Futsal Vjosa

11/09/2025

NJOFTIM ZYRTAR

Klubi ynë i futsallit njofton ndërprerjen e pjesëmarrjes në garat e sezonit 2025.
Ky vendim nuk ka qenë i lehtë, por është i domosdoshëm për të ruajtur seriozitetin dhe vlerat që përfaqëson ky klub.

Për fat të keq, që nga fillimi i stërvitjeve të para, ka pasur mungesë serioziteti nga “elita” e lojtareve duke treguar qasje pa dëshirë e pa motivim për të kontribuar. Sjellje të tilla vetëm presin momentin për të penguar suksesin e klubit dhe dëmtojnë gjithë përkushtimin e atyre që punojnë me sinqeritet përpara.

Klubi ka qenë dhe do të mbetet gjithmonë vend i përkushtimit, disiplinës dhe respektit. Përderisa këto parime nuk janë vlerë e përbashkët e të gjithëve, ne nuk mund të vazhdojmë rrugën e nisur.

Falënderojmë të gjithë ata që kanë dhënë mund, djersë dhe kohë për klubin tonë, si dhe tifozët për përkrahjen e tyre të vazhdueshme. Ky nuk është fundi, por një ndalesë e përkohshme për t’u reflektuar dhe për t’u rikthyer më të fortë në të ardhmen.

Me respekt,
Klubi i Futsallit Vjosa

07/09/2025

Pre-season 🔋💙

23/08/2025

🔵⚪ Mirë se vjen Shqipdon Krasniqi

Skuadra jonë tashmë është më e fortë, më e vendosur dhe më e motivuar me ardhjen e një lojtari që nuk njeh kufij kur bëhet fjalë për përkushtim në parket.
Shqipdon Krasniqi është transferi ynë i ri, një lojtar që i jep shpirtin lojës, që lufton për çdo top dhe që beson se vetëm me maksimumin arrihet deri te fitorja.

💪 Mirë se erdhe Shqipdon!
Shqipdon Krasniqi

21/08/2025

Faleminderit, Mentor Mejzini

Skuadra jonë njofton se, me marrëveshje të dyanshme, kemi përfunduar bashkëpunimin me trajnerin tonë.

Mejzini fillimisht erdhi në ekip si lojtar, duke dhënë kontribut të madh në fushë, por rrugëtimi i tij me ne vazhdoi edhe si trajner.
Me punë, përkushtim dhe pasion, ai arriti të shkruajë kapituj të rëndësishëm në historinë e klubit tonë.
Nën drejtimin e tij, skuadra jonë arriti suksese të mëdha: finalen e Kupës së Kosovës në futsall dhe gjysmëfinalen e Superligës së Kosovës në futsall.

Jemi krenarë për gjithçka që kemi arritur së bashku dhe e falënderojmë për çdo moment, për çdo fitore dhe për çdo sfidë të kaluar krah për krah.

I urojmë suksese të mëdha në rrugëtimin e tij të ardhshëm.

19/08/2025

🔵⚪ Mirë se vjen Gentrit Hasi

Me paraqitje të shkëlqyera në elitën e futsallit kosovar, ai pritet të sjellë siguri, stabilitet dhe lidership në portën tonë.
Ky transferim përbën një hap të madh drejt objektivave tona për këtë edicion dhe është dëshmi e ambicieve të klubit tonë për të arritur më lart.

15/08/2025

🔵⚪ Mirë se vjen Alban Musolli

Jemi të lumtur të njoftojmë afrimin e lojtarit tonë më të ri, Alban Musolli , i cili do të jetë pjesë e skuadrës sonë për këtë sezonë.

Musolli pritet të japë një kontribut të madh në objektivat tona,ku me eksperiencen e tij do të ndihmoj skuadrën në rrugëtimin e saj.
Alban Musolli

13/08/2025

🔵⚪ Mirë se vjen Gentijan Foniqi

Është koha të rikthehenmi në fushë me energji dhe pasion,klubi ynë është gati pë sfidat e këtij sezoni.
Familjes së madhe në këtë rrugëtim i bashkohet edhe Gentijan Foniqi i cili pritet të ndihmoj klubin drejt objektivat që kemi.
Gentijan Foniqi

05/07/2025

Dy shtyllat e ekipit, kapitenët Narcis Alibegu dhe Jetmir Gashi, do të jenë me ne edhe për sezonin 2025! 🔵⚪

Me ta në krye, nuk kemi vetëm lojtarë – kemi udhëheqës, motivim dhe shpirt ekipi.
Vazhdojmë bashkë, më të fortë dhe më të bashkuar se kurrë!

11/06/2025

Urime FC Prishtina 01 titullin e kampionit te sezonit 2024/2025 ne Superligen e Kosoves ne Futsall.

𝐅𝐢𝐧𝐚𝐥𝐞 𝐞 𝐳𝐣𝐚𝐫𝐫𝐭𝐞̈, 𝐅𝐂 𝐏𝐫𝐢𝐬𝐡𝐭𝐢𝐧𝐚 𝟎𝟏 𝐤𝐚𝐦𝐩𝐢𝐨𝐧 𝐩𝐚𝐬 𝐩𝐞𝐧𝐚𝐥𝐥𝐭𝐢𝐯𝐞

Ndeshja finale mes FC Prishtina 01 dhe FC Drenicës për titullin kampion të sezonit 2024/25 u zhvillua në një atmosferë të zjarrtë dhe me shumë emocione, me prishtinasit që fituan me penallti.

FC Prishtina 01 e nisi më mirë ndeshjen duke kaluar në epërsi në minutën e 6-të me golin e Fitim Krasniqit, i cili shënoi për 1-0.

Por menjëherë në minutën e 7-të, Drilon Haxhijaj nga FC Drenica e barazoi rezultatin 1-1.

Edhe pse pati shumë raste nga të dyja ekipet, pjesa e parë përfundoi baras.

Në pjesën e dytë, Fitim Krasniqi sërish e riktheu epërsinë për FC Prishtina 01 në minutën e 23-të, duke e çuar rezultatin në 2-1.

Por Drenica nuk u dorëzua dhe në minutën e 37-të, Diar Deliu shënoi golin e barazimit 2-2.

Në minutat e fundit, Ryan Zapata realizoi për Drenicën nga pika e penalltisë, duke kaluar në avantazh 3-2.

Megjithatë, Fitim Krasniqi barazoi sërish për Prishtina 01 me një goditje të fuqishme, duke e çuar rezultatin në 3-3 dhe duke e dërguar ndeshjen në penallti.

Në gjuajtjet e penalltive, bardhekaltrit treguan qetësi dhe saktësi më të madhe, duke triumfuar dhe duke e siguruar titullin e tretë radhazi të kampionit të Kosovës në futsall.

30/05/2025

Përmbyllje e sezonës 2024/2025 – Një kapitull i suksesshëm për FC Vjosa Futsall

Një tjetër sezon i jashtëzakonshëm ka përfunduar për FC Vjosa Futsall, një ekip që, megjithëse vetëm në vitin e pestë të ekzistencës së tij, ka treguar pjekuri, guxim dhe përkushtim të jashtëzakonshëm në arenën e futsallit kosovar.

Gjatë këtij edicioni, pas një rruge të gjatë e të mundimshme, skuadra jonë arriti një prej sukseseve më të mëdha deri tani – Finalen e Kupës së Kosovës në futsall. Ishte një moment historik për klubin, një dëshmi e rritjes dhe e punës sonë të pandalshme. Edhe pse fati nuk ishte në anën tonë në atë natë finale, krenaria për rrugëtimin mbetet e madhe.

Në kampionatin e rregullt, FC Vjosa Futsall u rendit në vendin e tretë, duke grumbulluar plot 37 pikë, një tjetër arritje që vlen të theksohet. Në fazën play-off, skuadra jonë triumfoi ndaj FC Drenasit në dy ndeshje emocionuese, duke siguruar për herë të parë gjysmëfinalen e fazës së playoff-it. Edhe pse rrugëtimi ynë u ndal aty, karakteri dhe lufta që tregoi ekipi ynë ishin shembullore.

E gjitha kjo arrihet nga një ekip i formuar vetëm para pesë vitesh, por që tashmë është bërë një emër i rëndësishëm në futsallin kosovar. Me një përkushtim të veçantë në zhvillimin e talenteve të rinj, jemi krenarë që disa prej lojtarëve tanë tashmë janë pjesë e Kombëtares së Kosovës – një dëshmi tjetër se FC Vjosa Futsall është më shumë sesa një klub: është një projekt që ndërton të ardhmen.

Për ne, përfundimi i këtij sezoni nuk është fundi – është vetëm një pikë ndalese për t’u rikthyer më të fortë, më të uritur dhe më konkurrues. Synimet tona mbeten të qarta: të kontribuojmë në zhvillimin e futsallit në vend dhe të arrijmë majat, hap pas hapi.

Një falënderim i madh shkon për të gjithë lojtarët, stafin, tifozët dhe përkrahësit tanë që ishin pjesë e këtij rrugëtimi.

Së fundi, urojmë sukses dy finalistëve të këtij sezoni, FC Prishtina 01 dhe Drenica Futsal – le të fitojë më i miri!

FC VJOSA FUTSAL – Ne nuk ndalemi! Shihemi së shpejti!

28/05/2025

Të dashur sportdashës dhe mbështetës të zjarrtë të FC VJOSA Futsall,
Sonte është nata jonë!
Në Drenas, zhvillohet nje nder ndeshjet me te rendesishme te kampionatit, një finale para finales kundër skuadrës së fortë të FC Drenica Futsall.
Kjo është beteja ku opsioni i vetëm është fitorja, dhe për ta arritur këtë, kemi nevojë për mbështetjen tuaj më të madhe ndonjëherë!

⚽ Ejani dhe krijoni atmosferën që vetëm tifozeria e FC VJOSA di ta bëjë!
⚡ Le të ndjejë Drenica zjarrin e zemrës sonë dhe fuqinë e bashkimit tonë!

Palestra "Hysni Jetullahu"Drenas
Ora: 20:00

27/05/2025

🏟️ NJOFTIM I RËNDËSISHËM PËR TIFOZËT

Të dashur sportdashës,
Për të krijuar një ambient të sigurt, sportiv dhe të këndshëm për të gjithë, gjatë ndeshjes gjysmëfinale ndërmjet FC VJOSA FUTSALL vs FC DRENICA, do të jenë në fuqi rregullat zyrtare të palëstrës të miratuara nga Federata e Futbollit të Kosovës:
________________________________________

🎟️ INFORMACION PËR BILETAT
🔹 Hyrja në palestër do të bëhet vetëm me biletë
💶 Çmimi i një bilete: 2 euro
🎁 Për tifozët tanë, do të ndahen 100 bileta falas, si shenjë falënderimi për përkrahjen e tyre të vazhdueshme.
📌 Shpendarja e tyre do te bëhet te MobilshopUrimi në Shtime, gjithashtu ne këtë lokacion mund edhe t’i siguroni biletat e tjera.
Numri kontaktues 043 581 519
________________________________________

🚫 Ndalohet rreptësisht:
🔸 Futja e sendeve të forta dhe objekteve të rrezikshme
🔸 Çdo lloj mjeti ndezës – shkrepëse, fishekzjarrë, flakadanë
🔸 Shishet prej qelqi ose metali
🔸 Pirja e duhanit në ambientet e mbyllura të palestrës
✅ Lejohen:
✔️ Pijet vetëm në gota plastike
✔️ Mbështetje pozitive dhe sportive për ekipet
________________________________________

🛡️ KONTROLL SIGURIE
Në hyrje do të kryhet kontroll i detajuar i çdo spektatori.
Ju lutemi për bashkëpunim dhe mirëkuptim ndaj stafit të sigurisë.
________________________________________
🎯 Qëllimi ynë është i qartë:
Të ofrojmë një atmosferë të sigurt, të organizuar dhe festive, ku loja të jetë në qendër dhe pasioni të na bashkojë!

Mirë se vini, Drenica Futsal

Edhe pse sot nuk jemi në shtëpinë tonë të zakonshme, në palestrën ku jemi mësuar t’i presim çdo skuadër me mikpritje dhe respekt, ju sigurojmë se zemrat dhe dyert tona janë të hapura për ju.
Qyteti i Shtimes dhe skuadra jonë ju urojnë mirëseardhje të përzemërt.
Jeni të respektuar dhe të mirëpritur, ashtu siç i ka hije një gare të ndershme dhe një mikpritjeje të vërtetë sportive.