05/06/2026
ပရီးမီးယားလိဂ် ကစားသမားတွေပဲ ခေါ်မယ်ဆိုတဲ့ မန်ယူ
_____________________________
မန်ယူ အသင်း အလုပ်အမှုဆောင်ချုပ် ဘာရန်ဒါကတော့ လာမယ့်နွေ အပြောင်းအရွှေ့မှာ ပရီးမီးယားလိဂ်ရှိ ကစားသမားတွေကိုသာ အလေးပေး ခေါ်ယူသွားဖို့ ရှိကြောင်း ဖွင့်ဟလာခဲ့ပါတယ်။
ကွန်ညာ၊ အမ်ဘီယူမို စတဲ့ ပရီးမီးယားလိဂ် ကစားသမား ၂ ယောက်ကို ကောင်းကောင်း ခေါ်ယူအသုံးချနိုင်ခဲ့တဲ့ မန်ယူအသင်းဟာ ပြည်ပလိဂ်မှ ကစားသမားတွေထက် ဒေသတွင်း ပရီးမီးယားလိဂ်နဲ့ အသားကျပြီးသား ကစားသမားတွေကိုသာ ခေါ်ယူဖို့ ပြင်ဆင်လာခဲ့ပါတယ်။
အမ်ဘီယူမိုဟာ ၁၂ ဂိုးသွင်း၊ ၃ ကြိမ် ဖန်တီးနိုင်ခဲ့သလို ကွန်ညာကလည်း ၁၀ ဂိုးသွင်း ၂ ကြိမ် ဖန်တီးနိုင်ခဲ့တာကြောင့် မန်ယူအသင်းရဲ့ ရေဒါက ပြိုင်ဘက် အသင်း ကစားသမားတွေဘက်ကိုသာ အားကောင်းကောင်းလှည့်နေဉီးမှာ ဖြစ်ပါတယ်။
ဘာရန်ဒါက " ပြီးခဲ့တဲ့နွေ ကျွန်တော်တို့ လုပ်ခဲ့သလို ဒီလာမယ့် နွေမှာလည်း ဆက်လုပ်သွားဖို့ ရှိနေပါတယ်၊ အပြောင်းအရွှေ့ရာသီရောက်တိုင်း ဘာဖြစ်မလဲ ကြိုမသိနိုင်တာကြောင့် အဲ့ဒီအတွက် ပြင်ဆင်ထားဖို့ လိုအပ်ပါလိမ့်မယ်၊ ကျွန်တော်တို့ စီမံကိန်းက ရိုးရှင်းပါတယ်၊ အတွေ့အကြုံရှိ ကစားသမားတွေနဲ့ လူငယ်သွေးသစ်တွေကို ပေါင်းစပ်ပေးဖို့ပါပဲ၊ ပြီးခဲ့တဲ့ ရာသီတုန်းက ဒီအတိုင်း ကောင်းကောင်းလုပ်ပြနိုင်ခဲ့ပါတယ်၊ ပရီးမီးယားလိဂ်အကြောင်း ကောင်းကောင်း အထာညက်နေတဲ့ ကစားသမားတွေကိုပဲ ခေါ်ယူသွားဖြစ်မှာပါ " ဆိုပြီး ပြောဆိုသွားခဲ့ပါတယ်။
အတ္တလန္တာမှ အီဒါဆန်ကို ပေါင် ၃၅ သန်း နဲ့ ခေါ်ယူထားပြီး ဖြစ်တဲ မန်ယူအသင်းဟာ ဝက်စ်ဟမ်းမှ ဖာနန်ဒက်ဇ် နဲ့ နယူးကာဆယ်မှ လူးဝစ်ဟော တို့ကို အဓိက ခေါ်ယူဖို့ ပြင်ဆင်နေကြောင်း သတင်းရရှိပါတယ်။
