09/09/2026
💚 'n Opregte dankie aan almal wat ons Sundowner Steakete en kuieraand so 'n groot sukses gemaak het! 🥩🔥
Namens Moorreesburg Golfklub wil ons ons opregte waardering uitspreek aan elke lid, sosiale lid, besoeker, vriend en ondersteuner wat die aand saam met ons geniet het.
Julle teenwoordigheid, geselligheid en ondersteuning het van die aand iets besonders gemaak.
'n Spesiale woord van dank aan die span van Ysters op die Platteland en Homebrew Films. Dit was vir ons 'n voorreg om julle by die klub te ontvang en ons sien met groot opgewondenheid uit daarna om die program vroeg in 2027 op televisie te sien.
Baie dankie ook aan almal wat hul tyd afgestaan het om hul stories, kennis en passie vir ons klub te deel:
🏌️ Vanes-Mari du Toit
🏌️ Jannie Durr
🏌️ Ben Smit
🏌️ Gys Liebenberg
🏌️ Johan Loubscher
🏌️ Alet van der Merwe
🏌️ Andre Kriel
Julle insette help om die geskiedenis, mense en toekoms van Moorreesburg Golfklub op 'n besondere manier uit te beeld.
Aan ons personeel en elkeen wat agter die skerms gehelp het om die aand moontlik te maak – baie dankie! Julle harde werk en toewyding word opreg waardeer.
Nou wag ons in afwagting vir die "air date"! 😄 Sodra ons die uitsaaidatum ontvang, sal ons dit dadelik met almal deel.
Weereens, dankie dat julle deel is van ons klub en hierdie spesiale geleentheid. Ons sien uit na nog baie sulke lekker saamkuiergeleenthede! 💚⛳
