03/06/2026
SPORT: Aushwin-Leigh Jantjies kry kans van ’n leeftyd, maar benodig finansiële ondersteuning.
’n Talentvolle jong atleet van Barrydale staan op die drumpel van ’n internasionale deurbraak nadat hy gekies is om aan ’n gesogte atletiektoer na Europa deel te neem. Nou doen sy afrigters en ondersteuners ’n beroep op die gemeenskap om hom te help om hierdie droom ’n werklikheid te maak.
Aushwin-Leigh is amptelik gekies om deel te neem aan die WWS Western Cape Schools Athletics Invitation Tour na Europa. Die toer sluit internasionale kompetisies en hoëprestasie-oefenkans in lande soos België, Duitsland, Italië en Swede in. Atlete sal die geleentheid kry om teen wêreldklas teenstand mee te ding en blootstelling te kry aan internasionale afrigting- en kompetisie-omgewings.
Sy keuring is gebaseer op sy uitsonderlike prestasies gedurende die 2026 atletiekseisoen, veral by die SASA Hoërskool Kampioenskappe vroeër vanjaar, waar hy onder die beste atlete in Suid-Afrika presteer het. Hierdie geleentheid kan ’n groot rol speel om hom te help om sy droom te bereik om ’n Suid-Afrikaanse baanatleet te word.
Om hierdie geleentheid moontlik te maak, moet ons tussen R85 000 en R100 000 insamel. Hierdie kostes sluit in:
• Reisuitgawes
• Verblyf
• Wedstryd-inskrywings
• Spanuitrusting
• Visum- en toerkostes
Die volgende sperdatums is baie belangrik:
• Deposito van R15 000 – onmiddellik
• Visumproses sperdatum – 5 Junie 2026
• Finale betaling – 15 Junie 2026
• Vertrek na België – 22 Junie 2026
• Terugkeer datums – 3 Julie 2026 / 18 Julie 2026
Ons wil graag die Barrydale-gemeenskap, plaaslike besighede en die Burgemeester nader om te help met fondsinsameling vir hom. Tot dusver is daar reeds ’n skenking van R10 000 ontvang om sy deposito te help dek en hom ’n begin te gee.
Enige donasies kan direk betaal word aan die Worldwide Scholarship Group met die atleet se naam as verwysing. Ons vra net dat bewys van betaling aan ons gestuur word sodat ons alle bydraes kan byhou.
Bankbesonderhede:
BANK: FNB/RMB
REKENINGHOUDER: WORLD WIDE SCHOLARSHIP GROUP PTY LTD
REKENINGNOMMER: 63142204279
TAKKODE: 250655
VERWYSING: Atleet Naam
Bewys van betaling kan gestuur word aan:
Dujon Swanepoel (Afrigter)
064 908 5399
[email protected]
Ons sal enige hulp baie waardeer om sy storie te deel en bewusmaking vir hierdie fondsinsamelingspoging te skep. Ons glo hierdie geleentheid kan deure oopmaak vir ’n baie belowende jong atleet en ook ander jong sportmanne en -vroue in ons gemeenskap inspireer.
