https://www.facebook.com/113914401791593/

DC Itter2, Lambertusstraat 50, Neeritter (2026)

07/11/2026

Broederstrijd in Dansrijck

Vriedig 6 november steit de oetwedstrijd in Neijwiertj op t programma tegen ozze vrienden van Dartsrijck. Aanwezige sjurgers vandaag zeen de gebroeders Ressen, de gebroeders Naus en ein van de beste chauffeurs die ig in mien lange carrière hub mogen mitmaken, Cas K.

Captain Gi is as we speak 40 gewoore en leet verstek goan om lekker te goan oet eate. Nick mos weer get met peard goan doon en mr. Positivo Sjaak is om onduidelijke redenen noa Rowwen Heze. Erik J. Is nog steeds geblesseerd. We haaje ut broedertrio compleet kinne maken mer Shaolin monnik Nielske K. Besloot om aaf te zakken noa de Franse Alpen om doa op zien fietske rondj te rieje. Veur weem Nielske neet good kintj zal ig det ff oetlegge. Unne hieale tied geleeje is Nielske op bezeuk geweasj biej de Shaolin monniken in Zuid-Tibet aan de voet van het Himalayagebergte. Nielske heet zich doa loate bekeren tot het Boeddhisme en sindsdien heet dr se goudgeale rakkers zoa good es aafgezwore en riedj dr veurnamelijk nog rondj op zien wielrenfietske. De man is zoa zen as unne pasgeboren baby tegenwoordig. Mer good dit allemoal terzijde want anges weurtj dit verslaag nog langer as det van Itter 3 verslaaggeaver Nelis en det kin echt neet.

Steef, Tom, Jurgen en Capitano Palli stappen biej Cas in de auto om te vertrekken. Joa de leus t good, Cas riedj. Aangezeen de man allein nog mer Brand drinktj waas unne ieskoaje alfa neet aan hum besteed. Nogmaals veul dank veur ut rieje Cas. Zien broor is al unne geweldige chauffeur mer Cas euvertreftj det zelfs. Waal hubbe we veur vertrek de auto nog motte oetmeste want doa loog mig toch unne haup kroam in dea bak man man. Palli maakte zich ongerweeg nog ernstige zurg euver de actieradius van de elektrische ker van Cas, mer auch det is goodgekomme.

Einmaal aangekomme op locatie parkeerde Cas zien bolide perfect in unne bocht en koste we noa binnen. Legendarische woorden van Steef: ut is net of ig hiej biej de tandarts noa binne laup.

Nou leef minse veul tenj woore neet aanwezig binnen. Ut enige waat we zooge woore taofels kaarters mit minse van gemiddeldje leaftied die de echte tenj al decennialang neet meer hubbe. Vanalles te zeen mer gein dartbord. Oeteindelik weardje we door get aardige minse mit kunstgebit door ut gebouw gestuurd en kwoome we aan biej ruumtje woa we koste vogelepikke. Bliekbaar hing veur oppe deur un groeat plakkaat det we unne angere ingang haaje motte pakken, mer geine sjeale uul van os dea det heet gezeen. Det beloofdj get.

Tot ozze verbazing haaj Cas zien pielkes thoes geloate, want no drinks no darts goof dr os te kinnen. Det beteikentj echt unne broederlijke wedstrijd. De Ressens en de Nausen motte veur puntjes goan zurge.

Tom begintj en duit det meer den prima. Leg 1 en 2 weare vrie snel binnengehengeldj en leg 3 weurtj get spannindjer omdet ziene opponent dr steeds be**er in kumtj. Mit in gedachten det dr t mer be**er zoa snel meugelik kin aafmaken duit dr un Nick Nausje door via D16 en D17 de 0 3 op t bord te zette.

As 2e is captain palli aan de beurt en auch hea speeltj un prima pot. Snel 2 0 veur en leg 3 steit dr noa 15 piele op unne dubbel. Hea vergitj zichzelf te beloeane en de tegenstenjer shot de 1 2. Palli geit onverstuerbaar door en paktj mit 1 3 ut 2e punt.

Steef is de volgendje en speeltj un spannendje pot tegen enne geliekwaardige tegenstenjer. Ut geit tot 2 2 en in de beslissendje leg is de dartsrijcker net get slagvaardiger en weurtj t 1 2.

As letste is Jurgen aan de beurt en auch dea kumtj hieal snel 0 2 veur en dr liektj nix aan de handj. Ziene opponent geit echter op precies de juiste momenten de gooj dinger doon en kumtj truk tot 2 2. In de letste leg mistj Jurgen unne 100+ finish oppe Bull veur de wedstrijd. De tegenstenjer goeatj vervolgens ieskoad 116 oet. En zoa steit 2 2 noa de singles. Jurgen luptj toch al get joare met mer zonne pot haaj dr zeldje mitgemaakt. Ig weit neet wie ig m haaj kinne winnen, mer ig weit auch neet wie ig deze hub verloren, zeen zien wijze woorden.

Weem in de koppels broederkoppels haaj verwacht kumtj bedrogen oet. Palli durftj neet mit zien eigen broor en groeatste idool Steef te spelen. Dus zetj dr zichzelf op mit zien anger idool Jurgen en starten de tactic. Dea ging nog erger op en niear as un achtbaan. Om det ff te verduudelikke. Jurgen gooit 3 keer dubbel Bull om de beurt doanoa neet ins ut groeate vlak van de 12 te kinne raken. Palli wisselt auch gooj beurten aaf mit sjurgpiele die zien weerga neet kinnen en zoa verleeze we onnuedig de 1e leg. Leg 2 weurtj get stabieler en weurtj gepakt. In de 3e leg get ut itterse niveau weer get omhoeag en pakken de winst.

Palli besluutj noa deze slopende pot te wisselen en Steef en Tom komme derin. Ze spelen neet ins slecht mer de tegenstenjer is gewuen constanter en ozze toppers komme dr eigelik neet aan te pas. De 3 3 is un feit.

Steef en Tom goan door mit de tactic en vastbesloten om dit puntj te goan pakken. Ze beginnen redelijk good en dr zeen voldoende kansen om de 1e leg te pakken. Die weare neet verzilverd en Dartsrijck paktj de veursprong. De 2e leg geit nog good in begin mer langzaam vloeien de krachten en ut geluif oet ozze mannen en goan helaas mit 2 0 zitten.

Aan Palli en Jurgen om de 4 4 op t bord te zetten toch mit een verdeendj geliekspel truk te goan noa Itter. Det luktj vrie aardig omdet de mannen good stoan te scoren en snel shotte. Zoa pakken we met 3 0 ut letste puntj van de aovindj en eindigen we op 4 4.

As letste nog een tip veur minsen die in het plat (dialect) un grap willen maken te ABN spreakendje bardames. Dit wirktj dus neet. Tom besteldje 4 pils en unne werme (veur Cas). Eederein lacht om deze kwinkslaag op unne alcoholvrieje, mer de dame in kwestie snaptje de grap neet dus die sloog nog sneller doead den de vettige brand pils biej Dre.

Cas nogmaals dank veur rieje, doe bes geweldig en det moogse vaker doon. Ut waas unne gezellig oavindj en einmoal truk in de Put hubbe we nog get pilskes genuttigd en gekeken wie de toppers van ut 1e un pak sjoor oetdeildje aan Dartsrijck 8 2. Proficiat mannen!

Tot de volgendje (gein idee wanneer det is, kiek mer oppe site),

Jurgen Ittervoort... out

24/10/2026

ITTER 2 SPEELT GELIJK UIT TEGEN QUINCY 3 4-4

Beste fans,

WOENSDAG 21 Oktober 2026;

Café Quincy 3 - Itter 2.
Eindstand 4-4.

De volgende wedstrijd spelen we wederom uit. Vrijdag 6 november gaan we op bezoek bij het Dartsrijck 2 van Koen van den Beucken.

Tot dan!🎯

17/10/2026

ITTER 2 VERLIEST THUIS VAN DC DE LIONS 2 0-8

Beste fans,

16 oktober 2026

Enne memorabele oavendj dea wea es team en club neet vaak hubbe met gemaakt.
Vanoavendj steit op t programma De lions tege Itter 2.
Aafgelaupe weak is trouwens de loting veur de wdc cup geweast en ge roadj t al weer een oetwedstrijd, bedanktj hiejveur.....

Truk noa de wedstrijd van vandaag.
Toppers die t vanoavendj motte goan doon:
Captain Palli Nick Steef Tom en Sjaak.
In dees volgorde is aug de opstelling.

Captain Palli zoot om half 6 aan een mok tomatensoep helaas neet van Tims soep mer gweun van Netje, en om kwart veur 6 aan enne zoore brand ( Cas bedanktj hiejveur ).
Palli steit enne gooie pot te scoren en is edere leg de be**ere tege enne tegestenjer dea vanaaf piel ein aant knotere is. Helaas goatj palli in de 5e leg 2x triple 19 ipv enne single 19 en dus 2x kapot. Hiej door kumtj de tegestenjer truk en sjotj direct.

Pot 2 moog ozze hoefsmid van deenst weer opdraven.
Net veur det Nick moog beginne, huertj der t 3e juichen omdet zien broor Nelis net zien iearste single heet gewonne. Op de achtergrondj aug te huere det t unne deure gewonne single is. Want doa leepe nogal get weddesjappe det Nelis geine single zooj winne dit joar. Stoffels palli en veule angere komme bekske betalen aan Nelis.
Genog onzin verteldj truk noa de wedstrijd.
Nick steit gein onaardige partiej te goaje en snoeptj enne leg aaf van enne spraakzame tegestenjer. Helaas zitj der neet miear in den 1e leg.

3e pot moog Steef goaje. 24 joar geleje waas deze man nog divisiekampioen in de 3e divisie. Noew steit der noa enne sabatical van enkele joare weer in de 1e divisie.
Steef steit alles behalve slecht te goaje mer inne 5e en beslissende leg luktj het helaas neet.
4e pot moog Tom goaje.
Eerste 2 legs heet Tom niks in te bringen. Tegestenjer steit zeer degelijk te goaje.
De volgende 3 legs zeen van een good niveau helaas mist Tom enkele wedstrijdpiele en stoan we met 0-4 achter.
Captain palli besluutj om de positiviteits goeroe van t team op te stelle om zoa t eerste puntj binnen te hengelen.
Steef en Sjaak stoan geine slechte Tac Tic te goaje mer de jongens van de lions zeen van een niveau woa wea helaas neet tegen op kinne boksen.
0-5
De Lions blieve stoan dus wea motte wisselen.
Aan maatjes Tom en Palli de beurt om nog get van deze oavendj te maken. Eerste 3 legs zeen we aan ein gewaagd en kriege we edere leg kans om veur te komme helaas stoan we met 2-1 achter. Leg 4 laupe we vanaaf moment 1 achter de feiten aan en stoan we met 0-6 achter.
Tac Tic stoan we binne no time 1-0 achter leg 2 stoan we snel op 1-1 en leg 3 vultj weer neet ozze kantj op.
Letste pot aan hartsvrienden sjaak en nick de iear om nog een puntje in itter te hoaje. Helaas hub ig zelf neet veul met gekrege van deze pot boete det nick zich een paar keer mooi weg heet gezatte ( onger t bord gemiktj triple 16 raken es ze 7 mos hubbe )
Mer goed helaas verlezen wea thoes met 0-8 ig mot truk in de geschiedenisbooke duike want dit hubbe wea al joare neet miear met gemaaktj. Spreake wea van een crisis? Een sjanj? Nea wea hubbe veur os doon neet slecht gegoatj.
Wea wille ozze vaste supporters bedanken en zeen weakeliks noewe minse die noa os gesjrankel aan t kieke zeen.
Aug wille we huup en christel bedanke veur de goud geale zoore brandjes. ( Cas nogmaals bedankt)
Aug wil ig neet vergeate om de WDC te bedanken om os in de eerste divisie te plaatsen. Zooje wea os contributie terug kinne vroage?
Aanstoande woonsdig steit de volgendje pot op de planning. En aangezeen wea met de naas in de botter zeen gevalle dit joar, kinne wea os opmake veur enne lekkere budels pils. Veur noew razende reporter out.

11/10/2026

ITTER 2 VERLIEST KANSLOOS UIT BIJ DC 'T VERSCHIL 1 7-1

Beste fans,

9 oktober sting de oetwedstreid tege 't Verschil op ut programma. Dit vanwege het feit det wae door de WDC ingedeildj zeen in de 1e Divisie, whoeaveur dank!

Nao de bekerwedstrijd van 3 waeke geleeje mooge wae weer aafreize nao Dindj.

De veurige kier haai broeder Keijerts probleme met de bandespanning, noe waas ut de angere broeder Keijerts dae probleme haai met de gordels. De privè chauffeur van Cas heet os alijk haer gebracht, ondanks de line assist, in de noewe sjinese auto.

Sjaak mocht de spits aaf biete tege de vrinj van Dindj. Hae kos zien nivo neet aantikke van in de beker, vonj verdacht veul de 12, mer det kwoom omdet de deur ope sting. Hae ging genadeloos ongeroet met 3-0. Zoals Fred Durst zeet: It's just one of those days👿 (Veur Palli, zeuk dit mer ff op)

De 2e match waas veur Palli. Es vervanger van ziene broor, dae om bepaaldje reeje neet aanwezig waas, mer os toch opgevange heet bie Drè, mocht hae de Ressen eer hoeag houje. Hae kwoom nog veur met 1-0 mer mos daonao toch zien meerdere erkinne in ziene tegestenjer en ging der met 3-1 vanaaf...

Den is ut de beurt aan ooze captain. 2-0 achter net zoals in de bekerwedstrijd. Verder geine druk, hé captain. Hae kumtj via dubbel 19 veur met 1-0. De 2e leg geit nao Dindj...Met un 180, de 1e van ut team, dao bes se captain veur, probeertj der nog druk op te zette in de 3e leg mer de tegestenjer gooitj 40 via 20 en dubbel 10 oet... 3-1 lost...

Den kumtj de lange man met de noewe auto en privè chauffeur in actie! 1-0 achter en plopperdeplop weurdt der We Are the Champions gedreidj...Toeval🤔🤔🤔 Nao un paar missers op de dubbel geit aug Cas der met 3-1 vanaaf...

4-0 achter! Tiet veur de snacks...
Missjien geit ut den baeter...

Nao un rust pauze van un half oor en un sjrief fout van de captain van Dindj op de opstelling, waas ut noe AC of BC, weurdj der begonne aan de dubbels...

Tiktak:
2-0 lost veur Nick en Palli...BC waas geweun good aant gooije, ierlijk is ierlijk...

701:
Mega sjriever. Dae waas echt good🤪. Deze ging tegenein op, met dikke beurte, mer oeteindelijk met 3-1 verlore door Cas & Gi...

Tiktak 2.0:
Tiet det die hatelijke nul van ut scorebord geit. Gi en Cas treije aan en de 1e set weurdj euverteugendj gewonne met de neudige bonusse...Nao get gekoeieneer euver sjrieffoute en plaspauzes onger de wedstrijd, geit de wedstrijd verder onger ut genot van un speciaal pilske: Lindebaum.
De 2e set ging get lestiger mer oeteindelijk met duudelijke cijfers gewonne. 2-0 winst en oos 1e puntj in de 1e divisie is un feit!
Dank je wel WDC!

Den de letste match vanne aovendj: Palli en Nick mooge weer aantraeje. De 1e set weurdj verlore, de 2e set hubbe ze de kanse laote ligge en staon ze met 2-0 achter...de 3e leg winne wae en stuit ut dus 2-1. Ut bliektj det 701 toch conditioneel te hoeag gegrepe is veur os en deze weurdtj den aug met 3-1 verlore...

Conclusie 1:
Waat ut versjil is met veurig jaor?
Wae hubbe un rundje gekrege van 't Versjil😇

Conclusie 2:
Es wae met 8 man kinne gaon, geweun gaon.
Wie mier man des te gezelliger ut is en de rest is veur de captain weem goeitj...

Conclusie captain:
Wae staon nog steeds op 100%

Sjaak Hansen DC Itter 2 1 0 0%
Cas Keijerts DC Itter 2 1 0 0%
Guido Ramakers DC Itter 2 1 0 0%
Palli Ressen DC Itter 2 1 0 0%

Conclusie 3:
Kop op, de rug recht en op nao de volgendje wedstrijd en den zeen whoea ut sjip strandj!
En veural zurge veur unne gezellige aovendj!

Alaaf!

Vriedig 16 oktober spelen we ozze eerste thoeswedstrijd tegen DC de Lions 2.

22/09/2026

ITTER 2 BEKERT DOOR!

Nogmaals een klein bedankje aan de wdc voor weer een mooie uitwedstrijd in de beker en voor het promoveren naar 1b zonder daar recht op te hebben.
Enfin
Het nieuwe dartseizoen is weer begonnen en zoals gebruikelijk stond de eerste wedstrijd meteen in het teken van de WDC Cup. De eerste tegenstander van Itter 2 was DC ’t Verschil uit Nederweert Eind.

Door afmeldingen van Palli, de Speler van het Vorige Seizoen, T-Mac, Jurgen en de nog naar vorm zoekende Nickos, bestond de selectie deze avond uit Sjaak Hansen, The Hitter van Itter Steef, Gi, Cas en Niels.

Voor Steef was het een bijzondere avond. Na jaren afwezigheid maakte The Hitter van Itter zijn comeback aan de oche.

De singles

Sjaak mocht de avond openen en deed dat uitstekend. Met een weergaloze 99-finish kwam hij op 1-0. Tegenstander Martijn kwam daarna beter in zijn spel. Sjaak kreeg nog kansen op 2-0, maar wist deze niet te benutten en verloor uiteindelijk met 3-1.

Daarna was het tijd voor de comeback van Steef. Ook hij begon uitstekend en kwam op 1-0. Helaas bleek ook deze voorsprong geen garantie. Mike begon steeds beter te gooien en won eveneens met 3-1.

Bij een 0-2 achterstand was het tijd voor kapitein Gi om het tij te keren. En dat deed hij met overtuiging. Gi verkeerde in bloedvorm en won zijn single steady met 0-3.

Als vierde mocht de lange man Cas aantreden. Hij maakte het zichzelf onnodig moeilijk door na een 1-0 voorsprong zelfs met 2-1 achter te komen. Gelukkig herpakte Cas zich en won hij alsnog met 2-3.

Na de singles stond het dus 2-2.

Bitterballen!

Voordat de koppels begonnen was het tijd voor de heerlijke Dré-bitterballen, uiteraard met mosterd. De magen gevuld, de pijlen weer in de hand en klaar voor de tweede helft van de avond.

Steef en Gi mochten als eerste koppel aantreden. De mannen gooiden verdienstelijk, maar de tegenstanders waren simpelweg beter: 2-0.

Daarna mochten Niels, de bibberende chauffeur, en broertje Cas proberen de stand weer gelijk te trekken. Helaas zat dat er niet in. De mannen verloren met 3-0.

Hierbij bleek opnieuw dat in de koppels alleen de scores worden gedeeld en niet de promillages.

De stand: 4-2.

De comeback

Cas en Sjaak waren vervolgens aan de beurt en wisten met een tactiek vol tripels en snelle bulls de wedstrijd weer spannend te maken. Met een keurige 0-2 overwinning werd het 4-3.

Daarna mochten Steef en Gi opnieuw samen aan de oche verschijnen. In de allesbeslissende koppel lieten de mannen zien wat ze konden en met een overtuigende 0-3 overwinning trokken ze de stand gelijk: 4-4!

De Captains Game

Alles moest dus worden beslist in één laatste partij.

Voor Itter was het duidelijk: kapitein Gi moest deze gaan gooien. ’t Verschil koos voor de tombola-tactiek en trok willekeurig Mike Brouwer als tegenstander.

Gi liet direct zien waarom hij deze avond in bloedvorm was. Hij begon de beslissende wedstrijd met een fenomenale 15-darter:

95 – 45 – 140 – 100 – 121

Een schitterende 121-finish maakte de leg compleet.

Het verzet van Mike was direct gebroken. Gi speelde de wedstrijd vervolgens eenvoudig maar kundig uit en won de Captains Game overtuigend met 0-3.

🏆 ITTER 2 BEKERT DOOR!

Van 4-2 achter naar 4-4, om vervolgens de allesbeslissende Captains Game met 0-3 te winnen.

Een geweldige comeback van de mannen uit Neeritter. Itter 2 gaat door naar de volgende ronde van de WDC Cup! 🎯

31/07/2026

Leef supporters, groupies, stamgasten en anger gespuis det interesse heet in DC Itter2.

Ut is vandaag 31 juli en det beteikentj de letste daag om dien team in te sjrieve veur ut noewe seizoen. Ozze topcaptain heet det uiteraard allang geregeldj.

Is der den get nuuts te melden veur kommindj seizoen? Zeker det!
Waat den? Huer ich uch dinke. Det zal ig ins effkes oet de deuk doon hiej zoadet eederein dea trouw noa os gesjravel kumtj kieke precies wetj waat dr kin verwachten.
Het is mig opgevallen det versjillendje leden van team op diverse zomertoernooien zeen gespotj. Gezworen kammeraden Tom en Palli en unne mystery guest, mer doa euver later miear. De mannen zeen hel in training dus, behalve de Keijertz brothers die traine veur de huferm richting mondj, waat auch belangriek is.

Veurig seizoen stinge we vaker waal den neet met un man of 10 inne kafee dus mosten jonges teleurgesteldj weare. De kins der immers mer 6 op papeer zetten. Oad captain en trouwe mascotte Roel van het Hofje of kortweg Berg, heet ut initiatief genomme veur een 3e team.
Oeteindelik is det geluktj en des lang geleeje veur Itter. Met Berg vertrekken Dennis, Siep en ziene zoepbuddy Bartje W. Noa team 3. Samen goan ze get noewelingen onger heur vleugels numme om in de 3e divisie furore te goan maken.
Goot nuuts is det 2 en 3 de thoeswedstrijden samen goan goeaje dus we kinne ozze veurmalige teammaat toppers live in actie zeen.

Den kom ig effkes truk op dea mystery guest. Aangezeen os team enigzins is leeggelaupe, boete de oetgoandje transfers weite we momenteel neet waat de status is van Erik J. Oet W. Unne spraakmakendje inkommendje transfer waas den auch hel nuedig. Dit is neemes minder es (tromgeroffel) (ut is net of ig de prins bekindj goan maken he Sjaak)......Stefan "Steef" Ressen!!!!
Eederein waalbekindj natuurlik, mer veur de minse die det neet neet miear zoa good op heur netvlies hubbe zal ig deze legende ff introduceren.
Steef is de broor van ozze pseudo captain Palli en heet in het verleden joare op ut hoeagste niveau vd WDC gevogelepiktj. Biej 't Pumpke begost (good old days) mit minse as Rick Konings, Robert Moors en Erwin Bloem weem kintj ze neet.
Later biej 'Törp en de Heerlyckheid. Steef steit heden ten dage nog steeds bekindj as de "Hitter van Itter" en heet menig topper biej de WDC slapeloze nachten bezurgtj. Noa unne lange aafwezigheid geit dr kommindj seizoen ziene rentree maken biej Itter 2. Steef biej deze nogmaals van harte welkom!!

Verder mot ig nog melden det de oetreiking van speler van ut jaor en supporter van het joar gedoan zal weare biej ozze joarlikse BBQ. 28 augustus, den zeen jullie weer allemoal welkom biej het altied gezellige cafe zaal de put. En veur degene dea wiltj weten wanniear ut noewe seizoen begint, ig hub gein idee.

Det waas ut veur noe minse. Biej vroage euver deze sjeale zeiver kintj ge uch wenden tot mien broor mr halve liter T.Naus want dea heet mig opgedragen weer een half oor van mien leave op te offeren om dit te sjrieve.

Groetjes,
De razende reporter Der Jägermeister

23/05/2026

ITTER 2 SPEELT WEER GELIJK TEGEN DC DE HOOK 5 4-4

Beste dartsliefhebbers vrinj, en angere volgers van dit dartsteamke. Vandaag de topper tege de Hook 5. Noa t debacle van aafgelaupe weak tege P&P zeen de meiste van Itter gebrandj om een resultaat niear te zetten.
Omstreeks 18:30 zeen vrienden Palli en Tom biej het altied gezellige cafeke de Put. Rond 19:00 weare ze vergezeldj door Siepke. Waat opviltj is det hiejnoa, mr standby deenst Roel van het Hofje binnen wanjeldj. Aan ziene kal en ziene lach te huere is t gein stand BY mer een stand B**R deenst gewore.
We goan noa DE favoriete locatie van ozze reserve captain, dea in het verleden puike resultaten heet neergezatte hiej.

1e pot vandaag moog Siepke aantreaje en noa 4 legs steit t 2-2. Hiejnoa kriege beide mannen enne bultj wedstrijd piele de dubbel vultj deze kiear ozze kantj op. En zoa komme we op 0-1

2e pot Gi tegen Tom ziene trespa vriend Nick. Waat normaal Gi zien zwakke puntj is, is vandaag zien sterke punt. De triples vleege hum om de oare mer t geit om t shotte. En det duit Gi, enne hele belangrieke 115 shot in leg 3.
0-2

Ongertussen kumtj der eine (Cas in zien roas nichte bluuske) verdwaaltj binnen gewanjeldj, waarsjienlik op zeuk noa de "blue oyster bar" veur de gene die t neet wete kiek police academy mer ins den snaptj ge waat ig bedoel.
Enfin truk noa de wedstrijd.
3e pot moog ozze reserve captain Palli aantreaje. Palli gebrandj noa zien reserveplaats van veurige weak. Hea wiltj loate zeen det der inne basis huertj. De legs goan allemoal met de darts met en doa kumtj enne 5e leg aan te pas. Wederom hubbe beide heren de kans om te winne, en aug deze pot vultj ozze kantj op.
0-3

Es 4e moog chauffeur Tom aantreaje, van spanning is de 1e leg niks aan te zeen en enne 16 darter weurdj nieargezatte. Hiejnoa weurdj t allemoal iets minder, credits noa de tegestenjer dea waal heel steady steit te goaje en snel shotj.
1-3

5e pot Gi steltj veur t eerst dit seizoen zichzelf met Tom op.
Enne fantastische Tac Tic van de men van de Hook woa wea helemoal niks in te bringen hubbe.
2-3.

Ongertussen is Siepke weer noa t kleine keamerke gegange om te sjiete. Herinnertj ge ug de wedstrijd van t Paljaske nog? Woa siep een oor vast heet gezeate oppe pleej. En woa de bar vrouw hum heet motte bevrijden hehe.

6e pot Gi en Tom blieve stoan. En loate zeen waat ze kinne. De eerste 2 legs zeen van hoag niveau en dees zeen aug snel binne. De 3 leg is zeer goed van de Hook, mer de 4e leg start Tom met 140 en 2 beurten later goatj Gi aug 140. Middels enne dubbel 10 weurdj t 2-4 veur de men oet Itter.

7e pot moog nestor Sjaak aantreaje met koechie koechie Siep. Vader en zoon stoan enne behuerlike tactic samen te goaje mer vergeate zich helaas te beloane. 3-4

Letste pot vanne oavendj is veur Palli samen met Sjaak. Het waas net of ig enne aqua mundo zoot in t golfslagbad. Scores van 140 en 134 wisselde zich aaf met 9 en 11. Aug deze pot verlezen wea helaas.

Einduitslag 4-4

Enne terechte oetslaag tussen 2 teams die der alles aan gedoan hubbe om der enne spannende strijd van te maken.
Nog 1 wedstrijd dit seizoen tege de birds van de Colibri. Ig hoop ug den aug allemoal te zeen 12 juni biej de Put veur de seizoensaafsloeting.🎯

14/05/2026

ITTER 2 VERLIEST THUIS VAN Pins & Pints 5 3-5.

Beste fans, groupies en angere aanhangsels die Itter 2 op de ein of angere maneer een werm hert toedragen. Ut is woonsdig 13 mei en veur de meiste steit een lang weekend veur de deur. Unne ideale daag dus om de pot tegen ozze vrolijke vrienden van de P&P te spelen. Zoals altied woore we weer mit zat man en capitanos Gi en Palli gingen veur de wedstrijd in conclaaf weem er teleurgesteldj mos weare. Capitano Gi besluutj oeteindelik om zelf neet met te doon.

Selectie vandaag Siep, Tom, Cas , Jurgen, Palli en Niels.
Joa minse ozze wielrenfietsende shaolin monnik Nielske waas eindelik weer ins vanne partiej. Deze keer is dr vreemd genog nix biezunjers te melden euver ziene broeder Cas. Biezunjer waas waal een neet nader te numme pakketje van Siep det biej Palli is afgeleverd mer doa zal ig verder neet euver oetweien. Omdet ut een lank weekend is veur de meiste waas de support enorm, Bartje W. Nick en later Tricky D. Dennis en Roel van het Hofje woore aanwezig om heur teamgenoten aan te moedigen. Verder woore dr get minse zonger leave zoals Bilzen , Roland Diet de parkiet, Marco T. En Timmy aanwezig om heure inwendige mens te versterken.

The Ginga Ninja Siep bietj net zoals aafgelaupe vriedig ut spits aaf vandaag. "Munnie" barstj van het zelfvertrouwen noa zien topprestatie veurige weak. Mer sjurgers as we zeen is de eine weak de angere neet. Siep begintj scorend nog waal vrie aardig mer shotten bliektj un probleem. De 2e leg waas cruciaal en dea ging noa veule missers van beide verloren. En helaas geit Siep mit 0-3 zitten.

As 2e is Tom aan de beurt dea veurige weak Patrick van Hoef nog van zien 100% heet ontdoan. Dus auch biej Tom gein gebrek aan zelfvertrouwen. Hea begintj aardig en paktj leg 1. In leg 2 hubbe beide kansen oppe dubbel mer paktj ziene tegenstenjer Rick Hendrikx dea. In leg 3 mistj Tom noa unne goeie leg veul te veul piele oppe dubbel en kumtj 1-2 achter. Det geuftj de P&P vertrouwen en geit be**er spelen. 1-3 en 0-2 achter. Neet de start dea we in gedachten haaje.

As 3e is Cas aan de beurt. Normaal een zekerheidje mer vandaag waas Cas vrie kansloos tegen unne prima spelende opponent. 0-3 op het bord en het doemscenario teikentj zich aaf.

As 4e is veteraan Jurgen aan de beurt. De wedstrijd geit volledig "mit de darts met". Jurgen is zoa wisselvallig as t wear en wisseltj 140 scores aaf mit 5 scores. Beide mannen zeen waal sjerp oppe dubbels en goan noa 2-2. In de letste leg gooit Jurgen 145 om deze op tops weg te zetten. Oeteindelik waas D10 ziene beste vrindj vandaag en wintj mit 3-2.

1-3 achter en de koppels goan beginnen. Captain Gi grieptj in tieje van (hoeage) noead truk op BFF koppel Palli en Tom. De 2 gezworen kameraden loate eedere kiear weer zeen det ze een topkoppel zeen. Auch dit waas unne tactic van good niveau en de mannen winnen met 2-0 en zetten de 2-3 op het bord.

Het eveneens sterk spelende koppel van P&P besluutj om te blieve stoan en derhalve zetten wea Cas en Jurgen in. De 2 heren hubbe dit seizoen samen al get hoogte en dieptepunten mitgemaaktj samen. Helaas bleek dit weer een dieptepuntj omdet de mannen van P&P de dubbels simpelweg be**er raken. 2-3 verlees en de 2-4 op het bord.

Cas en Jurgen mooge zich in de tactic revancheren en doon det prima. Degelijke pot dea mit 2-0 weurtj gewonnen en zoa de 3-4 op het bord zetten.

As letste koppel moog eindelik ozze monnik in actie komme samen mit Tom. Nielske zoot zoals dr zelf aangoof precies op promillaasj en begos furieus mit unne 140. Auch dit bleek unne spannendje pot woa in Tom en de monnik prima scoren. Mer auch in deze pot zeen de dubbels os neet good gezindj en de Neijwiearter mannen straffen alle missers genadeloos aaf.
3-5 is de eindoetslaag en det duit pien in Itter.

Besloten weurtj om nog een beerrunj te spelen omdet dit in het verleden tegen deze mannen un legendarisch gebeuren waas. Captain Gi besluutj om onbekindje redenen biej de tegenstenjer mit te doon en hulptj de mannen van P&P onnog aan deze victorie. Heel erg bedankt doaveur Gi.

Speciaal woordje van dank geit oet noa de beste sjriever van de WDC Etienne N. Be**er bekindj as E10 dea 2 tactics gesjreve heet veur os. Dank doaveur! Verder mot ig nog ff melden det Timmy "soep kaupe" Ramakers nog un tenenkrommende, hemeltergend sjeamele sjravelpot tegen ein van de P&P speelde. Mien uig doon dr nog pien van.
Saillant detail is det Cas zien t-shirt is vergeate (ut zooj ins unne kiear neet).

Al met al unne teleurstellendje oavindj veur ut sterrenensemble oet Itter en wea lieke aaf te hoake in de titelstrijd. Hulde aan ozze vrienden van P&P die zeer goed waren vandaag.

Vriedig 22 mei steit de topper tegen de hook op de rol.🎯

13/05/2026

Beste fans,

Vanavond spelen we thuis tegen onze vrienden van Pins & Pints 5 .🎯

3 seizoenen geleden beleefde Niels een van zijn hoogtepunten uit zijn dartcarrière. Hij besloot zijn geliefde bierronde met een mooie finish op het kratje.

Gaan we vanavond weer zulke memorabele momenten meemaken??

Iedereen is van harte welkom bij Cafe-Frituur De Put!

Aanvang; 20.30u🎯

09/05/2026

Beste fans,

8-5-26 enne druilige vriedigoavendj. 1 veur 1 komme de men binne. De last minute aanmelding van Cas waat weakelijks gebeurtj, beteikendj det ozze captain van veurig joar (Berg) zien eerste wedstrijd van t joar geit kieke en neet geit goaje vanoavendj. Ongertussen heet Cas zich enne friet sate en enne traktorbandj noa binnen geduutj en kinne we met de wedstrijd beginnen.

1e pot. Siep dea vanaaf moment 1 lekker stuit te speren gooit ziene iearste 180er met zien noewe pielkes. En de dubbels die binne 2 pielkes binnen gebinktj weare. 3-0

2e pot Tom is gebrandj noa zien nederlaag 2 weake truk. Hea mot tege mr 100% van de Kleine Winst. We hoaje t vandaag kort 3-1.

3e pot Palli dea op veurhandj al hoopte det der es 3e mocht goaje. Kiektj stiekem noa wie Sandra de pielkes lekker noa t bord smiet. Enfin de pot doortj iets langer den geplandj door het gemis van de dubbels in leg 2. Mer t weurdj 3-0

Ongertussen heet Bergske een bergske gedoan.

Es 4e moog Cas aantreaje. We hoaje deze aug kort, enne super pot met enne 15 darter es aafsloeter. 3-0

4-0 veur de Itterse gladiatoren die gebrandj zeen om een resultaat hiej niear te zetten.

Ongertussen kumtj de opstelling door van de Hook tege de Colibri! Ozze "vrienden" van de Colibri zeen ozze "vrienden" neet miear.

Enfin we goan door met os eigese wedstrijd. Ozze favoriete sjriever E10 wiltj een putje sjrieve nogmaals bedankt hieveuer.

Tactic Gi en Cas tege Angelo en Patrick. Waat een geweldj fantastische pot. En we pakke door 5-0.

501 deze hub ig ff gemistj ig sting toevallig om t heukske met Sandra te kalle hehe. Nea ff serieus 3-0 veur de men van Itter.

Tactic de neafkes mooge samen aantreaje. Waat ge moogtj verwachten gebeurtj absoluut neet.
Nick goatj neet slecht, mer Tom steit te brassen doa weurse bang van. 0-2

Letste pot: Palli dea wiltj met ziene moat Tom goaje. En dit paktj fantastisch oet. 3-0 veur de gladiatoren oet Neeritter.

Eindstand 7-1.

Klein dankwoordje aan ozze vaste supporter Tiny Tim dea os steevast volgtj.

De volgende wedstrijd is op verzoek van ozze vrienden van Pins & Pints 5 aanstaande woonsdig 13 mei. Deze wedstrijd sting eigenlijk gepland in t weekend van Itter kermis, mer den willen ozze vrienden samen goan zoepen in Itter i.p.v. pielkes goezen. Woonsdigoavendj zal aug de return of the legend ( tromgeroffel ) Niels "the voice" Keijertsssssss plaatsvinden. Veur de minse die os nog neet zoalang volgen, joare geleje goadje Nielske op een kretje enne fantastische dubbel 11 tege ozze vriende.

Tot woonsdig bie Cafe-Frituur De Put 🎯!