Klubi i Sportev per Personat e Verber L3 Gjakova

24/01/2026

Shahistët e klubit L3 Gjakova morën pjesë në Kampionatin Individual Kualifikues në Shah për të Verbër 2026 të organizuar nga FSVK, një garë me nivel të lartë konkurrence dhe përfaqësim dinjitoz. Kampionati u zhvillua me sistem prej 7 gjirove, ku secili shahist pati mundësinë të dëshmojë përgatitjen, disiplinën dhe përkushtimin e tij sportiv.

Pas përfundimit të të gjitha gjirove, përfaqësuesit e klubit L3 Gjakova u renditën si në vijim:
Në vendin e 6-të u rendit Pavlika Rajer, duke grumbulluar 5 pikë, një rezultat shumë i mirë që reflekton formë të qëndrueshme dhe lojë të mençur gjatë gjithë kampionatit.
Në vendin e 10-të u rendit Sokol Elezaj, me 4 pikë, duke treguar luftë sportive dhe paraqitje solide në secilën ndeshje.
Ndërsa në vendin e 17-të u rendit Taulant Dula, me 3 pikë, duke fituar përvojë të vlefshme në një garë të fortë kombëtare.

Falë këtij rezultati, Pavlika Rajer ka siguruar kualifikimin për fazën finale të Kampionatit të Shahut, e cila u mbajt në Shëngjin, duke përfaqësuar me krenari klubin L3 Gjakova dhe duke dëshmuar nivelin në rritje të shahistëve të verbër nga ky klub.

Pjesëmarrja dhe rezultatet e arritura në këtë kampionat janë dëshmi e punës së vazhdueshme, përkushtimit dhe pasionit për sportin e shahut, si dhe një motivim i fortë për garat e ardhshme dhe zhvillimin e mëtejmë të këtij sporti.

https://s1.chess-results.com/tnr1339180.aspx?lan=1&art=1&SNode=S0

08/01/2026

KOSOVA NGJITET NË RENDITJEN BOTËRORE 🇽🇰⚽️

Komiteti i Sportit të Futbollit pranë Federatës Ndërkombëtare të Sporteve për Personat me Aftësi të Kufizuara (IBSA) ka publikuar Renditjen Botërore të Futbollit për të Verbër për meshkuj për vitin 2026.

Pas pjesëmarrjes historike në Kampionatin Evropian, Divizioni i Dytë, të mbajtur në Poloni, Kombëtarja e Kosovës është ngritur në vendin e 40-të në botë, nga vendi i 64-të sa ishte vitin e kaluar. 💪

“Dardanët” kanë lënë pas kombëtare si Belgjika, Rusia, Sllovenia, Shqipëria dhe shumë të tjera me emër.

Renditja botërore e kombëtareve të Futbollit për të Verbër 👇
https://is.gd/3ILZQa

Vazhdojmë rrugën drejt avancimit! 🇽🇰⚽️💪

05/12/2025

Klubi i Sporteve për Personat e Verbër “L3 Gjakova” ka realizuar me sukses projektin “Sport dhe Integrim” përmes kampingut të shahut, i cili u mbajt në Kuqishtë, tek “Guri i Kuq”. Gjatë këtij kampingu, shahistët e klubit patën mundësinë të zhvillojnë dhe avancojnë më tej aftësitë e tyre në lojën e shahut.

Falënderojmë Presidencën e Republikës së Kosovës për mbështetjen e vazhdueshme që po u ofron sportistëve të verbër në Gjakovë. Po ashtu, shprehim mirënjohjen edhe për z. Qemal Gashi, i cili bashkëfinancoi këtë aktivitet dhe kontribuoi në realizimin e tij me sukses.

24/11/2025

Letër zyrtare për mbështetje financiare

I nderuar/ e nderuar,

Klubi i Sporteve për Personat e Verbër “L3 Gjakova” po përgatitet për realizimin e aktiviteteve sportive për vitin 2026, të cilat kanë për synim përfshirjen, zhvillimin fizik, socializimin dhe fuqizimin e personave të verbër në komunën tonë.

Përmes kësaj letre, ju drejtohemi me respekt dhe mirënjohje të sinqertë duke kërkuar mbështetjen tuaj financiare, e cila është tejet e rëndësishme për zhvillimin e aktiviteteve tona vjetore. Kontributi juaj do të mundësojë organizimin e garave, trajnimeve sportive, pajisjeve të nevojshme, si dhe përfshirjen sa më të gjerë të anëtarëve tanë në aktivitete të shëndetshme dhe gjithëpërfshirëse.

Mbështetja juaj nuk është vetëm ndihmë financiare, por një hap i rëndësishëm drejt inkurajimit të barazisë, respektit dhe vlerësimit të potencialit të personave të verbër në komunitetin tonë. Çdo kontribut është i çmuar dhe do të përdoret me transparencë dhe përgjegjësi të plotë.

Ju falënderojmë sinqerisht për mirëkuptimin, mbështetjen dhe gatishmërinë tuaj për të qenë pjesë e nismave tona për vitin 2026. Jemi të hapur për bashkëpunim dhe për çdo informatë shtesë që mund të kërkoni.

Me respekt,

Klubi i Sporteve për Personat e Verbër “L3 Gjakova”

02/09/2025

Klubi i Golbollit L3 Gjakova nënkampion i Superligës së Kosovës 2024/2025 🥈🏐

Klubi mori pjesë në gjysmëfinalen e garave të Superligës së Kosovës në Golboll, ku u përball me KG Prizrenin. Pas një loje të fortë dhe të vendosur, djemtë tanë arritën fitore të bindshme me rezultat 11 – 5, duke siguruar vendin në finale.

Në finale, KG L3 Gjakova u ndesh me KG Drenicën, ku pas një përballje tejet dinamike dhe emocionuese, ndeshja përfundoi me rezultat 8 – 10 në favor të kundërshtarit.

Megjithatë, ekipi ynë u shpall me krenari Nënkampion i Superligës së Kosovës në Golboll për sezonin 2024/2025 një sukses i madh që dëshmon punën, përkushtimin dhe talentin e lojtarëve tanë.

👏 Urime lojtarëve, stafit dhe gjithë përkrahësve që ishin pjesë e këtij rrugëtimi!

02/09/2025

SUPERLIGA E GOLBALLIT 2024/2025

GJYSMËFINALJA

KG L3 GJAKOVA 11 - 5 KG PRIZRENI

KG L3 GJAKOVA me lojë dhe rezultat bindës mposhti KG PRIZRENIN

29/08/2025

🏆 Klubi L3 Gjakova në fazën finale të Superligës së Golbollit!
📅 E martë, 2 shtator 2025
🕓 Ora 16:00
📍 Palestra "Ilaz Kodra", Skenderaj

Të dashur përkrahës,
Jemi krenarë që jemi ndër katër skuadrat finaliste në garën më të madhe të golbollit në vend! Së bashku me klubet Drenica, Peja dhe Prizereni, do të luftojmë për titullin kampion.

Ftojmë të gjithë dashamirët e sportit dhe mbështetësit e sportistëve me shikim të dëmtuar që të jenë pranë nesh në këtë ditë të veçantë.
Përjetoni emocionet e një gare të fuqishme dhe përkrahni barazinë përmes sportit!

💛 Me zemër për sportin,
L3 Gjakova

23/08/2025

Mark Pjetraj, kryetar i Klubit “L3” Gjakova, ka nënshkruar kontratën për financimin e projektit, në hapësirat e Drejtorisë për Kulturë, Rini dhe Sport, të enjten më 21 gusht 2025.

19/08/2025

23/06/2025

Kombëtarja e Kosovës në futboll për të verbër debuton në Kampionatin Evropian

Kombëtarja e Kosovës në futboll për të verbër do të marrë pjesë për herë të parë në Kampionatin Evropian, Divizioni i Dytë, që do të mbahet në Krakov, Poloni, nga 29 qershori deri më 7 korrik 2025.

"Dardanët" do ta nisin garën kundër vendasve të Polonisë, për të vazhduar më pas ndaj Kazakistanit.
Në dy përballjet e fundit të grupit, Kosova do të përballet me Rumaninë dhe Spanjën, e cila cilësohet si favorite dhe renditet në vendin e dhjetë në ranglistën botërore të futbollit për të verbër.

Selektori Ahmet Mahmutaj ka përzgjedhur këta futbollistë për këtë pjesëmarrje historike:
Vilson Hajdari (portier) - Florian Zeka - Herolind Gashi - Bekim Krasniqi - Daut Hoxha - Shqipron Kuliqi - Fatlum Elshani - Mark Pjetraj (kapiten)

Kjo paraqitje shënon një hap të rëndësishëm për zhvillimin e sportit të të verbërve në Kosovë dhe përfaqëson përkushtimin e Federatës së Sporteve për të Verbër e Kosovës dhe Federatës së Futbollit të Kosovës për gjithëpërfshirje dhe barazi në sport.

UNË, BIRI YT, KOSOVË 🇽🇰