die eerste oefening in Januarie tot die laaste fluitjie - julle het Swellendam se naam met trots gedra.

Daarom nooi ek julle met trots uit na ons Jaareindfunksie op 14 November by die Powell
*KAARTJIE PRYSE:*

🎟️ *SPELERS: R70*
🎟️ *OPBETAALDE LEDE: R100*
🎟️ *TOESKOUERS / ONDERSTEUNERS: R150*

Kom ons trek saam in getalle en skop hierdie suksesvolle jaar af saam met ons spelers. Kom ons vier ons kampioene, ons harde werkers, en elke man wat die Groen en Geel trui met hart gedra het.

*14 November - Ons maak klaar soos kampioene.*

Ons sien julle daar!

Met trots,

Die Voorsitter
G.Jansen
SWELLENDAM RVK
💚💛 Mosselbaai Kampioene 2026 | 3de Posisie - Boland Grootuitdaag💚💛

15/10/2026

*SWELLENDAM RUGBY KLUB - All White & Denim Year End*

Come and enjoy the day with the Swellies!

*📅 Date:* 14 November
*⏰ Time:* 14:00
*📍 Venue:* Powell Stadium
*🎧 Entertainment:* Live DJs
*🍽️ Includes:* 2 Course Meal

*🎟️ TICKETS:*

- *Players:* Available at Coaches & Team Managers - R70
- *Paid-up Members / Supporters:* R100.00 - available from Laurence & Chriswine
- *Other Supporters:* R150 - available at:
- Pick n Pay Swellendam
- Carlton Liquors
- Spar Swellendam

Theme: All White and Denim
We are Swellies!

*Please note: No alcohol allowed to be brought into the venue.* Cash Bar Only

29/09/2026

'n Nuwe hoofstuk lê voor by Swellies! Ons is op soek na ’n dinamiese, ervare en passievolle Hoofafrigter om ons senior rugbyprogram te lei en saam met ons ’n sterk, volhoubare en mededingende rugbykultuur te bou.

📋 Minimum vereistes:

• World Rugby Level 2-afrigtingsertifisering
• Bewese afrigtingservaring
• Sterk leierskap- en kommunikasievaardighede
• Beskikbaar vir oefeninge en wedstryde

📧 Aansoeke: Stuur jou CV en kort afrigtingsfilosofie na [email protected]

📅 Sluitingsdatum: 7 Oktober 2026

Is jy gereed om die Swellies aan te vat?

💚💛 WE ARE SWELLIES! 💛💚