Nesklúbburinn

30/07/2026

Einvígið á Nesinu, árlegt góðgerðarmót Nesklúbbsins verður haldið á Nesvellinum á frídegi verslunarmanna, mánudaginn 3. ágúst kl. 13.00. Leikið verður í þágu Bergsins, samtaka sem veita ungu fólki gjaldfrjálsan stuðning, ráðgjöf og fræðslu vegna andlegrar líðanar og áskorana.

Mótið er haldið í samstarfi við Arion banki sem mun í mótslok afhenda forsvarsaðila BERGIÐheadspace ávísun upp á eina milljón króna.
Það er að sjálfsögðu frítt inn og við hvetjum alla til að koma og fylgjast með stórskotaliði okkar fremstu kylfinga leika í þágu mikilvægs málefnis

Keppendur í Einvíginu á Nesinu 2026

Aron Snær Júlíusson
Dagbjartur Sigurbrandsson
Gudrun Bra Bjorgvinsdottir
Gunnlaugur Árni Sveinsson
Hlynur Bergsson
Logi Sigurðsson
Perla Sól Sigurbrandsdóttir
Ragnhildur Kristinsdóttir
Skarphéðinn Egill Þórisson
Tómas Eiríksson Hjaltested

27/07/2026

Einvígið á Nesinu 2026. Það verður stórafmæli á Nesvellinum þegar hið árlega góðgerðarmót Nesklúbbsins, Einvígið á Nesinu, verður haldið í 30. sinn. Mótið verður að venju á Frídegi verslunarmanna, nú mánudaginn 3. ágúst. Mótið verður haldið í samstarfi við Arion banki og í ár verður leikið í þágu BERGSINS BERGIÐheadspace

Nokkrir af bestu kylfingum landsins hafa þegar þegið boðið og staðfest komu sína og má þar til dæmis nefna Gunnlaug Árna Sveinsson og Íslandsmeistarana í höggleik 2025, þau Dagbjartur Sigurbrandsson og Gudrun Bra Bjorgvinsdottir

Við hvetjum alla til að koma og fylgjast með nokkrum af fremstu kylfingum þjóðarinnar leika í þágu góðs málefnis.

Arion Banki, styrktaraðili Einvígsins á Nesinu, veitir í mótslok forsvarsaðila Bergsins ávísun upp á eina milljón króna.

https://www.facebook.com/share/v/1bBuf6CGr7/?mibextid=wwXIfr

23/07/2026

Elísabet Þóra keppir á European Young Masters

European Young Masters, eitt sterkasta unglingamót Evrópu í golfi, hefst í dag á Parador de El Saler vellinum við Valencia á Spáni.

Ísland á fjóra fulltrúa í mótinu: Elísabetu Þóru Ólafsdóttur (NK), Halldór Jóhannsson (GK), Elvu Maríu Jónsdóttur (GK), og Mána Frey Vigfússon (GK).

Mótið er fyrir fremstu kylfinga Evrópu, 16 ára og yngri, en alls taka 120 kylfingar frá 33 þjóðum þátt. Spilaðar eru 54 holur í bæði einstaklings- og liðakeppni.

Við óskum Elísabetu Þóru og íslenska liðinu góðs gengis! 🇮🇸⛳

European Young Masters, eitt sterkasta unglingamót Evrópu, hefst á morgun á Parador de El Saler vellinum við Valencia á Spáni. Fjórir íslenskir kylfingar taka þátt í mótinu, sem fram fer dagana 23.-25. júlí. Í íslenska hópnum eru þau Halldór Jóhannsson (GK), Elva María Jónsdó...

11/07/2026

62. Meistaramóti Nesklúbbsins lauk nú undir kvöld. Nýkrýndir klúbbmeistarar Nesklúbbsins eru þau Skarphéðinn Egill Þórisson í karlaflokki
og Karlotta Einarsdóttir í Kvennaflokki. Við óskum þeim innilega til hamingju með titlana.

04/07/2026

María Óskarsdóttir fer yfir nýjustu og nauðsynlegar græjur fyrir Meistaramótið.

03/07/2026

Kæru félagar,
Hátíðin hefst kl. 07.00 í fyrramálið þegar fyrsti ráshópur hefur leik í 62. Meistaramóti klúbbsins. Metþátttaka og við höldum að sjálfsögðu í hefðina með handskrifuðu töfluna sem hún Sólrún Sigurðardóttir er enn eitt árið búin að skrautskrifa öll nöfnin svo fallega á. Það er því allt klárt - góða skemmtun

20/06/2026

Nesklúbburinn er Íslandsmeistari golfklúbba 12 ára og yngri 🇮🇸⛳️

Í dag lauk Íslandsmóti golfklúbba 12 ára og yngri og átti Nesklúbburinn lið í fjórum deildum sem raðað var upp eftir forgjöf. Mótið var haldið yfir þrjá daga hjá GK, GR og GM, þar sem spilað var einn dag á hverjum velli.

Í hvítu deildinni, sem er forgjafarlægsta deildin, er keppt um Íslandsmeistaratitil og vann Nesklúbburinn þá deild með því að sigra fjóra leiki og gera eitt jafntefli og voru krýndir Íslandsmeistarar golfklúbba árið 2026.

Nesklúbburinn vann einnig til deildarmeistaratitla í bláu og gráu deildinni og hlaut silfurverðlaun í rauðu deildinni.

Lið NK í hvítu deildinni skipuðu:
Gunnar Helgi Kristinsson
Jón Agnar Magnússon
Júlí Róbert Helgason
Felix Leó Helgason

Lið NK í bláu deildinni skipuðu:
Gabríel Hlíðkvist Rafnsson
Saga Karitas Steinsdóttir
Haraldur Breki Ólafsson
Ísak Ásgrímsson
Jökull Örn Magnússon

Lið NK í rauðu deildinni skipuðu:
Óliver Georgsson
Magnús Kristinsson
Ólafur Logi Ingólfsson
Ólafur Ernir Ísleifsson

Lið NK í gráu deildinni skipuðu:
Úlfur Ingvarsson
Benedikt Kári Gunnarsson
Bjarni Daníelsson
Magnús Þorvaldsson
Magni Aron Magnússon

Krakkarnir stóðu sig öll frábærlega og erum við að rifna úr stolti yfir okkar ungu og efnilegu kylfingum. Við óskum okkar glæsilegu fulltrúum innilega til hamingju með frábært Íslandsmót! 🏆👏⛳️

16/06/2026

Barnastarf Nesklúbbsins og uppbygging ungra kylfinga á Nesinu var til umfjöllunar á mbl. Þar ræðir Steinn Baugur Gunnarsson, íþróttastjóri klúbbsins, um starfið, framtíðarsýnina og mikilvægi þess að skapa börnum og ungmennum góðar aðstæður til að njóta golfsins. Sjá viðtalið hér að neðan ⛳

https://www.mbl.is/smartland/frami/2026/06/10/thetta_hefur_verid_svakalegur_uppgangur/?utm_term=Autofeed&utm_campaign=smartland&utm_medium=Social&utm_source=Facebook&fbclid=IwY2xjawSeI5VleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEeiQeNJDIoF9-QZbg7KkXAMoWnpBHycp92hmZvvGdJN9Rx_T0gq03o8V0CgZU_aem_3G3wH9zQLXCGv-rdmhQvDw =1781086355

„Ég held að skipulagðar íþróttir verði rosalega mikilvægar á næstu árum, meðal annars vegna aukins skjátíma og hraðans í samfélaginu.“

09/06/2026

Elísabet og Saga unnu sína aldursflokka á Golf14 mótaröð GSÍ í GKG.

Um helgina fór fram Icewear mótið á Golf14 mótaröðinni og Unglingamótaröð GSÍ.

Nesklúbburinn átti tvo sigurvegara á mótinu. Elísabet Þóra Ólafsdóttir sigraði í flokki 13-14 ára stúlkna og Saga Karitas Steinsdóttir sigraði í flokki 10 ára og yngri stúlkna.

Nesklúbburinn átti 26 þátttakendur á mótunum um helgina.

Næstu mót hjá krökkunum okkar eru Íslandsmót Golfklúbba í barna- og unglingaflokkum og fylgjumst við spennt með okkar fólki þar.

05/06/2026

Allt komið á fullt í keppnisgolfinu hjá krökkunum okkar

Fjölmennasta barnagolfmót sem haldið hefur verið á Golf14 mótaröð GSÍ fór fram á Nesvellinum liðna helgi. Völlurinn og veðurguðirnir skörtuðu sínu fegursta á mótinu. Allir keppendur stóðu sig með miklum sóma og með samvinnu foreldra og þjálfara allra barnanna gekk allt eins og í sögu. Alls léku 166 börn frá golfklúbbum víðs vegar að af landinu í þremur aldursflokkum, bæði í drengja- og stúlknaflokki. Að móti loknu gafst öllum keppendum kostur á að taka þátt í púttmóti á sunnudeginum sem vakti mikla lukku meðal þeirra. Veitt voru verðlaun fyrir bestan árangur í öllum aldursflokkum.

Nesklúbburinn átti alls 30 þátttakendur. Keppt var í flokkum 10 ára og yngri, 11–12 ára og 13–14 ára og stóðu þau sig öll með prýði.

Nesklúbburinn átti sigurvegara í tveimur flokkum. Elísabet Þóra Ólafsdóttir sigraði í flokki 13–14 ára stúlkna og Saga Karitas Steinsdóttir sigraði í flokki 10 ára og yngri stúlkna. Einnig varð Haraldur Breki Ólafsson í 3. sæti í flokki 10 ára og yngri drengja.

Á sama tíma fór fram mót á Unglingamótaröð GSÍ á Hlíðarvelli í Mosfellsbæ. Þar átti Nesklúbburinn s*x þátttakendur. Skarphéðinn Egill Þórisson spilaði frábært golf og endaði mótið í 2. sæti í flokki 15–16 ára. Hann lék völlinn á s*x höggum undir pari á þremur hringjum. Í flokki 15–18 ára varð Skarphéðinn í 3. sæti.

Stutt er á milli móta þessa dagana því næsta verkefni hjá krökkunum okkar er Icewear-mótið í sömu aldursflokkum, sem einnig er hluti af mótaröðum GSÍ, Golf14 og Unglingamótaröðinni fyrir 15–18 ára. Mótið fer fram hjá GKG um helgina og fjölmargir þátttakendur frá Nesklúbbnum mæta þar til leiks.