28/10/2026
【高爸復康計劃EP2:64歲高爸的職業級功能評估 ⚽️👴🏼】
多謝大家支持!估唔到第一集有咁多人睇。嚟到第二集,我會喺訓練入面做埋評估,睇下高爸身體有邊一環比較弱。
由於我想講嘅嘢太多,驚條片太長大家睇到瞓着,所以我決定將高爸必練的三個黃金動作,拆開三集同大家詳細分享!
踢波有好多急停、轉向、單腳落地動作。所以第一個動作,我一定會睇球員「單腳企」嘅時候穩唔穩陣。對於職業球員當然好容易,但對於 64 歲嘅高爸(其實好多銀髮族都一樣),單腳企本身已經有啲困難。
影片入面,我再要他加埋「轉體」同埋「視線轉移」嘅挑戰。因為踢波好多時需要眼觀四路,如果呢幾樣嘢唔協調,其實會大大增加受傷風險!
💡 教練職業級拆解:
其實我哋膝頭哥嘅穩定性,好多時取決於腳腕(足弓)同埋個 Hip(髖關節) 穩唔穩陣。大家從影片見到高爸腳腕足弓唔係咁夠力,反應唔係咁快,所以當他踢波做大量轉向嘅時候,力量就會轉嫁去膝頭哥,導致佢膝痛。
📋 本集動作細節與教學(建議收藏跟練):
📌 單腳平衡 + 轉體 (Single Leg Balance with Rotation)
• 點樣做:單腳站立,微曲膝蓋,核心收緊。雙手可抱胸或拿輕量彈力帶,上身向左、右兩側緩慢旋轉,眼神跟隨雙手。
• 教練細節:注意支撐腳的大腳趾要抓緊地面,保持足弓撐起。膝頭哥要對準第二隻腳趾,千萬不要向內崩塌(X型腿)!
下集我哋會睇高爸做極核心嘅「單腳 RDL」,睇下佢後鏈肌肉頂唔頂得順。
➡️ 未 follow 嘅記得馬上 follow【 Kobe Kou 】睇下集,下集見!