19/06/2026
O Domingo 14 de xuño celebramos a XIX Xuntanza premini - mini patrocinada por Toyota Breogán | Concesionarios oficiales Toyota en Galicia Grupo Breogán | Concesionarios Toyota, Kia, Lexus y Porsche
Non podemos máis que estar ledos por todo o baloncesto que se viviu no día. Foi unha xornada inesquecible co Pavillón Novo e Vello completamente cheos de emoción, deportividade e o mellor ambiente de baloncesto base de toda Galicia.
Resumo da xornada:
Dende o primeiro pitido inicial ata os encontros da tarde e o emocionante concurso de tiro libre e triplos, os rapaces e rapazas espremeron ao máximo o seu minuto de gloria. Ademais, o noso sorteo solidario foi un éxito rotundo grazas á colaboración de todos coas rifas a 1€. Todo o recadado destinarase integramente á compra de novos balóns e á contratación de adestradores para seguir impulsando a escola do club de cara á vindeira tempada.
Agradecemento especial:
Queremos expresar un agradecemento moi especial a todas as familias que encheron as bancadas de enerxía e a todos os clubs e xogadores asistentes polo seu comportamento exemplar. O éxito desta edición é o resultado do esforzo colectivo, por iso queremos poñer en valor o apoio incondicional de Toyota Breogán | Concesionarios oficiales Toyota en Galicia e Grupo Breogán | Concesionarios Toyota, Kia, Lexus y Porsche como patrocinadores principais. Así mesmo, o noso recoñecemento ao Concello Do Grove , á Federación Galega de Baloncesto 🏀, aos comercios locais colaboradores e, por suposto, a todos os nosos voluntarios que se deixaron a pel para que todo saíse perfecto.
Onde ver e descargar todas as fotos?
Durante estes vindeiros días irémonos dedicando a subir fotos e recordos do torneo nas nosas redes sociais. Non obstante, se queredes adiantarvos para velas ou descargalas con máxima calidade sen agardar máis, xa as tedes todas dispoñibles.
Creamos unha páxina web especial en www.cbomeco.es coa información resumida do torneo e o enlace directo á carpeta de TeraBox onde están gardadas absolutamente todas as fotos dos equipos, dos partidos e do photocall.
Tendes o enlace de acceso á web do club e a TeraBox na biografía do noso perfil. Búscate e garda o teu recordo desta XIX edición.
Vémonos na próxima, que será o noso XX aniversario.
