Malmesbury Tennis Klub

06/06/2026

27/05/2026

🎾 Mini-tennisinisiatief bring nuwe geleenthede vir Swartland 🎾

’n Mini-tennisopleidingskursus is onlangs by die Malmesbury Tennisklub aangebied as deel van ’n tennisontwikkelingsinisiatief in die Swartland.

Vier plaaslike skole — Chatsworth Primêr, Vooruitsig Primêr, Liebenberg Primêr en St. Thomas Primêr — het tennis toerusting ontvang om jong spelers aan die sport bloot te stel en talent vroeg te ontwikkel.

Die kursus vir opvoeders en vrywilligers is deur mnr. Clifton Swartz aangebied namens die Suid-Afrikaanse Tennis Ontwikkelingsfondasie (SATDF), in samewerking met die Wes-Kaapse Tennisfederasie. Die opleiding het gefokus op mini-tennisvaardighede, basiese afrigting en deelname onder jong spelers.

Die projek word ondersteun deur DCAS en vorm deel van ’n groter poging om tennis en sportontwikkeling in plaaslike gemeenskappe te versterk.

26/05/2026

🎾🔥Malmesbury Tennisklub slaan weer groot in AMEX-toernooi!🔥🎾

Die jaarlikse American Express (AMEX) Tennistoernooi in Strand het weer vir opwinding gesorg, en Malmesbury Tennisklub het gewys hoekom hulle ’n krag is in die Wynland Tennis Distrik.

Met drie spanne ingeskryf, het die klub sterk vertoon in ’n taai kompetisie. Here for the Exercise (Jean le Roux, AJ Swart, Jolize Fourie, Anna-Mari Fitchet) eindig 4de in hul groep, terwyl Wheat-Eaters (Kristoff Isaacs, David Isaacs, Jessie Liebenberg, Suzanne Christian) net-net uitmis op provinsiale uitspele met ’n knap 2de plek in hul groep.

Die uitblinkers van die naweek was egter die Tennis Elbows (Braam Isaacs, Warrick Dreyer, Anna-Mari Newton, Hannelize Upsher) wat met sterk spel 3de eindig in 'n moeilike A-Afdeling en net-net die provinsiale uitkloppe misloop.

Provinsiale wenners sal later vanjaar in Sun City teen die land se bestes gaan meeding — en volgende jaar gaan Malmesbury Tennisklub beslis weer terug wees om nóg harder aan te klop by die top plekke se deure! 🎾🔥

25/05/2026

Baie Dankie 🎾
Leoco Damme

19/05/2026

🌊 MTK STAAN SAAM NA VLOED SKADE 🌊

Die afgelope swaar reën het groot skade by Malmesbury Tennisklub aangerig, met ernstige vloedskade aan die bane, klubhuis en omliggende areas.

Ten spyte van die omvang van die skade, het klublede saamgestaan en reeds groot vordering met die opruimings- en herstelwerk gemaak. Hoewel daar nog baie werk voorlê, is daar reeds merkbare verbetering danksy die harde werk en ondersteuning van verskeie betrokkenes.

’n Besonder groot bydrae is gelewer deur Celeste Walters en haar span van Leoco Damme , wat oor drie dae onverpoos gewerk het om drie bane weer speelbaar te maak. Die klub spreek hul opregte dank en waardering teenoor die span uit en erken dat die situasie baie moeiliker sou wees sonder hul ondersteuning.

Die klub bedank ook opreg al die lede en persone wat hul tyd, toerusting en hulp aangebied het. Die gees van samewerking en omgee binne die tennisgemeenskap het weereens duidelik na vore gekom.

28/03/2026

Suksesvolle tennis seisoen kom tot ’n einde 🎾

Baie dankie vir ’n wonderlike seisoen en aan almal wat gekom het en die aand geniet het. Wenners van die aand: Zander & Liezaan 🏆

Volgende op die kalender is die AMEX-toernooi — dui asseblief aan by ons klubkapteine of jy belangstel, dit is altyd lekker tennis!

20/03/2026

Seisoen-Afsluiting – ons sluit ’n top seisoen op die regte manier af! 🎾🔥
Volgende Donderdag: Bring & Braai 🍖

19/03/2026

Malmesbury Tennisklub vier ’n uitstekende seisoen – goud, silwer en brons is huis toe gebring! 🎾🔥

Finale Posisies:
• Mans A – 3de (1ste Liga) 🥉
• Mans B – 1ste (3de Liga) 🥇
• Mans C – 8ste (3de Liga)
• Dames – 2de (Dubbels Liga) 🥈

Baie dankie aan al ons lede vir jul harde werk, opofferinge en trots wat julle die klub laat dra het.

Volgende Stop: Weskus Winterliga en AMEX-toernooi! 💪

10/03/2026

Malmesbury Tennis Klub Results 7 March 2026