CannyStudio

Call Directions Website Contact the business

CannyStudio Yoga. Pilates. Sound | 廣東話授課|小班教學 ✅Aerial ✅Alignment ✅Reformer ✅Singing Bowl ✅Teacher Training

11/03/2026

🎉 CannyStudio 4週年大抽獎結果出爐啦! 🎂

一年一度嘅周年優惠正式完結,三位幸運兒亦都誕生啦!🥳

🥇 大獎|Vera Sin Vera Sin
🎁 4堂 Pilates Reformer

🥈 二獎|Stephanie Ng /Stephanie N./💕
🎁 4堂 Aerial Yoga

🥉 三獎|Sharon Tam Sharon Fish Tam
🎁 4堂頌缽瑜伽

恭喜晒三位幸運兒!👏🏻👏🏻👏🏻我哋會直接將你嘅獎品加入去你哋嘅戶口

亦都要多謝每一位參加今年4週年優惠嘅同學!每年10月嘅「買10送1」已經成為咗我哋嘅小傳統,好開心今年依然得到大家咁熱烈嘅支持。❤️

今次冇抽中嘅同學唔好失望呀,最緊要係你哋買返嚟嘅 Credits 永不過期,可以慢慢用、慢慢享受每一堂課。🥰

再次多謝大家陪 CannyStudio 過咗一個咁開心嘅4歲生日!

我哋四歲喇。🎂前幾日有個同學同我講,CannyStudio 對佢嚟講,好似另一個家。「另一個家」呢四個字,聽落好似有啲老土,但當刻我個心真係被觸動咗。原來我四年以來默默經營嘅呢間小小 Studio,竟然有資格成為一個人嘅另一個家。諗到呢度,...
11/01/2026

我哋四歲喇。🎂

前幾日有個同學同我講,CannyStudio 對佢嚟講,好似另一個家。

「另一個家」呢四個字,聽落好似有啲老土,但當刻我個心真係被觸動咗。

原來我四年以來默默經營嘅呢間小小 Studio,竟然有資格成為一個人嘅另一個家。

諗到呢度,真係感動到暈。🥹

仲有一個同學,過去四年,每年10月都會偷偷地買個生日蛋糕,同我哋慶祝 Studio 生日。

今年當然都冇例外。

最搞笑係,明明佢已經連續四年都咁做,但我竟然每一年都毫無準備,每一年都俾佢成功嚇一跳!😂

今年見到佢突然拎個蛋糕出嚟,我又眼濕濕。

我成日覺得,大家肯抽時間嚟上堂,已經係對我好大嘅支持。點知你哋仲會記住 Studio 嘅生日,甚至將呢個地方當成自己另一個家。

我何德何能,可以遇到你哋呢班咁有心嘅同學?❤️

今年嘅生日慶祝,除咗開心,其實仲有一份唔捨得。

因為我哋同時要同 Agnes 老師 agnesyeung 講再見。

Agnes 係我一個好喜歡嘅學生,亦係一個我好欣賞嘅老師。

我仲記得佢當年參加 Yoga Teacher Training,第一次行出嚟做教班練習,我已經好肯定,佢將來一定會成為一位出色嘅老師。

佢嗰份淡定、輕鬆、自然,嚴厲之中又帶點幽默,令我當時心諗:如果我係學生,我一定會好鍾意上佢嘅堂。

所以佢畢業之後願意留喺 CannyStudio 教班,我真係好開心。

可惜下個月 Agnes 就要返香港喇。

我當然唔捨得,但人生總有唔同階段,每個人都有自己要行嘅路。

Agnes,希望你無論去到邊,都繼續擁抱瑜伽。唔單止係練習體式,而係將瑜伽嘅理念帶入生活、帶入生命,再分享俾更多人。

我會好掛住你。❤️

今年 CannyStudio 嘅生日,有蛋糕、有歡笑、有驚喜,亦有少少離別嘅傷感。

四年前,我只係想開一間自己喜歡嘅 Yoga Studio。

四年後,竟然有人話呢度係佢另一個家,有人年年記住佢嘅生日,亦有人喺呢度由學生變成老師,再帶住自己學到嘅嘢走向人生下一站。

呢啲都係四年前嘅我,完全冇想像過嘅事。

多謝你哋每一位,真心。

Happy 4th Birthday, my CannyStudio. 🤍

CannyStudio 4歲啦!🎂🤍不知不覺,我哋已經陪大家走過四年啦!每年10月周年紀念,都有一樣嘢一定要返嚟——就係我哋咁多年嚟嘅周年傳統,亦係最受大家歡迎嘅 Promotion:買10個 Credits,送1個 Credit! 🎉而且...
10/06/2026

CannyStudio 4歲啦!🎂🤍

不知不覺,我哋已經陪大家走過四年啦!

每年10月周年紀念,都有一樣嘢一定要返嚟——就係我哋咁多年嚟嘅周年傳統,亦係最受大家歡迎嘅 Promotion:買10個 Credits,送1個 Credit! 🎉

而且唔係只可以送一次㗎😆
買10送1、買20送2、買30送3……買得越多,送得越多,我哋啲credits係可以無限期使用㗎!

今年4歲生日,我哋仲想再開心啲🥳
所以除咗周年優惠之外,每買10個 Credits,仲可以獲得1次周年大抽獎機會! 🎟️✨

🥇 大獎|4堂 Pilates Reformer
🥈 二獎|4堂 Aerial
🥉 三獎|4堂 頌缽|瑜伽

即係買10個 Credits=1次抽獎機會,
買20個=2次,買30個=3次……如此類推!

🎂 4週年優惠期:即日起至10月31日

多謝你哋一直陪住我哋成長,希望每一年CannyStudio生日,都有你哋同我哋一齊慶祝!🎂✨

祝大家中秋節快樂!🥮多謝每一位同學,令CannyStudio 成為一個充滿歡笑、溫暖同支持嘅小天地。能夠同大家一齊練習、一齊成長,係我哋好珍惜嘅緣分。   #小班教學
09/25/2026

祝大家中秋節快樂!🥮

多謝每一位同學,令CannyStudio 成為一個充滿歡笑、溫暖同支持嘅小天地。能夠同大家一齊練習、一齊成長,係我哋好珍惜嘅緣分。


#小班教學

咁夜都要出文,因為真係好想記住今日。呢位同學練習Headstand已經超過4年。佢最初好驚倒轉,鼓勵咗好耐,終於肯鼓起勇氣,靠住牆完成咗人生第一個Headstand。之後佢就開始好努力咁練習,希望有一日可以唔使我幫手扶佢,自己上到去。大概一...
09/19/2026

咁夜都要出文,因為真係好想記住今日。

呢位同學練習Headstand已經超過4年。佢最初好驚倒轉,鼓勵咗好耐,終於肯鼓起勇氣,靠住牆完成咗人生第一個Headstand。之後佢就開始好努力咁練習,希望有一日可以唔使我幫手扶佢,自己上到去。

大概一年之後,佢真係做到!👏🏻

跟住佢又有另一個目標,就係希望有一日可以唔使靠牆,自己hold住個Headstand。

呢個目標,佢足足努力咗3年。

每次上堂,佢都會繼續試,試完又試,從來冇諗過放棄。
終於,今日佢第一次成功離牆,自己hold住個Headstand!😭👏🏻👏🏻👏🏻

其實嗰一刻,我真係好感動。呢4年我一路睇住佢進步,知道佢為咗呢個目標付出咗幾多努力。

我成日覺得,做老師最開心嘅,唔係教識學生一個幾高難度嘅動作,而係見到佢哋一直唔放棄、一次又一次克服困難,做到一啲連自己都曾經以為做唔到嘅事。

今日呢個Headstand,對好多人嚟講可能只係一個瑜伽動作,但對佢嚟講,係4年嘅努力同堅持。

我以前成日覺得講 「so proud of you」係好作狀同老土,但係今日我真係好想講: Doris Tsang I’m so proud of you! 有你呢個咁努力、咁有毅力嘅學生,你令我覺得好驕傲!❤️ 多謝你一直冇放棄,亦都多謝你俾我陪住你,一齊見證呢個咁值得開心嘅時刻。

「老師,頭先你話左腳定右腳呀?」😂教空中瑜伽咁耐,其中一個最常見嘅場面,就係——老師明明話:「右腳出嚟~」下一秒,就會見到有同學非常有信心咁……伸咗左腳。🤣好多同學以為係自己左右不分,其實好多時真係唔關方向感事。當雙腳離開地面,身體突然失去...
09/17/2026

「老師,頭先你話左腳定右腳呀?」😂

教空中瑜伽咁耐,其中一個最常見嘅場面,就係——
老師明明話:「右腳出嚟~」
下一秒,就會見到有同學非常有信心咁……伸咗左腳。🤣

好多同學以為係自己左右不分,其實好多時真係唔關方向感事。

當雙腳離開地面,身體突然失去平時熟悉嘅安全感,有啲人會不自覺緊張,個腦好似突然慢咗半拍。平時簡單到唔使諗嘅「左、右」,一上到空中竟然都可以亂晒籠。

所以如果你上 Aerial Yoga 都試過左右不分,真係唔使覺得自己好論盡。
你需要嘅未必係更努力記住邊隻係左、邊隻係右,而係俾自己多一點安全感。

搵一位你信任嘅老師,冷靜聽住 instruction,唔肯定就望實老師嘅 demo,一步一步跟住做。

當你開始習慣離開地面,緊張感慢慢減少,你會發現——

咦?原來我一直都識分左右㗎喎!🤣🩵

空中瑜伽唔係鬥膽大,
而係慢慢建立對自己、對老師、對個 hammock 嘅信任。

放鬆啲,你做得到㗎。

#溫哥華廣東話空中瑜伽
#小班教學

一張圖,睇晒 CannyStudio | Yoga. Pilates. Sound 一星期有咩堂 🩵自從加入咗 Pilates Reformer 之後,我哋每一日嘅 timetable 都愈來愈豐富啦~✨正位瑜伽、空中花式、頌缽聲療、Pil...
09/13/2026

一張圖,睇晒 CannyStudio | Yoga. Pilates. Sound 一星期有咩堂 🩵

自從加入咗 Pilates Reformer 之後,我哋每一日嘅 timetable 都愈來愈豐富啦~✨

正位瑜伽、空中花式、頌缽聲療、Pilates Reformer……
由朝早到夜晚,而家都有唔同嘅課堂選擇。

為咗方便大家一眼睇清楚邊日、咩時間、有咩堂,我哋重新整理咗一張 Weekly Class Timetable 🗓️

以後想安排自己下星期上咩堂,就可以直接睇呢張圖喇🤍

記得 Save 低佢 📌
有需要嘅時候就唔使逐日慢慢搵~
我知道的字有啲細粒,要麻煩大家放大嚟睇🙇🏻‍♀️


#小班教學

你可能聽過頌缽,甚至已經擁有自己嘅頌缽,但你又真正了解佢幾多?🤍好多同學第一次接觸頌缽,都係由一次 Sound Bath 開始。覺得聲音好舒服、好放鬆,但其實頌缽點解會有呢種效果?不同嘅頌缽有咩分別?又應該點樣選擇?亦有同學買咗自己嘅頌缽返...
09/12/2026

你可能聽過頌缽,甚至已經擁有自己嘅頌缽,但你又真正了解佢幾多?🤍

好多同學第一次接觸頌缽,都係由一次 Sound Bath 開始。
覺得聲音好舒服、好放鬆,但其實頌缽點解會有呢種效果?不同嘅頌缽有咩分別?又應該點樣選擇?

亦有同學買咗自己嘅頌缽返屋企,但除咗「敲一下」之外,其實一直都唔太知道應該點樣正確使用。😆

所以我哋設計咗呢個 7小時頌缽聲頻入門班。

由零開始認識聲頻、不同種類嘅頌缽、學習點樣揀一個適合自己嘅缽,到親手練習敲缽、磨缽及不同演奏方法,亦會學習點樣將頌缽運用喺自我療癒同日常生活之中。

唔需要任何經驗,亦唔需要自己有頌缽。
只要你一直對頌缽有興趣,想真正了解佢,而唔只係「聽過」,呢個就係一個好好嘅開始。✨

📅 10月18日(日)12–7PM
💰 $290 + GST
🎁 9月17日前報名,送手工滿月頌缽一個
✨ Yoga Alliance YACEP 持續進修時數
🙎🏻‍♀️ 小班教學,名額有限

報名 link 喺 Comments 🤍

#溫哥華廣東話頌缽聲頻

Standing Side Split ✨有時最難嘅,唔係個動作,而係企上去嗰一下。Standing Side Split 唔算係Pilates入面極高難度嘅動作,但當你企上Reformer,一隻腳踩住固定嘅 platform,另一隻腳踩住...
09/09/2026

Standing Side Split ✨
有時最難嘅,唔係個動作,而係企上去嗰一下。

Standing Side Split 唔算係Pilates入面極高難度嘅動作,
但當你企上Reformer,一隻腳踩住固定嘅 platform,另一隻腳踩住會郁嘅 carriage,再慢慢將 carriage 推開……

個腦已經開始:
「老師……真係要開呀?😳」

今日同學仔就係咁——
腳震震、一路嗌救命 😂
但最後每一位都成功完成!

其實呢個動作除咗需要腿部力量、core control 同 balance,
仲需要一樣好重要嘅嘢:

勇氣。❤️

唔需要一開始就做得好闊、好靚,
控制到自己可以去到嘅幅度,再安全咁返嚟,已經係一個好好嘅練習。

今日嘅 challenge:全部過關!👏🏻👏🏻👏🏻


#3人小班教學

有啲說話,真係會令人開心好耐。🥹🤍近日收到兩位同學寫俾我嘅心意卡。做老師,最開心嘅從來唔係學生做到幾高難度嘅動作,而係知道自己花嘅心機同耐心,學生原來都有感受到。無論係 Teacher Training,定係平日每一堂課,我哋一直都希望學生...
09/08/2026

有啲說話,真係會令人開心好耐。🥹🤍

近日收到兩位同學寫俾我嘅心意卡。

做老師,最開心嘅從來唔係學生做到幾高難度嘅動作,而係知道自己花嘅心機同耐心,學生原來都有感受到。

無論係 Teacher Training,定係平日每一堂課,我哋一直都希望學生得到嘅唔只係「上咗一堂」,而係有人認真觀察你、教你、陪你理解自己身體,同埋一步一步進步。

多謝你哋嘅信任,亦多謝你哋特別寫低呢份心意俾我。對老師嚟講,呢啲係最珍貴嘅肯定。🥹

我會繼續好好教落去。🤍

Address

Unit 130, 4611 No. 6 Road
Richmond, BC

Alerts

Be the first to know and let us send you an email when CannyStudio posts news and promotions. Your email address will not be used for any other purpose, and you can unsubscribe at any time.

Contact The Business

Send a message to CannyStudio:

Shortcuts

Share

Category

Nearby gyms & sports facilities