12/08/2026
Mosselbaai Stoeiklub skitter by die Noord-Gauteng Stoei Ope.
Mosselbaai Stoeiklub het die afgelope naweek aan die Noord-Gauteng Stoei Ope, ook bekend as die Johnny Reitz Groot 5 Ope, by die Universiteit van Pretoria deelgeneem.
Die toernooi is jaarliks een van die grootste stoeitoernooie op die Afrika-kontinent. Vanjaar het ongeveer 880 stoeiers vanuit verskeie lande en van regoor Suid-Afrika aan die toernooi deelgeneem.
Mosselbaai Stoeiklub het uitstekend gevaar, met vyf stoeiers wat aan die toernooi deelgeneem het. Die klub het met trots drie medaljes verower.
Die uitslae van die Mosselbaai-stoeiers was soos volg:
1. Joshua Bezuidenhout – 0/10: Eerste plek en goue medalje.
2. Gustav Dreyer – 0/10: Vierde plek.
3. Danie Dreyer – 0/8: Derde plek en bronsmedalje.
4. Christo van Staden – 0/10
5. Franscoi: Tweede plek en silwermedalje.
Die prestasies is ’n besondere bron van trots vir Mosselbaai Stoeiklub. Om op so ’n groot nasionale en internasionale verhoog mee te ding, verg harde werk, toewyding en deursettingsvermoë.
Ons is ongelooflik trots op elkeen van ons stoeiers wat deelgeneem het en hul alles op die mat gegee het. Julle verteenwoordig Mosselbaai Stoeiklub met trots en wys dat harde werk en vasberadenheid vrugte afwerp.
Baie geluk aan al ons stoeiers en ons afrigters!
