08/09/2026
FITIM KRUSHA ZGJIDHET KOORDINATOR I AKADEMISË SË FUTBOLLIT LIRIA⚽️🏆✅
FC Liria ka kënaqësinë të njoftojë se Fitim Krusha, një prej legjendave dhe ish-kapitenëve të klubit, është zgjedhur Koordinator i Akademisë së Futbollit Liria.
Fitim Krusha është një emër që nuk përfaqëson vetëm futbollin, por edhe historinë, karakterin dhe identitetin e Lirisë.
Ai është një nga ata njerëz që e kanë ndjerë nga afër peshën e fanellës bardhë e zi, përgjegjësinë e shiritit të kapitenit dhe dashurinë e tifozëve të Lirisë.
Sot, eksperienca, përkushtimi dhe dashuria e tij për klubin do të vendosen në shërbim të një prej projekteve më të rëndësishme të së ardhmes së Lirisë:
AKADEMIA E FUTBOLLIT LIRIA
Akademia do të jetë një prioritet i madh i klubit dhe një investim afatgjatë në talentet e reja të Prizrenit.
Qëllimi ynë është të krijojmë një akademi moderne, të organizuar dhe profesionale, ku fëmijët dhe të rinjtë të kenë mundësinë të zhvillohen me trajnerë të përgatitur, kushte sa më të mira dhe një rrugë të qartë drejt futbollit profesionist.
Ne duam që talentet e Prizrenit të mos kërkojnë rrugë tjetër për të realizuar ëndrrën e tyre.
Ëndrra duhet të fillojë këtu.
Në Liri.
Dhe mbi të gjitha, synimi ynë është që Akademia të mos jetë vetëm një vend ku rriten futbollistë, por një fabrikë e talenteve të Lirisë, prej së cilës në të ardhmen do të dalin lojtarët që do ta përfaqësojnë klubin në ekipin e parë dhe në nivelet më të larta.
Për këtë mision, zgjedhja e Fitim Krushës nuk është e rastësishme.
Sepse kush e njeh më mirë se një legjendë e Lirisë atë që do të thotë të rritesh, të luftosh dhe të luash për këtë fanellë?
Mirë se u ktheve në shtëpi, Fitim Krusha! 🖤🤍
Legjenda e Lirisë dje.
Koordinatori i Akademisë sot.
Një nga njerëzit që do të ndërtojë Lirinë e së nesërmes.
FC Liria – Historia jonë. Akademia jonë. E ardhmja jonë.
