03/09/2026
Dankie Delicious gemeenskap. ❤️💚
Namens die klub wil ons eerste dankie se vir die Hemelse Vader vir n ongelooflike jaar van rugby. Daar was geen ernstige, maar minimale beserings. Waar ons gereis het, het Hy vir ons veilig in die holte van Sy hande gehou. Alle eer kom U toe.
Alle spelers, vanaf 3de span tot 1ste span, ons salute julle!!! Dankie dat julle geglo het in Delicious en dat julle ons klub gekies het. Dankie dat julle, julle lywe op die spel geplaas het. Julle was briljant die jaar. Dinge kon soveel anders gewees het. Gaan kyk die log vandag, en gaan kyk terug na die jaar en vorige jare - daar wys groot vordering!!! Hier en daar was ons ongelukkig, maar dis deel van rugby. 2026 was die jaar wat julle weer respek vanaf ander gekry het, wat wys ons kan weer die top span wees. Ons vertrou dat almal volgende jaar weer Die Mop julle tuiste sal maak. Ons kan net mooi dinge verwag vir volgende jaar. Vir nou, geniet die rus periode en werk liggies terwyl dit afseisoen is. Welldone op n goeie jaar!!!
Aan ons afrigters, vanaf 3de span tot 1ste span, job welldone!!! As ons kyk waar ons aan die begin van die 1ste rondte was, en waar ons geeindig het, wys dit die gehalte afrigters wat julle is. Wedstryd vir wedstryd, het ons net beter geraak. Toe toe mense twyfel in die keuses, het julle self hulle vertroue gewen. Dankie vir julle opofferings, deur die week en naweke, en so ook die werk wat julle agter die skerms insit. 7 uit 22 verloor, was n groot verbetering van ander jare. Julle het ons klub se naam herstel en ons is dankbaar dat ons julle het. Geniet die breek, en ons weet dat julle sterker gaan terugkom volgende jaar. Dankie, julle is daai ysters wie julle se julle is.
Aan ons bestuur, wie kan rugby speel sonder julle? Om n bestuurslid van n klub te wees, moet jou vel dik wees. As dit nie goed gaan, is dit die bestuur se skuld, as dit goed gaan, kry die bestuur nie krediet. Gelukkig was dit egter nie die geval by ons klub nie. Die Delicious gemeenskap het hulle vertroue in julle gesit, en julle het met onderskeiding geslaag. Dis julle wat die skakel tussen spelers, afrigters, Die Unie, borge en die gemeenskap is. Dis julle wat kyk na die welstand van die klub, die spelers en afrigters. Die kosbare tyd wat julle moet afstaan, om ons klub te dien, gaan nie ongesiens verby nie. Ons waardeer julle!!! Geniet die rus periode.
Aan al ons borge, dankie dat julle altyd daar is om n bydrae te lewer - groot of klein. In die moderne rugby era, moet n klub se finansies floreer om vorentoe te gaan. Verseker help julle bydrae met dit. Mag julle besighede van krag tot krag gaan, en geseend bly. Ons waardeer julle.
Laaste en die belangrikste, Die Sterkmense!!! n Sterkmens is nie iemand wat van klub na klub beweeg nie, n Sterkmens is n Delicious ondersteuner tot sy kis sak! Dankie vir al julle opofferings om by die velde uit te kom, uit of tuis. Dankie vir julle ondersteuning by elke funksie. Al is die finansies nie altyd so goed nie, nogtans is julle op die veld. Nog meer belangrik, dankie dat julle span lig met julle stemme, wanneer dit swaar gaan tussen die vier lyne. Julle is die vuur van die enjinkamer. Ons waardeer julle!!!
Ons teken uit tot vroeg volgende jaar.
Delicious groete. 🇧🇬🇧🇬🇧🇬
