19/01/2026
Hip Hip Hoera, Spring Verjaar 🎂
Spring, vandag is jy 'n volle 5 jaar oud!
Ek kan dit amper nie glo nie, my hart loop werklik oor van dankbaarheid.
Dankie Jesus vir hierdié groot voorreg. U het dié idee op my hart gelê, want U wou hê ek moet aardse sukses en prestasies prysgee vir U groter plan. Die somme was waensinnig en dalk lag party mense nogsteeds oor my besluit om op n trampoline te spring instede daarvan om 'n suksesvolle loopbaan na te streef.
Spring vir my is jy die definisie van sukses. Jy is nie die grootste, beste of trendyste gym nie, maar jy is 'n veilige en gemaklike hawe vir elke vrou wat die Here deur jou voordeur laat instap. Jy bring die mooiste vroue op 'n intieme wyse bymekaar wat saam mekaar se laste en uitdagings kan dra, mekaar bemoedig en sommer net lekker saam daaroor kan lag. Mens besef hoe belangrik gemeenskap is en hoe nodig ons mekaar het. Om saam fikser en sterker te word is sommer net n lekker byvoordeel van Spring en sjoe well done vir elkeen van julle, want julle oefen eintlik bitter hard!
Dankie vir elke vrou wat al deel was van Spring en wat vandag steeds deel is, sonder julle sou Spring nie kon bestaan of wees wat dit is nie. Mag die Here se seën werklik oor elkeen van julle wees, in vrou en mamma wees en mag Sy lig aanhou om deur elkeen van julle te skyn oral waar julle gaan.
Spring Liefde X
