10/05/2026
بعيدا عن محتوى الصفحة عايز اقول ان سحر رامى انسانة جميلة بشكل لا يوصف
ف لقاء ليها المذيعة بتسألها
- اسفه هو سؤال قاسى بس هوا فعلا حسين الامام
مـ ـات ف حضنك ؟
= اه مـ ـات ف حضني وده كان قدري هو كان معانا وسابنا عشان يدخل الحمام فلقيته اتاخر قولت يمكن فكر ياخد دش وسايبنا واحنا عندنا ضيوف او خوفت يكون اتحبس فالحمام وبقول كده وانا بهزر فطلعت اشوفه بقوله حسين انت محبوس فالحمام؟ قالي اه افتحي لحسن مش قادر اخد نفسي فتحت الباب لقيته وقع عليا ومنها للسرير وكل ده وانا مش فاهمه ايه اللي بيحصل ده طب داخ طب البخار بس هو في خمس دقايق كان مشي وانا انهارت وعرفنا انها كانت جلطه مفاجئه فالشريان التاجي وكان ممكن تتلحق بحقنه ادرينالين فالقلب فظرف عشر دقايق من الجلطه واحنا كنا عالطريق الصحراوي ومكنش هينفع تتلحق
والدكتور قالي حتى لو اتلحقت كان ممكن بعدها يبقى اعمى او مشلـ ـول معرفش ده بجد ولا كان بيحاول يصبرني.. هو بالنسبه ليا مشي مقدرش اقول انه مـ ـات.. يمكن احساسي كأنه في مكان وراجع وانا عمري ما هتجوز بعده.. انا هعيش وامـ ـوت مرات حسين الامام
بجد سحر رامى انسانة محترمة ومخلصة و اى راجل يتمنى يتجوز ست زيها تصونه حتى وهو مش موجود ف الدنيا
بتمنى البوست ده يوصلك
ربنا يرحم الفنان حسين الامام و يبارك ف عمرك ياست الكل ❤️
