31/08/2026
SAY IT STRAIGHT IN 8 with
Joan October
1. Wat is jou naam en watter rol vervul jy by Elim Blues.
* Almal noem my maar Joanie, maar vir n selektiewe groepie vrinne is ek Missies Jones.
2. Hoe lank is jy nou al betrokke by die klub en wat het jou laat besluit om deel van die klub se bedrywighede betrokke te raak.
* Toe die destydse 2 rugbyklubs saamsmelt om 1 klub, Elim RVK te word, wou ek nie meer n supporter wees nie, want wat soek die Rock Roses "jongens" dan nou by ons Progress boys in een Klub!! Maar my diep gewortelde liefde vir rugby het gou die oorhand gekry, en hier is ek vandag nog n supporter. My Ma was ook betrokke by rugby bedrywighede destyds, en was dit as kind vir my n groot vreugde om haar op n Saterdag te help toebroodjies maak, vir die besoekende span na die game. Daar het dit alreeds begin en ek was ook eers net 'n supporter, toe raak ek betrokke by hul snoepie komitee, daarna op die Bestuur waar ek vir n paar jaar agtereenvolgens die Kassier was.
3. Hierdie seisoen het baie uitdagings vir Elim Blues ingehou. Hoe het jy positief gebly en uiteindelik die seisoen uitgesien saam met die klub.
* Jaa, hierdie seisoen was dalk nie soos ons dit wou he nie, negatiewe kritiek was aan die orde van die dag, maar liefde vir die game het my die pad laat saamstap tot die einde. Ek troos my daarin dat geen klub kan se hul het nog net glorie seisoene gehad sedert hul ontstaan nie. Elke klub het sy glorie-seisoen: jy is trots daarop en bou voort. Elke klub het sy "falldown" seisoen: jy staan op, skud die stof van jou stewels af, probeer harder en sit jou alles in.
4. In jou opinie, wat sal jy se moet gedoen word om die klub te verbeter.
* Meer ondersteuning en ontwikkeling van jong spelers. Kinders moet al van skooldae af aangemoedig word om deel te vorm van rugby en meer geleenthede moet geskep word. Beter kommunikasie tussen bestuur, afrigters en spelers. Beter organisering en beplanning van die Klub se aktiwiteite. Om positiewe span- en klub kultuur te bou waar almal kan saamwerk. Om jou gemeenskap, oudspelers en borge meer te betrek.
5. As jy 'n speler vandag kon aanspoor om by die klub betrokke te raak of betrokke te bly, wat sou jy vir daardie speler se.
* Sodanige spelers moet verseker word dat sy deelname en bydrae n groot verskil sal maak. Hulle moet weet dat dit nie net gaan oor rugby nie, maar oor vriendskap, ontwikkeling & om deel te wees van iets groter. Bly betrokke, werk hard en help om die Klub sterker te maak vir die volgende generasie.
6. Wat geniet jy die meeste van die klub se bedrywighede.
* Dis lekker om by die Klub se bedrywighede betrokke te wees. By die snoepie om mense te bedien en tot diens te wees. By die slapchips afdeling bly jy op jou voete maar dis n lekker gevoel. Diens by die hekingang laat jou interessante mense ontmoet en vriendskapsbande word gesmee.
7. Wat is jou visie vir Elim Blues en hoe d**k jy kan die gemeenskap en rolspelers daar buite bydra tot die klub om die visie te laat realiseer?
* My visie vir die Blues is om 'n sterk, suksesvolle en goed georganiseerde Klub te wees wat spelers ontwikkel en n positiewe invloed in die gemeenskap het. Die gemeenskap en ander rolspelers kan help deur finansiele ondersteuning, borgskappe, toerusting en deur wedstryde en klubaktiwiteite te ondersteun. As almal saamwerk, kan ons Elim Blues na n h**r vlak vat.
8. Vir vrouemaand, wat sal jou positiewe boodskap aan vroue in ons plaaslike gemeenskap en in geheel.
* Die mooiste gebaar van n vrou is wanneer sy die mooiheid in ander vrouens sien, eerder as om mekaar af te kraak. Ons moet mekaar opbou. Stap so bietjie in jou seisoen en se vir jouself jy is genoeg en jy doen jou beste. Dis tyd dat jy jouself so bietjie skud en se: God het jou die authority gegee om die duiwel n uitklophou te gee. Moet jouself nooit minderwaardig ag nie. Stap met waagmoed en droom sonder perke.
