19/06/2026
Í minningu látins félaga.
Fyrir hönd Golfklúbbsins Leynis vill undirritaður minnast látins félaga, Erlu Karlsdóttur, fædd 1. október 1932, látin 3. júní 2026.
Erla var ötul og virkur þátttakandi í starfi Leynis í um áratuga skeið og leysti hún mörg hlutverk sjálfboðaliða eins og að smyrja samlokur fyrir opin mót, standa vaktina í sjoppunni, aðstoð við framkvæmd mótahalds þó fátt eitt sé nefnt. Sérstaklega var henni hugleikin vöxtur og velferð kvenna við iðkun leiksins og þótti Erla vera einkar jákvæð og hvetjandi í garð þeirra kvenkylfinga sem voru að feta sín fyrstu skref í golfíþróttinni.
Erla bar hag klúbbsins fyrir brjósti alla tíð og hlaut hún verðskuldaða nafnbót heiðursfélaga árið 2005 ásamt eftirlifandi eiginmanni sínum Alfreð Viktorssyni, annars máttarstólpa í uppbyggingu Golfklúbbsins Leynis.
Golfklúbburinn Leynir vill votta eftirlifandi eiginmanni, fjölskyldu og aðstandendum Erlu samúð sína og að lokum þakka Erlu fyrir ómetanlegt starf í þágu klúbbsins yfir áratuga skeið.
Fyrir hönd Leynis,
Hróðmar Halldórsson formaður.
