Federata e Triathlonit e Kosovës

14/08/2025

Përfundon gara e Duathlonit në Lojërat Botërore TWG Chengdu 2025

Triatleti ynë Albion Ymeri përfundoi garën e duathlonit në vendin e 22-të nga gjithsej 39 garues, në një konkurrencë shumë të fortë me disa prej emrave më të mirë të botës.

Gara, e zhvilluar në kushte të nxehta dhe me lagështi të lartë ajri, u karakterizua nga ritëm i lartë që nga fillimi. Këto kushte e bënë sfidën edhe më të vështirë, por Albion Ymeri arriti ta përfundojë me një kohë prej 1:19:54.

Ky rezultat është një hap i rëndësishëm për përfaqësimin e Kosovës në skenën ndërkombëtare të triathlonit dhe duathlonit, duke treguar përkushtim dhe nivel të lartë gare.

30/06/2025

📣 FTESË PËR TË GJITHË SPORTDASHËSIT!

Regjistrimi për Kosova Sprint Triathlon 2025 është i hapur!
Të gjithë ata që e duan sportin, sfidën dhe energjinë pozitive – mos hezitoni!
🏊‍♂️ 750m Not
🚴‍♀️ 20km Çiklizëm
🏃‍♂️ 5km Vrapim

Dhe pse jo – bëhuni njëri nga fituesit e çmimeve që do të ndahen për më të mirët!
Ky është shansi juaj të sfidoni veten, të mateni me më të mirët dhe të shijoni atmosferën unike të triathlonit në zemër të Kosovës

01/06/2025

13/05/2025

Albion Ymeri kualifikohet për Lojërat Botërore (World Games)

Një lajm i mirë dhe historik për triathlonin dhe sportin e Kosovës në përgjithësi.
Sportisti ynë, Albion Ymeri, është kualifikuar për në Lojërat Botërore (World Games), të cilat mbahen në Chengu të Kinës, prej 7-17 gusht 2025.
Është kjo hera e parë që një sportist përfaqëson Kosovën në këtë ngjarje.
Ymeri është kualifikuar falë renditjes që ka në disiplinën e duathlonit.
“World Games” janë Lojëra që mbahen çdo katër vjet dhe organizohen nga Asociacioni Ndërkombëtar i Lojërave Botërore (IWGA). Lojërat zhvillohen në disiplinat joolimpike.

26/04/2025

Një foto së bashku me presidentin e Federatës Europiane të Triathlonit, Marc D’Hooge, në Kampionatin Europian të Duathlonit.
Një moment i veçantë gjatë një eventi të jashtëzakonshëm, ku u ndanë ide dhe vizione për të ardhmen e sportit tonë.
Inspirim dhe motivim për të punuar edhe më shumë për zhvillimin e triathlonit dhe duathlonit në Kosovë.l
🏊🏻🚴🏃
🏃🚴🏃

28/03/2025

Reprezentacioni i Kosovës në Triathlon po udhëton për të marrë pjesë në kampin përgatitor në Antalya i cili do të zhvillohet nga data 29 mars deri më 13 Prill 2025.

Ky kamp përbën një hap të rëndësishëm në strategjinë afatgjatë të Federatës së Triathlonit të Kosovës për të ndërtuar një ekip të fortë dhe konkurrues në arenën ndërkombëtare. Përveç aspektit fizik, sportistët do të kenë mundësinë të zhvillojnë edhe anën taktike dhe psikologjike, duke u përgatitur për sfidat e ardhshme në kalendarin ndërkombëtar të triathlonit.

Mbështetja e vazhdueshme e federatës, angazhimi i trajnerëve dhe përkushtimi i sportistëve janë elementët kyç që po e çojnë triathlonin e Kosovës drejt një të ardhmeje premtuese.
Ky investim në përgatitje do të reflektojë në paraqitjet e ardhshme të sportistëve tanë, duke e çuar Kosovën drejt rezultateve gjithnjë e më të larta.
🏊🏻🚴🏃

16/01/2024

https://www.botasot.info/sporti/2114254/kampi-i-triathlonit-shkon-sipas-planit-ne-durres-maxhuni-i-kenaqur/

Tash e disa ditë po përgatiten në Durrës.  Ecuria e stërvitjeve po shkon sipas planit nga kampi i Kosovës në triathlon. Sekretari i përgjithshëm i Federatës së Triathlonit të...

28/07/2023

Aktiviteti mbahet me daten 30.07.2023, me fillim në ora 09:00 për ballë Restaurant Liqeni në Batllavë

28/07/2023