20/05/2015
Juventusi ka arritur që të sigurojë trofeun e dytë këtë sezon, pasi ka mposhtur Lazion me rezultat 2-1 në një ndeshje dramatike që u desh të vendosej pas vazhdimeve.
Pas katër minutash lojë në Olimpico ishte Stephan Radu ai që realizoi për 1-0 dhe epërsinë e Lazios.
Shumë shpejt reagoi Juventusi. Në minutën e 11-të ishte Chiellini ai që shënoi për 1-1 me asistim të Patrice Evras.
Me këtë rezultat përfundoi edhe pjesa e parë, dhe me një ndeshje të gjatë përpara.
Pjesa e dytë u karakterizua me një luftë të madhe dhe me një paraqitje fantastike të Etrit Berishës i cili bëri të pamundurën për të mbajtur në lojë skuadrën e tij.
Pasi ndeshja në kohë të rregullt përfundoi me rezultat 1-1, u desh të vendosej në vazhdime.
Menjëherë në vazhdim eishte Alessandro Matri ai që në minutën e 97-të e shënoi golin e fitores për 2-1 për Juventusin.
