Lunes 10:00 - 21:00 Martes 10:00 - 21:00 Miércoles 10:00 - 21:00 Jueves 10:00 - 21:00 Viernes 10:00 - 21:00 Sábado 10:00 - 14:00

A Morada

Casa
España
Vigo
A Morada

Patio de veciñas onde coidarmos coletivamente en Vigo
🔸️Obradoiros e eventos
🔸️Proxectos sociais
(2)

03/06/2026

🐛OBRADOIRO DE DESEÑO DE BECHOS 🐛
con Montse Piñeiro de Lanterna Máxica

Lanterna Máxica é un proxecto que leva o cinema e a animación a todas partes, ofrecendo obradoiros de creación audiovisual para tódalas idades.

Neste obradoiro monográfico de deseño de bechos observaremos as principais características dos nosos insectos favoritos.

Debuxaremos e recortaremos cada unha das pezas da súa anatomía, definiremos a súa silueta e xogaremos con todos estes elementos para crear un insectario imaxinario colectivo 🖍️✨

Calquera persoa pode participar coas súas propias mans. Achegarémonos ás nocións básicas da animación para logo poder aplicalas no noso teléfono móbil.

📅 Sábado 20 de xuño
🕛 12:00-14:00
💶 40 €

📩 Inscricións: https://forms.gle/CSFgg89rDGGrrj5g6

31/05/2026

Axenda de xuño 🌞
Cando nos vemos?

.marie .ces

28/05/2026

Hoxe máis ca nunca, falar das mulleres iranianas é necesario.

En Irán, unha parte importante da sociedade vive baixo o silencio imposto pola censura, os cortes de internet e o medo á represión severa. Esta situación non só limita a liberdade de expresión, senón que impide que as voces de quen viven esa realidade poidan chegar ao exterior e seren escoitadas.

Neste contexto, as mulleres ocupan un lugar central e, ao mesmo tempo, profundamente vulnerable. Moitas delas son perseguidas, encarceradas ou castigadas por reclamar dereitos fundamentais.

Porén, en Occidente segue a existir un gran descoñecemento sobre a historia real das mulleres iranianas: unha historia marcada por séculos de loita pola emancipación, pola conquista de dereitos, pola súa perda e, de novo, pola súa defensa a través da resistencia.

Esta charla nace da necesidade de contribuír a romper ese silencio, de visibilizar esas realidades e de ofrecer un espazo de reflexión que permita comprender mellor unha situación complexa e profundamente humana.

Ao mesmo tempo, é unha invitación a pensar criticamente sobre o papel da comunidade internacional. Tras décadas de dificultades, moitas persoas en Irán —mulleres e homes— expresan unha crecente sensación de abandono.

Por iso, esta proposta non só pretende mirar cara a Irán, senón tamén abrir un espazo de reflexión compartida: como chegamos ata aquí e que responsabilidade temos como sociedade internacional?

🗓️ Mércores 3 de xuño ás 19h

24/05/2026

Volvemos con outra proposta para compartir unha mañá en comunidade: un espazo de encontro para aprender, conversar e desfrutar xunt@s arredor dun bo petisco.

Nesta ocasión achegámonos ao mundo da bricolaxe nun obradoiro práctico onde aprenderemos a manexar ferramentas básicas como o taladro, a caladora, a serra de man ou a lixadora. Coñeceremos os distintos tipos de brocas e parafusos e poñeremos en práctica todo o aprendido construíndo unha pequena caixa con madeiras recicladas 🔨

E, como sempre, ao rematar haberá petiscos e bebidas para compartir 🥨☕

📅 Sábado 6 de xuño
🕚 De 11:00 a 12:30
💶 20€ / 15€ para matrocinadoras
(inclúe todos os materiais)

Inscricións: https://forms.gle/GyFptxWsGJ9EctcA9

20/05/2026

Umbra Animalis · Octavia Russo

Unha exposición de pintura acompañada por un recital de poesía de Branca Trigo

Umbra Animalis explora a figura do animal como espello e metáfora da experiencia humana, atravesando luces e escuridades como partes inseparables da vida. A través de criaturas sensibles, estrañas e simbólicas, as obras invitan a conectar co noso mundo interno, coa natureza e coa nosa condición esencial: a de seres animais.

Entre o delicado e o inquietante, a mostra propón un encontro con aquilo instintivo, vulnerable e salvaxe que aínda habita en nós.

🗓 29 maio
🕢 19:30 h
🎟 De balde

16/05/2026

A bisexualidade como corpo, identidade e representación: conversas arredor de Corpos e Rostros B.

Con motivo do peche da exposición, propoñemos un encontro aberto co público arredor do traballo de Monikuti. A actividade desenvolverase en formato de conversa participativa, coa participación de persoas implicadas na exposición, para compartir reflexións sobre as imaxes, o proceso creativo e os temas que atravesan a mostra: corpo, identidade e representación.

Un espazo próximo e accesible para dialogar, facer preguntas e compartir colectivamente vivencias bisexuais.

📍 Mércores 27 ás 19:00

12/05/2026

Cinema, Corpo e Memoria 🎥
Obradoiro de Introdución ao cinema autobiográfico con Adriana Páramo de Páramo Imaxinario @‌adriana.p.perez.9

E se a cámara fose unha ferramenta para coñecerte mellor? Neste obradoiro de seis horas, non se busca a perfección técnica, nin que te convertas en profesional do audiovisual. O obxectivo é repensar o noso día a día, a nosa memoria e o noso propio corpo a través dunha cámara.

Tomando como referencia o cinema diario de mulleres cineastas que levaron o persoal ao político, e o documental Grelei raíces no teu lar como marco teórico-práctico, exploraremos como o cinema pode capturar o (in)visible e axudar ao noso autocoñecemento e benestar emocional. 🎞️

Trae o teu móbil e as túas ganas de mirar(te). Non precisas coñecementos previos, só a curiosidade de converter o cotián en imaxe.

O que faremos:

Descubrir o cinema autobiográfico e como usar a cámara para gravarnos.

Explorar obxectos e espazos que falan de nós.

Gravar unha pequena peza autobiográfica arredor do cotiá.

✦ Día 1: Ollada e teoría
Introdución ao cinema autobiográfico e ao cinema diario. Gravaremos o primeiro exercicio: un obxecto que fala de nós.

✦ Día 2: Palabra e creación
Escritura creativa, rodaxe en exteriores, visionado e diálogo sobre as pezas gravadas.

Adriana Páramo é cineasta e doutora en cinema documental. Grelei raíces no teu lar (2025) é a súa primeira longa e tamén a súa tese de doutoramento na Universidade Royal Holloway de Londres. Un diario fílmico que narra o proceso de dó trala morte da súa tía e o seu camiño á maternidade en solitario.

Conta con experiencia en produción de rodaxes e impartindo formacións e masterclasses na Universidade, escolas de cinema e outras institucións, en España e no Reino Unido.

📍 Venres 5 de xuño · 18:00–21:00
📍 Sábado 6 de xuño · 11:00–14:00

💸 50€ / 45€ matrocinadoras
✉️ Inscricións: https://forms.gle/gQ513N6g9zP67ABA8

07/05/2026

Concerto-Recital: POÉTICAS DIVERSAS
Corpo a corpo coa música, a palabra e a danza

🎤 Participan:

Sole García — poesía visual

Lania Santana — voz poética

Liliana Nogueira Pa Che — voz poética

Andrea Suárez — prosa poética + Damián Puime — guitarra

Beatríz Sánchez — prosa poética

Montse Copa — voz poética

María Alonso — sketch teatral

Isabel Balado — voz poética e canto + Margarita Zukova — violonchelo

María Lado — voz poética

Rafael Yebra — saxofón + Zukhra Zeingaliyeva — frauta

Sergio Otero — ksilocoteatro e mimo

Lola Villar — voz poética

📅 Venres, 22 de maio (Sesión única)
🕢 19:30-21:00
🎟️ Entrada inversa

04/05/2026

Teotzin é un libro de poesía que explora a disolución do eu e a experiencia de pertenza a unha realidade máis ampla. A través dunha escrita que se move entre o corporal, o simbólico e o intuitivo, propón un percorrido non lineal por un proceso de transformación cheo de ambigüidade, repetición e tránsito entre estados.

Lonxe de discursos teóricos, Teotzin nace da experiencia e da observación, atravesando temas como o corpo, a memoria, o ancestral e a necesidade de reconectar con formas de percepción menos mediadas.

✍️ Elvira Jardón é escritora e fotógrafa galega. O seu traballo sitúase na intersección entre poesía, exploración simbólica e investigación sobre a percepción ligada ao corpo e á intuición.

Autora de Una mujer fácil e Caza mayor, continúa en Teotzin unha liña que amplía a poesía como ferramenta de experiencia e percepción. A súa obra fotográfica, premiada e exposta en diversos espazos, afonda tamén na natureza, a emoción e a beleza secreta do cotián.

📅 Xoves 21
🕢 19:30
🎟️ De balde

Dirección

Rúa Enrique Xabier Macías, 6
Vigo
36203

Horario de Apertura

Lunes	10:00 - 21:00
Martes	10:00 - 21:00
Miércoles	10:00 - 21:00
Jueves	10:00 - 21:00
Viernes	10:00 - 21:00
Sábado	10:00 - 14:00

Página web

https://www.amoradacooperativa.com/

Notificaciones

Sé el primero en enterarse y déjanos enviarle un correo electrónico cuando A Morada publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.