27/10/2026
日日準備便當,最大的心願好簡單:希望囡囡食得均衡,有優質蛋白質、有菜,維他命同礦物質樣樣俱全💪🏻💪🏻❤️
相信每一位媽媽都想小朋友生長得好、元氣滿滿,做好日常飲食真係第一步!我相信只要每一餐營養夠、人都會瞓得好啲,又專注啲!真係夠飽,佢哋連零食都冇乜興趣(真人真事🤣)而飲食呢件事,最緊要真係自律、每日堅持(其實apply落減肥都一樣 😂,便當同我食嘅keep fit 餐差唔多,最多我用”擋箭牌”)
開心 So far 囡囡日日都係清空飯盒,係我每日打住喊露6:30起身嘅最大原動力!
學生打開飯盒嗰一刻係充滿期待、有媽媽親手整嘅便當,返學都會開心啲吧?(至少我幻想中係咁啦😆)
對我嚟講,食好重要。唔係要追求得意同精美,而係用心,真係可以食得出。俾我食一餐頹飯,真係會搞散我一整日心情🙃
另一樣開心係,有其他媽媽話攞到啲快速煮食既Inspiration,大家又交換一下經驗同貼士,互相鼓勵❤️十足一個強大嘅抄功課網絡咁🤣💪🏻
原本只係諗住記錄一下,突然間覺得便當快拍呢件事漸漸變得更有意義!大家每日嘅用心,就係比屋企人最好嘅照顧 ❤️ Salute to all bento making parents 💪🏻❤️
Btw, 當刻六點幾整緊嘅係南瓜蓉牛肝菌蒸肉餅🤭