30/08/2026
⚫🔴 2. Spilldag – Éischte Punkt vun der Saison!
No der onglécklecher 1:2-Néierlag um éischte Spilldag géint Ëlwen wollt eis Ekipp géint den CS Buurschent eng Reaktioun weisen. An dat ass hir och gelongen: No engem intensive Match trenne sech béid Ekippe mat engem 2:2.
Eis Jongen hunn eng staark éischt Hallschent gespillt. An der 38. Minutt huet de François Criquelière eis mat 1:0 a Féierung bruecht. Buurschent konnt zwar nëmmen zwou Minutte méi spéit ausgläichen, mee eis Ekipp huet direkt nees reagéiert: An der Nospillzäit vun der éischter Hallschent huet de William Delgado Da Cruz den 2:1 markéiert.
Nom Säitewiessel ass Buurschent besser an de Match komm an huet an der 72. Minutt den 2:2 geschoss. Kuerz drop huet de Kevin Dias Giel-Rout gesinn, soudatt mir déi lescht Minutten an Ënnerzuel hu misse spillen. An der 89. Minutt krut och Buurschent nach eng Giel-Rout Kaart. Um Enn bleift et beim 2:2 an domat eisem éischte Punkt vun der neier Saison.
🏆 Elo volle Fokus op d’Coupe!
Vill Zäit fir ze raschten bleift net: Schonn dëse Mëttwoch, den 2. September, um 20h00 steet déi nächst wichteg Aufgab um Programm. An der Qualifikatioun fir den 1. Tour vun der Coupe de Luxembourg treffe mir op den FC Biekerech. De Gewënner vun dësem Match spillt am 1. Tour géint Olympia Christnach-Waldbillig.
📅 Mëttwoch, 02.09.2026
⏰ 20h00
📍 Bettborn
🏆 Coupe de Luxembourg – Tour préliminaire
⚽ FC Préizerdaul-Réiden 🆚 FC Biekerech
Alles ginn, fir den Ticket fir den 1. Tour ze sécheren! 🔴⚫💪
Eis Ekipp zielt op är Ënnerstëtzung! ❤️🖤
