12/06/2026
Baie geluk aan vier van Waterkloof se hokkiespanne wat later vanjaar die skool met trots by die Top Schools-toernooie gaan verteenwoordig.
Ons Eerstespan Dogters het gekwalifiseer vir die Fairtree Oranje Meisies Super 12 in Bloemfontein. Ons Dogters o.16A-span het gekwalifiseer vir die Paarl Gimnasium Top Schools-toernooi in die Paarl. Ons Seuns o.16A-span is uitgenooi na die Paarl Gimnasium Top Schools-toernooi in die Paarl. Ons Seuns o.14A-span is uitgenooi na die Paarl Boys' High Top Schools-toernooi in die Paarl.
Aan al hierdie spelers en afrigters: baie geluk met hierdie besondere prestasie. Julle kwalifikasie en uitnodigings is die resultaat van maande se harde werk, opoffering, toewyding en die hoë standaarde wat julle daagliks vir julself stel.
Hierdie prestasies is nie net 'n weerspieëling van sukses op die veld nie, maar ook van die kultuur wat ons saam by Kloof bou,’ n kultuur van dissipline, karakter, spanwerk en die strewe na uitnemendheid. Ons is ongelooflik trots op elke speler wat deel vorm van ons program.
Mag hierdie prestasies vir julle 'n herinnering wees dat groot dinge bereik word wanneer talent, harde werk en deursettingsvermoë bymekaar kom. Julle inspireer die volgende generasie Kloof-hokkiespelers om groter te droom en harder te werk.
Geniet elke oomblik van hierdie geleentheid en gaan wys die land waarvoor Waterkloof-hokkie staan.
"Waar talent en vuur ontmoet Kloof-Hokkie."💛🤍💙
