Loskop Rugbyklub

07/11/2024

KENNISGEWING!
Alle ingeskrewe, opbetaalde lede, hiermee word u in kennis gestel van Loskop Rugbyklub se Algemene Jaarvergadering soos bepaal deur die Grondwet van die Klub.
Datum:
Vrydag 22 November 2024;
Plek:
Loskop Rugbyklub; en
Tyd
17:00.

15/10/2024

KENNISGEWING!
Kom raak deel van die wenspan.
Jou betrokkenheid kan ons help om nog hoër hoogtes te bereik.
Good day everyone. Hope you are well!! The coaching team decided to implement a pre season program into a 12 week schedule to make sure that we are ready for our first friendly match on the 8th February 2025. We invite all players to the club on Thursday 17th October 2024 at 18:30 to discuss the pre season block. Let us all buy in. We need to have a effective pre season and Coach Evert Smit will talk us through how to get the most of our
pre season program.
Kom een, kom twee, kom almal!

12/10/2024

Uitslag!!!
Wat 'n dag, wat 'n wedstryd!! Blou Bulle President, Willem Stauss en Visie President Henrie van Aswegen het saam met die Vallei se ondersteuners op Chris Wiïd Stadion se paviljoen gesit. Dit was warm op die veld en dit was warm in die son. Die kraaie het gegaap. Beide spanne het geveg en die manne het hulle harte uitgespeel. Limpopo Blou Bulle Platteland Suid het breë bors van die veld afgestap - as die wenners!!!
Dankie Manne julle het Waterberg, Suidstreek en Limpopo Platteland op die "map" gesit. Dit was mooi en dit was goed.
Baie geluk Jannie en jou span. Dit wat julle gedoen het, het julle goed gedoen en dit het gewerk .

12/10/2024

11/10/2024

Loskop Rugbyklub se Manne wat opgeneem is in die Limpopo Blou Bulle Platteland Suid span:
Pieter van Heerden,
Bryan Jovner,
Lennox Majiki,
Emile Bloemhoff,
Ruben Kruger,
James Cato,
Dok Pieters, en
Shaun Agenbag.
Baie geluk Manne, julle is ONS Ysters!

10/10/2024

RUGBY, RUGBY, GROOT RUGBY!
Saterdag 12 Oktober 2024 is Loskop Rugbyklub gasheer vir die provinsiale wedstryd tussen Limpopo Blou Bulle Platteland Suid en Blou Bulle Platteland Tshwane .
Vyf van Loskop se Ysters is in die Limpopo span.

Kom ondersteun ons manne, ons streek en ons provinsie.
Kom een, kom twee, kom almal!!

27/09/2024

Vyf van Loskop Rugbyklub se spelers is opgeneem in die Limpopo Blou Bulle Platteland Suid span. Baie geluk Manne. Drie van ons manne is aangestel as deel van die tegniese span.
Louis Niemann is onder afrigter, Ettiene Pieterse is die Span bestuurder en Evert Smit, die Biokinetikus.
Maak mooi Manne! Hou ons Suid Streek se naam hoog!

02/09/2024

Uitslag!!
Limpopo Suidstreek Finaal. Saterdag 31 Augustus 2024 was 'n gewone Saterdag, effense byt in die lug. Vroegoggend het die mobiele foontjie al begin praat. Finale, finale ry reëlings is gefinaliseer. Die uittog het begin. Lephalale, Loskop is oppad! Van ons Manne en metgeselle het al Vrydagaand oorgeslaap. Inboek by gastehuise en dan stadion toe. Laaste gesels, skouervat, stil raak, rustig word... "Ons het dit Manne"! Opdraf en wag vir die afskop fluitjie. Ons is hier, híér, Limpopo Suidstreek finale!!
Dit was 'n harde wedstryd. Mogol 1 was nie 'n "walk in the park" nie. Daar was gewerk, gestoei en baklei vir elke punt. Daar was ge- counter attack, ge- defend en ge- attack! Na 'n harde, fiesiese wedstryd en met die blaas van die eindfluitjie het Loskop 1 afgestap as 2024 se Limpopo Suidstreek Liga wenners. Loskop 1 (34) - Mogol 1 (22).
Punte was as volg:
Drieë was gedruk deur;
Ruben Kruger (2),
Emiel Bloemhoff (1), en
Phillip Coetzer (1).
Verdoel deur;
Riekert Barnard (3), en
Ruben Kruger (1).
Strafskoppe;
Riekert Barnard (2).
Manne van die wedstryd!
Pieter Meiring vir voorspeler en Ruben Kruger vir agter speler.
Ons koppie bly in die Vallei!!
Dankie! Dankie! Dankie!
Ons liewe Vader vir talente en onvoorwaardelike genade,
Ons Manne vir toewyding,
Ons Manne se gades dat julle hulle met ons deel,
Ons bestuur en afrigters vir baie ure se kommiteekamer "gesels",
Ons borge vir julle vertroue in die klub,
Ons lojale ondersteuners wat elke wedstryd daar is om die Manne se voete en gees sterk te hou,
Mogol Rugbyklub se Manne en bestuur vir ons ontvangs en harde werk wat julle ingesit het om die dag moontlik te maak,
Limpopo Blou Bulle Rugby Unie vir julle betrokkenheid,
Limpopo Skeidsregtersvereniging wat elke wedstryd saam ons "speel".
Dit was 'n goeie dag, dit was 'n mooi dag. Rugby het gewen!!
Dankie oom Skippie. Dankie oom Dawid. Julle kry 'n nuwe koppie in die kas om op te pas...
Dankie Gerry, jou spore lê diep.
Dankie Manne - ons was saam tot die eindfluitjie geblaas het!

27/08/2024

Finaal! Finaal! Finaal!
Wedstryd.
Limpopo Suidstreek.
Saterdag 31 Augustus 2024.
So bereik 'n baie suksesvolle 2024 seisoen sy hoogte punt, met die Limpopo Suidstreek finale op Lephalale. Loskop 1 teen Mogol 1. Baie ure se sweet en bloed is ingesit deur manne wat lojaal en toegewyd is. Die moeg - uithou, aanhou, vasbyt, was die moeite werd. Ons Manne, afrigters en bestuur pak Saterdag oggend die groot uittog aan met vrede in ons hart en 'n oop gemoed. Ons Manne is reg! Nog twee laaste bymekaar kom en... " Manne onthou, moenie te diep staan nie, julle moet die calls onthou, wie vat die truie, onthou die vlag, is daar genoeg water, die pleisters, die game plan..."
Is ons reg..? Verseker! Is daar vlinders in die maag? Baaiiee!!
Ons is reg!! Ons weet die hop van die bal bepaal die game.
Ons weet baie voor ons het mooi spore gelos. Ons weet dat ons geseënd is om dit wat ons ontvang het met oorgawe uit te leef. Ons weet die game is lewendig gehou deur legendes. Ons weet - ons moet ook mooi spore los. Ons is die volgende generasie legendes. Wil ons wen? Absoluut!! Kan ons wen? Verseker. Ons is rustig en wag vir die afskop fluitjie om te blaas.
Ysters, ons is saam julle tot die eindfluitjie blaas.
Viva Loskop, viva!!