22/01/2026
Kompania "Sporting" si vazhdimsi e ish-kompanisë "Megasport"–Prizren për të cilën bëhet fjalë edhe në këtë dokumentar, si dhe në emër të familjes, publikisht falemderojmë nga zemra të gjithë ata që e bënë të mundur realizimin e këtij dokumentari dhe për trajtimin me dinjitet e respekt këtij rasti të rëndë e të heshtur ndër vite .
Faleminderim i veçantë për Z.Faik Berishën, i cili e ka ngritur zërin dhe e ka ringjallur publikisht rastin e tragjedisë sonë familjare. Për vite me radhë, kjo dhimbje është bashkëndier në heshtje nga bashkëqytetarët tanë, por kurrë më parë nuk është shprehur dhe trajtuar kaq hapur dhe publikisht .
Një mirënjohje e posaçme shkon për Gazetarin Sportiv të RTV Dukagjini, Z.Elion Nuza, dhe për gjithë ekipin realizues, për punën, përkushtimin dhe dinjitetin gjatë pasqyrimit të jetës, veprës dhe sakrificës së Bujar dhe Edmond Godenit.
Ne, si kompani sportive, vazhdojmë me përkushtim rrugëtimin e nisur nga prindërit tanë dhe rrugëtimin e përgjysmuar të Bujarit dhe Edmondit .
Me plot vrull dhe me dëshirë që gjithmonë të jemi aty ku mund të bëjmë vepra të mira dhe të japim kontribut për vendin dhe komunitetin tonë.
Respekte përjetësisht. Lavdi!
