Kosovo Olympic Committee

06/09/2026

Qyteti i Deçanit është duke mirëpritur qindra garues nga dhjetëra shtete për Kampionatin Botëror të Muaythait, i cili po organizohet nga Federata e Muaythait e Kosovës.

Ceremonia hapëse u mbajt dje ku mes personaliteteve vendore e ndërkombëtare mori pjesë edhe presidenti i KOK-ut, Ismet Krasniqi.

Presidenti Krasniqi, duke vlerësuar lart Kampionatin përgëzoi FMTHAK-në me kryetarin Shpetim Ahmetaj, për organizimin, derisa garuesve iu uroi fat dhe suksese.

06/09/2026

Telegram ngushëllimi për ndarjen nga jeta të ish- notarit Ymer Lota

E nderuara familje Lota,

Me pikëllim të thellë morëm lajmin për ndarjen nga jeta të Ymer Lotës, një figurë e respektuar dhe e çmuar e notit kosovar.

Ymer Lota dha një kontribut të rëndësishëm në zhvillimin e notit në Kosovë. Gjatë veprimtarisë së tij sportive, ai u angazhua si sportist dhe trajner, duke i kushtuar një pjesë të rëndësishme të jetës së tij zhvillimit dhe avancimit të këtij sporti.

Përkushtimi dhe puna e tij ndër vite, veçanërisht në edukimin dhe përgatitjen e brezave të rinj, do të kujtohen me respekt dhe mirënjohje nga komuniteti i sportit në Kosovë.

Në emër të Komitetit Olimpik të Kosovës, familjes Lota, miqve, bashkëpunëtorëve dhe gjithë komunitetit sportiv u shprehim ngushëllimet më të sinqerta për këtë humbje të madhe.

Qoftë i përhershëm kujtimi për Ymer Lotën. U prehtë në paqe!

Me respekt,
Ismet Krasniqi
President i Komitetit Olimpik i Kosovës

05/09/2026

LOGOJA ZYRTARE E Prishtina 2030

Logoja zyrtare e Lojërave Mesdhetare Prishtina 2030, e dizajnuar nga Dardan Luta nga kompania Tomato, sjell një identitet modern dhe dinamik, të frymëzuar nga trashëgimia e lashtë e Kosovës dhe ritmi i Mesdheut.

Simbolet arkeologjike, lëvizja rrethore dhe figurat simbolike njerëzore janë transformuar në një gjuhë vizuale bashkëkohore, që lidh trashëgiminë, sportin dhe identitetin kulturor.

Me ngjyra të fuqishme dhe forma në lëvizje, logoja pasqyron energjinë e sportit, rininë dhe karakterin urban të Prishtinës, duke prezantuar një kryeqytet të ri, energjik dhe me vizion të guximshëm.

Prishtina 2030 synon të jetë më shumë se një ngjarje shumësportëshe, një pikëtakim i sportit, kulturave, njerëzve dhe komuniteteve nga i gjithë Mesdheu.

Një ritëm i ri për Mesdheun. Ritmi i Prishtinës 2030.

04/09/2026

Shefja e misionit të ekipit tonë, Rejhan Halili, flet për pjesëmarrjen e ekipit tonë në LM Taranto 2026

04/09/2026

Ai që u përkujdes që çdo moment i ekipit tonë në Taranto 2026 të mbetet i përjetësuar në fotografi 📸.

🙏 Shpend Ahmeti

04/09/2026

Një pjesë e stafit të KOK-ut të angazhuar në Lojërat Mesdhetare Taranto 2026, që me përkushtim dhe punë ekipore u kujdes për mbarëvajtjen e ekipit tonë. 🇽🇰💙

Falënderim i veçantë për gjithë të angazhuarit tjerë për kontributin e dhënë dhe mirënjohje të thellë sportistëve dhe trajnerëve për bashkëpunimin!🙏

04/09/2026

03/09/2026

GRAZIE TARANTO 2026!🇮🇹
SHIHEMI NË PRISHTINA 2030!🇽🇰

Në ceremoninë mbyllëse të Lojërave Mesdhetare Taranto 2026, Kosovës iu dorëzua zyrtarisht flamuri i Lojërave Mesdhetare, duke shënuar kalimin e organizimit te mikpritësi i radhës, Prishtina 2030.

Flamurin e Lojërave Mesdhetare e pranoi kryetari i Prishtinës, Përparim Rama, në një moment historik që simbolizon nisjen e rrugëtimit tonë drejt organizimit të Lojërave Mesdhetare Prishtina 2030.

Para më shumë se 20 mijë shikuesve, flamuri i Kosovës u ngrit përkrah flamurit të Italisë dhe atij të Lojërave Mesdhetare. Flamuri ynë u dorëzua nga basketbollisti Adhurim Alijaj, ndërsa ngritja e tij u shoqërua me intonimin e himnit shtetëror të Kosovës. 🇽🇰

Në stadium u shfaq edhe videoja promovuese e Prishtina 2030, duke prezantuar para publikut mesdhetar nikoqirin e ardhshëm të Lojërave.

Para ceremonisë së dorëzimit, flamurin e Kosovës në ceremoninë mbyllëse të Taranto 2026 e bartën dy flamurmbajtësit tanë, karateisti Islam Selmani dhe Fortesa Orana.

Të pranishëm në stadium ishin edhe drejtuesit e KOK-ut, me presidentin Ismet Krasniqi.

Grazie, Taranto 2026! 🇮🇹
Shihemi në Prishtina 2030! 🇽🇰



📷 Shpend Ahmeti - Sports Photographer

03/09/2026

NA PRIFTË E MBARA! 🇽🇰

Momenti i ngritjes së flamurit të Kosovës në stadiumin e Tarantos dhe marrja e flamurit nga kryetari i Prishtinës, Përparim Rama për organizimin e Lojërave Mesdhetare Prishtina 2030. Nga ky moment dhe për katër vitet e ardhshmeKosova është kryefjalë e Lojërave Mesdhetare.

03/09/2026

Edhe gjatë ditëve të ngarkuara në Taranto, disa gjëra i kemi gjithmonë me vete. Argeta gjithmonë me ne!