02/06/2026
🚨 अत्यन्त जरुरी सूचना 🚨
विषय: पाँचौँ मोना भलिबल कप–२०२६ को फाइनल खेलमा उपस्थितिका लागि हार्दिक अनुरोध
गैरआवासीय नेपाली संघ (NRNA-NCC Qatar) को खेलकुद विभागको सहकार्य तथा म्याग्दी प्रवासी नेपाली संघ (मोना) कतारको खेलकुद विभागद्वारा आयोजित “पाँचौँ मोना भलिबल कप–२०२६” को फाइनल खेल आगामी शुक्रबार कतार एकेडेमी, अल खोरको इन्डोर हलमा सम्पन्न हुने भएकोले कतारमा रहनुभएका सम्पूर्ण नेपाली संघ–संस्थाका अध्यक्षज्यूहरू, प्रतिनिधिज्यूहरू, खेलाडीहरू, खेलप्रेमी दाजुभाइ तथा दिदीबहिनीहरूलाई उक्त फाइनल खेलमा उपस्थित भई खेलाडीहरूको मनोबल उच्च बनाउन तथा हौसला प्रदान गर्न हार्दिक अनुरोध गर्दछौँ।
🏐 खेल सम्बन्धी विवरण:
📅 मिति: ०५ जुन २०२६, शुक्रबार
📍 स्थान: कतार एकेडेमी, अल खोर – इन्डोर हल (Qatar Academy, Al Khor Indoor Hall)
⏰ समय: बिहान ठीक ११:०० बजे
प्रवासमा रहेका नेपाली खेलाडीहरूको प्रतिभा, समर्पण र मेहनतको सम्मान गर्दै खेलकुद क्षेत्रलाई अझ सशक्त, व्यवस्थित र प्रेरणादायी बनाउन हामीले नयाँ सोच र उत्साहका साथ अगाडि बढ्ने प्रयास गरेका छौँ। यस अभियानलाई सफल बनाउन कतारमा रहेका प्रदेश ,जिल्ला तथा विभिन्न संघ–संस्थाहरू र नेपाली दाजुभाइ तथा दिदीबहिनीहरूको साथ, सहयोग र सहभागिता अत्यन्त महत्वपूर्ण रहेको छ।
तपाईंहरूको सक्रिय उपस्थितिले खेलाडीहरूलाई थप ऊर्जा, प्रेरणा र आत्मविश्वास प्रदान गर्नेछ भन्ने पूर्ण विश्वास लिएका छौँ। आउनुहोस्, खेलाडीहरूको हौसला बढाऔँ र नेपाली खेलकुदको विकासमा आफ्नो अमूल्य साथ र समर्थन जनाऔँ।
🙏 सम्पूर्ण नेपाली समुदायलाई उपस्थितिका लागि हार्दिक निमन्त्रणा।
धन्यवाद।
राजन चापागाई
सचिवालय सदस्य तथा खेलकुद विभाग संयोजक
गैरआवासीय नेपाली संघ (NRNA-NCC Qatar)
