M.M.swimming

M.M.swimming swimming school
physcial education teacher
hydrotherapy
swimming coach

03/06/2026

3 تمارين خفيفة وأساسية لجيل سنتين في البركة (بيقدر الأب أو الأم يعملوها مع طفلهم): 🏊‍♂️👶
1️⃣ تمارين على الدرج (التعود والأمان):
البداية دايماً من الدرج. خلّوا طفلكم يجلس على أول درجة، يلعب بالمي برجليه، أو ينزل درجة درجة وهو مستند على الأب أو الأم. هاد التمرين بخليه يحس بالأمان الكامل لأنه قريب منكم، وبتعود على حدود البركة بالتدريج.
2️⃣ تمارين النفس (نفخ الفقاعات وبوسة المي):
تمرين خفيف ولطيف؛ بينزل الأب أو الأم لمستوى المي مع الطفل وبتعلموه ينفخ فقاعات بسيطة أو يعمل "بوسة للمي". هالحركة بتخليه يتعود يسكّر فمه بالوقت الصح ويتحكم بنفسه بدون أي خوف أو توتر.
3️⃣ تمارين التوازن الخفيف:
الوقوف على الدرج الضحل والطفل ماسك إيدين الأب أو الأم، أو الطفو الخفيف وهو مستلقي تماماً على صدركم. الهدف هون إنه الطفل يحس بوزن جسمه جوّا المي ويتعلم كيف يوازن نفسه بكل هدوء وبأمان حضنكم

الأساس بهاد الجيل هو البساطة، اللعب، وقرب الأهل.. خطوة خطوة وبدون أي ضغط!
#طفلي

02/06/2026

🏠 أولاً: تمارين في البيت (للطفل اللي بيخاف كتير)
1️⃣ تمرين غسيل الوجه ولعبة التحدي: بالبيت وقت الحمام، بلاش نصب المي فجأة على راسه. خلّيه هو يبلل إيديه بالمي ويمسح وجهه وعيونه بنفسه وهو بيعدّ (1، 2، 3) عشان يتعود على ملمس المي بدون ذعر.
2️⃣ تمرين البانيو أو الوعاء (الفقاعات): جيب وعاء فيه مي، وخلّي طفلك ينفخ فمّه على سطح المي عشان يعمل "فقاعات" (Bubbles). هاد التمرين السحري بيعلمه بالتدريج إنو المي ما بتدخل فمه وأنفه طول ما هو بيطلع هوا.
3️⃣ تمرين دوش المطر اللطيف: استخدم رشاش الدوش بشكل خفيف جداً فوق راسه على شكل لعبة، وخليه يتعلم يسكر ثمه وعيونه لثانيتين ويرجع يفتحهم مع التشجيع والضحك.
🏊‍♂️ ثانياً: تمارين في البركة (للتطبيق العملي)
1️⃣ تمرين الجلوس على الحافة ورش المي: بنبدأ بجعل الطفل يجلس على حافة البركة ورجليه بالمي، وبنخليه يرش مي على بطنه وصدره ووجهه وهو عم يلعب، هاد الشي بيكسر حاجز صدمة برودة المي.
2️⃣ تمسك بالحافة والمشي الجانبي: يمسك الطفل حافة البركة بيديه وثقله بالكامل في المي (بمساعدة المدرب أو الأهل)، ويمشي جانباً وهو متمسك بالحافة. هاد التمرين بيبني عنده شعور عالي بالأمان إنو البركة مكان آمن طول ما هو متمسك.
3️⃣ تمرين "النزلات الصغيرة" والتغطيس الموجه: بنمسك إيدين الطفل وبنعطيه إشارة بصرية واضحة، وبنزله لثانية وحدة كاملة تحت المي (حتى لو بس فمه وأنفّه بالبداية) وبنطلعه فوراً مع حضن وتشجيع ك

31/05/2026

في الآونة الأخيرة، انتشرت موضة دورات "الإنقاذ الذاتي" للأطفال بعمر أشهر، والي بتعتمد على حصص مكثفة وضغط مائي ونفسي كبير على الرضيع بهدف إنه يقلب ويطفو لحاله.
نحن في مدرستنا لا نتبع هذه الطريقة ولدينا رؤية وفلسفة مختلفة تماماً:
1️⃣ هدفنا ليس "الإنقاذ الذاتي" بل "التطور والأمان المائي"
الرضيع بعمر 3 أشهر يحتاج إلى بيئة تحتضنه، لا بيئة تختبر قدرته على البقاء. هدفنا في هذا الجيل هو:
بناء علاقة حب وثقة مع الماء تدوم معه مدى الحياة، وليس الخوف أو الصدمة.
تطوير المهارات الحركية والفسيولوجية للطفل عبر اللعب والتوجيه اللطيف والمدروس.
2️⃣ التدريب بدون أي ضغط (Stress-Free)
نحن نؤمن بأن الطفل يتعلم ويتطور بشكل أفضل عندما يشعر بالأمان المطلق:
احترام وتيرة الطفل: نمشي مع قدرة وجاهزية كل طفل بدون استعجال وبدون بكاء أو صراخ.
منطقة الأمان دائمًا: الماء بالنسبة للرضيع عندنا هو مساحة للاسترخاء، تنظيم التنفس، وتقوية العضلات برفق، وليس مكاناً للمواجهة.
3️⃣ الكثافة والمدة التي تناسب طفولته
جلساتنا مصممة لتكون ممتعة، خفيفة، ومحفزة للجهاز العصبي والحركي للطفل دون أن تشكل عليه أي عبء بدني أو نفسي. نحن لا نصنع "آلات" تطفو، بل نبني أطفالاً أصحاء، واثقين، ويعشقون المسبح.
🚨 كلمة أخيرة لكل أم وأب:
الأمان المائي الحقيقي يبدأ من جيل صغير نعم، ولكن بالحب، التدرج، والثقة، وليس بالضغط الإيجابي أو السلبي. هكذا نضمن سلامة أطفالنا نفس�

30/05/2026

الحقيقة العلمية راح تريّح قلبكم!
كثير أمهات وآباء بيقلقوا لما يشوفوا أذن طفلهم تحت المية وهو مستلقي على ظهره (مثل اللقطة اللطيفة بالفيديو). بس طمنوا قلوبكم، الموضوع آمن تماماً وعلمياً مفيد جداً:
حماية ربانية: أذن الطفل في هذا العمر بتفرز شمع طبيعي بشتغل مثل “الدرع الواقي” وبمنع المية تدخل لجوا.
تصميم ذكي: قناة الأذن عند الرضيع قصيرة ومستقيمة، يعني المية بتدخل وبتطلع لحالها بكل سهولة وبدون ما تحتبس.
فوائد للمستقبل: هالمسّة اللطيفة للمية بتساعد الطفل يطور جهاز التوازن والوعي بجسمه من جيل صغير.
💡 كل اللي عليكم تعملوه بعد الحصة: تنشيف خفيف للأذن من برة بقطعة منشفة ناعمة. وممنوع بتاتاً استخدام أعواد القطن.




28/05/2026

بالحب، الصبر، والأمان.. بنحول رهبة المي لمتعة وشجاعة عند أطفالنا 🎯 في مدرستنا M.M. Swimming، ما بنعلم سباحة وبس، إحنا بنبني جيل واثق وقوي من أول غطسة 🥇 كواليس صناعة الأبطال تبدأ من هالمشاهد اللطيفة!

إذا حابين أولادكم يكسروا خوفهم ويتعلموا السباحة بأعلى معايير الأمان.. تابعوا صفحتنا

26/05/2026

بعمر السنتين، الهدف مش إنو الطفل “يتعلم سباحة” بالشكل الكامل…
الهدف الحقيقي هو يبني علاقة آمنة وواثقة مع المَي 💦🤍

لما الطفل يقدر ينط، يطلع راسو، ينظم نفسه، ويكمل حركة بالمَي بهدوء —
هاي مهارات كبيرة جدًا بالنسبة لجيله.

بهالعمر إحنا منشتغل أكثر على:
• الثقة بالمَي
• التوازن والتحكم بالجسم
• تنظيم التنفس
• الاستجابة للتعليمات
• والاستقلالية التدريجية داخل المَي

وكل هاي المهارات بتنبني خطوة خطوة،
بدون ضغط وبدون استعجا




#سباحة

22/05/2026

كثير أهل بفكّرو إنو نطّة الراس لازم تنعمل بسرعة…
بس بالحقيقة، أهم إشي هو بناء الثقة والتدرّج الصح 💦

هاي 5 مراحل بسيطة ممكن تساعد الطفل يتعلّم نطّة راس بطريقة آمنة وممتعة:

1️⃣ التعود على المي والوجه بالماء
2️⃣ النفخ والتحكم بالنفس
3️⃣ القفز الخفيف مع مساعدة
4️⃣ التعلّم كيف يدخل المي بوضعية صح
5️⃣ التكرار + الثقة + الصبر 🙌

كل طفل بتقدّم بسرعته، والمهم تكون التجربة إيجابية ❤️

⚠️ طبعًا كل التمارين لازم تكون تحت إشراف مختص وبمكان آمن.

احفظو الفيديو وابعثوه لأي حدا بحب يتعلم ينط راس
#سباحة


#أطفال

21/05/2026

بعمر سنة و10 أشهر،
الهدف مش يكون “سبّاح” 🏊‍♂️

الهدف يتعلّم:
🤍 يجرب
🤍 يثق بحاله
🤍 يهدى تحت الضغط
🤍 ويحاول مرة ومرتين بدون خوف

الثقة بالمَي ما بتنبنى بيوم،
بتنبنى من تجارب صغيرة

هاي المرحلة أهم من أي تكنيك
#سباحة
#أطفال
#ثقة

17/05/2026

كثير أهل بفكروا إن الجرأة بالمية “شخصية الطفل” وبس…
بس بالحقيقة، جزء كبير منها بيتبنى مع الوقت 💙🏊‍♂️

لما الطفل يجرب، يغلط، يوقع، ويرجع يحاول بدون خوف من الفشل…
هون بتبدأ ثقته تكبر 🙌

بالمية تحديدًا، مهم نعطي الطفل مساحة يكتشف، يحاول، ويتعلم خطوة خطوة،
مش نطلب منه ينجح من أول مرة 👏

الهدف مش بس السباحة،
الهدف نبني طفل عنده ثقة بنفسه، جرأة، واستقلالية 💙

#سباحة #أطفال

14/05/2026

كثير ناس بفكرو إن الثقة بالمَي بتجي من “الدفع” أو “التعويد السريع”…
بس بالحقيقة الثقة بتنزرع شوي شوي 💦

كل نطّة، كل غطسة، وكل لحظة نجاح صغيرة
بتخلي الطفل يحس:
“أنا بقدر” 💙

الهدف مش إن الطفل يعمل حركة حلوة للفيديو،
الهدف إنّه يكون مرتاح، واثق، ويحب المَي بدون خوف 🌊

الثقة بالمَي بتنبنى من:
✔️ بيئة آمنة
✔️ تدرّج صحيح
✔️ عدم الاستعجال
✔️ ومدرب بعرف يقرأ الطفل

لأن الطفل الواثق…
مش،بس بيتعلم يسبح
بتعلم يواجه

#سباحة


#شجاعة
#أطفال

Address

Haifa

Website

Alerts

Be the first to know and let us send you an email when M.M.swimming posts news and promotions. Your email address will not be used for any other purpose, and you can unsubscribe at any time.

Contact The Business

Send a message to M.M.swimming:

Shortcuts

Share

Category