FC Münchenstein 1920

Startseite
Schweiz
Munichstein
FC Münchenstein 1920

Gründung: 01.07.1920
Aufnahme: 01.07.1921
Vereinsnr.: 3551
Farben: schwarz/weiss
Teams: 17
Region:

12/06/2026

Für unseri Fc Juniore sueche mir no e Trainer - Hesch Interässe? Denn mäld di via Mailadrässe oder PN 🤍🖤 Mir freue uns uff dini Kontaktuffnahm!

09/06/2026

Für unseri C-Juniore sueche mir für die kommendi Saison no e Trainer/Trainerduo. Falls du interässe hesch mäld di doch per Email uff [email protected] oder via Instagram per PN
Mir freue uns uf dini Kontaktuffnahm🖤🤍

01/05/2026

Morn am 16.30h trifft die ersti Mannschaft dehei uf d AC Rossoneri! Mitm Mässer am Hals gilts wichtigi drei Pünggt izfahre wenn me sich vom potenzielle Abstiigsplatz entfärne will! Umso wichtiger isches dass au DU morn verbi kunnsch und die ersti unterstützisch! 🖤🤍 Mir wünsche viel Erfolg!

28/04/2026

Morn Zoobe 20.30h gits scho dr ersti Cup Knüller in dere Wuche - Unseri 30+ trifft im Halbfinal uff dr FC Arlesheim - In dr Meisterschaft hett me d Pünggt könne uffem Münggestainer Konto guetschriibe! Im näggste Derby gohts um dr Finaliizug! Mir bligge gspannt uff dä Match und wünsche unserne 30+ viel Erfolg🖤🤍

28/04/2026

Ekstase Pur! Am Donnstig 30. April - 19.30h - kunnts zum A Juniore Cup Knüller! Die beide Mannschafte liefere sich in dr Meisterschaft scho e Kopf an Kopf renne - umso gspannter bligge mir uff dä Match und wünsche viel Erfolg! 🖤🤍 Kumm verbyy und unterstütz unseri A Juniore - ZÄMME GSCHICHT schriibe!🖤🤍

17/04/2026

Hesch Interässe unseri Juniore witter z bringe, fordere und vorallem fördere, sodass mr si zumene spötere Zyttpunggt in die ersti Mannschaft könne bringe? Denn mäld di via DM oder uf dr Mailadrässe wo uffem Flyer stoht!🖤🤍

03/04/2026

Am 2. April isch unsere Fründ und eine vo de treuste FCMler dr Jimmy Strittmatter, im Alter vo 87, friedlich igschloofe🕯️ E treue Begleiter wo in all dene Joor immer awäsend gsi isch, ob am Grill, an de Ufstiigsfestli oder dört wo är am liebste gsi isch - am Spielfäldrand miteme Stümpli zum d Mätch uf sinere gliebte AU verfolge! Du wirdsch immer e speziells Plätzli in unserne Härze ha liebe Jimmy und mir wärde dini Awäseheit uff dr AU vermisse! Gueti Reis liebe Jimmy🖤🤍 Unsers härzliggste Biileid and Familie!

27/03/2026

Am Samstig 28.03.2026 - 16.30h - trifft die ersti Mannschaft uff dr Tabällefiehrer us Zwinge! Nachem schwache Start mit drei Niederlage us drei Spiel isches höggsti Zytt, dass me s Rueder umrisst und afoht Pünggt sammle denn dr Abstiigsplatz ruggt nöcher und nöcher! Mir bligge gspannt uff dä Match und wünsche viel Erfolg! 🖤🤍

27/03/2026

Unseri A Juniore gwünne dr 1/4 Final gege dr SC Binnige imene grandiose Penaltykrimi!

Vorem Spiel hetts e kurzes und knackigs Wäggselbad der Gefühle geh - vo Sunneschiin uff Räge und vo Räge uff Schnee-Hagel! Unseri A Juniore hän sich vo däm aber nid loh beidrugge und hän e klars Ziel vor Auge gha - Dr näggsti Schritt in Richtig Final mache! Die erste 30 Minute sin allerdings alles andere als prickelnd gsi und me hett de Gäst z viel Freiheite gloh - die logischi Schlussfolgerig isch gsi dass Binnige mit 1-0 in Fiehrig isch! Dass beidi Mannschafte alles gän zum witterkooh hett sich in de gääle Karte wiederspieglet.
In dr zweite Halbzytt hän unseri Juniore s Zepter übernoo und sind immer wieder zu Chance cho - zwüschezyttlich hetts denn dr Usglichsträffer geh wo dr Schiedsrichter ufgrund vonere Offsideposition aberkennt het - Grund gnueg aber zum bis zum Schluss draglaube! In dr 84. Minute ischs denn sowytt gsi und dr Brandon Keller schiebt dr Ball zum erlösende Usglich ih und öffnet somit d Porte zu de Penaltys respektiv em mögliche Schritt richtig Halbfinal! Im Penalty schiesse hett sich eimol meh zeigt, dass unseri Juniore souverän und yyskalti Schütze sin - us 4 Penaltys 4 gmacht und dr Cyrill Tanner im FCM Kaste 2 vo 4 ghebt! Wär uff dr AU gsi isch, isch in gnuss cho vomene riesige Spektakel undeme riese Jubel! Gewaltig ischs gsi de Juniore dörfe zueluege und no gewaltiger isch d Unterstützig vo dr Sittelinie und em ganze FCM als Verein gsi! Mir gratuliere härzliggst em Trainerduo Fredy und Jérôme wo mit ihrem Team witterhin Träume dörfe vomene Finalspiel im Basler Cup!
Dangge an alli wo verbygluegt hän, unterstützt hän und dä Oobe für d Jungs aber au für dr FCM unvergässlich gstalte hän!🖤🤍

Adresse

Sportplatz Au
Munichstein
4142

Webseite

http://www.fcmuenchenstein.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von FC Münchenstein 1920 erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.