31/08/2026
Die 2026 rugbyseisoen het tot ’n einde gekom, en wat ’n ongelooflike reis was dit! Ons wil net uit ons harte DANKIE sê aan elke persoon wat hierdie seisoen moontlik gemaak het.
Aan ons Bestuur – dankie vir julle leiding, harde werk en die tyd wat julle opoffer om die klub aan die gang te hou.
Aan ons Afrigters – dankie vir julle geduld, toewyding en alles wat julle in ons spelers belê het.
Aan ons Spelers – dankie vir julle harde werk, passie, deursettingsvermoë en vir elke keer wat julle die Rangers-trui met trots aangetrek het. ❤️🤍
Aan ons Mediese Span – dankie dat julle altyd daar was om na ons spelers om te sien en julle ondersteuning langs die veld.
Aan ons Ondersteuners – julle stemme, aanmoediging en teenwoordigheid beteken meer as wat julle besef. Dankie dat julle saam met ons staan, wen of verloor!
Aan ons Gemeenskap – dankie vir julle liefde, ondersteuning en betrokkenheid by Rangers. Hierdie klub is deel van ons dorp, en julle maak dit spesiaal.
Aan ons Borge – baie dankie vir julle geloof in Dysselsdorp Rangers RFC en vir elke bydrae wat gehelp het om ons seisoen moontlik te maak. Ons waardeer julle ongelooflik baie.
Aan ons Bal Joggies – dankie vir julle hulp en vir die rol wat julle langs die veld speel. Julle is ’n belangrike deel van elke wedstryddag! 🏉
En laastens, aan elkeen wat op enige manier ’n rol gespeel het – of dit nou groot of klein was – weet asseblief dat dit raakgesien en waardeer word.
Rangers is meer as net rugby. Rangers is ’n familie, ’n gemeenskap en ’n trots wat ons almal deel. ❤️🤍
Dankie vir elke wedstryd, elke ondersteuning, elke opoffering, elke glimlag en elke herinnering.
EEN KLUB. EEN DORP. EEN HART. ❤️🤍
Tot volgende seisoen! 🏉❤️🤍
DYSSELSDORP RANGERS RFC – EST. 1978
