Shpsr - Trofta - Pejë

02/09/2026

NJOFTIM

Shoqata e Peshkimit “Trofta” – Pejë, në bashkëpunim me Komunën e Pejës, njofton të gjithë qytetarët dhe peshkatarët se nesër, më 3 shtator, duke filluar nga ora 10:00, do të zhvillohen punime për sanimin e digës pranë Restaurant Panama në Pejë.

Për shkak të thatësirave dhe nivelit të ulët të rrjedhës së Lumbardhit të Pejës, gjatë punimeve ekziston mundësia që troftat të mbesin të bllokuara nëpër puse.

🐟 Për këtë arsye, ftojmë të gjithë peshkatarët, anëtarët e shoqatës dhe qytetarët vullnetarë që të na bashkohen për shpëtimin dhe bartjen e troftave në pjesët e sigurta të lumit.

📅 Data: 3 shtator
⏰ Ora: 10:00
📍 Lokacioni: Diga te Restaurant Panama, Pejëi lusim te gjithë vullentaret me mundesi te marin karuba , meredova me veti ta shpetojm troften autoktone

02/09/2026

NJOFTIM I RËNDËSISHËM – SHPSR “TROFTA” PEJË

SHPSR “Trofta” Pejë njofton të gjithë peshkatarët sportivë se peshkimi i troftës autoktone është i lejuar vetëm sipas parimit:

🎣 PESHKON – LËSHON (Catch & Release)

Peshkimi lejohet vetëm me karrem jo të gjallë dhe me pajisje të përshtatshme e profesionale për heqjen e grepit, në mënyrë që peshku të lirohet pa u dëmtuar.

Kohëve të fundit kemi pranuar informacione dhe kemi evidentuar raste të keqpërdorimit të kësaj lejeje. Rastet janë duke u verifikuar dhe dokumentuar, ndërsa për disa prej tyre personat përgjegjës tashmë janë identifikuar. I kemi ne gishta kushë po e keqëperdor Lumëbardhin organet e hetuesis së policis së kosoves janë tu marë me video inqizime , se keni largë o kriminela ju njofim

Për këtë arsye, e bëjmë të qartë:

Askush nuk mund të thotë “nuk e kam ditur”. Rregullat janë të qarta dhe janë bërë të ditura.

Çdo shkelje e rregullave, përdorim i mjeteve apo metodave të palejuara, dëmtim i troftës autoktone ose marrje e peshkut në kundërshtim me kushtet e lejes, do të evidentohet dhe dokumentohet, dhe rastet do t’u përcillen organeve kompetente, përfshirë Prokurorinë, kur ka bazë për procedim.

SHPSR “Trofta” Pejë nuk do të tolerojë keqpërdorimin e lejes dhe dëmtimin e pasurisë sonë natyrore.

Kjo leje është dhënë për peshkim sportiv dhe ruajtjen e troftës, jo për abuzim. Me një tetor o rrepsisht e ndaluar peshkimi i troftes sipas rregullave te fpsrk kosova, trofta hyn ne shumim deri me daten e percaktuar ne leje te peshkimit , kush zinet duke e keqperdor ket vendim do gjobitet,

27/08/2026

Pas Publikimeve tona dhe kërkeses së njëpasnjëshme më ne fund problemi me Kanalizimin në kët pjesë të Lumbardhit u zgjedh nga KRU Hidrodrini të cilët e zhbllokuan Gypin kryesor i cili me muaj e vite ishte i bllokuar(shpresojmë që është bërë zgjidhja afatgjate)!
Nuk do të ndalemi deri sa nuk largohen të gjitha derdhjet e Kanalizimeve dhe Kemikaljeve në Lumbardhin tonë!
Ruaje Lumbardhin se është pasuri!

19/08/2026

Kështu ka filluar mengjesi për këto Trofta Autoktone që po luftojnë me Kemikalje nga Gypi i Kanalizimit, vetëm 400 metra nga Qendra e Qytetit!

19/08/2026

Katastrofa po vazhdon nga Gypi i Kanalizimit me plot Kemikalje në Lumbardhë, vetëm 400 metra nga Qendra e Qytetit , për kët gyp janë Alarmuar të gjithë me qindra herë!

18/08/2026

18/08/2026

Kundër shkatërrimit të Lumbardhit të Pejës!

Ajo që po bëhet në shtratin e Lumbardhit, në emër të “rregullimit”, po rrezikon troftën autoktone të Pejës. Ndryshimi i rrjedhës dhe ndërhyrjet pa mbikëqyrje profesionale po bëjnë që mijëra trofta të mbesin të bllokuara në puse të vogla.

Kjo nuk është rregullim – është katastrofë ekologjike!

Si SHPSR “Trofta Pej”, e kundërshtojmë fuqishëm këtë ndërhyrje dhe kërkojmë përgjegjësi nga komuna dhe drejtoria përkatëse. Ku është inxhinieri në terren? Ku është mbikëqyrja profesionale?

Lumbardhi nuk është pronë e askujt. Është pasuri e Pejës dhe habitat i troftës autoktone. STOP shkatërrimit!, i faleminderoim peshkataret sportiv dhe vullnetaret qe u munduan ti shpetojn kto trofta qe kn ngec neper puse ,

02/08/2026

Të dashur peshkatarë të Pejës,

Në brigjet e lumenjve nuk kërkojmë vetëm peshkun, por edhe qetësinë, kujtimet dhe dashurinë për natyrën. Është përgjegjësi e secilit prej nesh që këtë pasuri ta ruajmë dhe t’ua lëmë brezave që vijnë.

Prandaj, ju ftojmë me mirëkuptim të pajiseni me lejen dhe licencën e peshkimit, në përputhje me ligjet në fuqi. Kjo ju ndihmon të shmangni gjobat gjatë kontrolleve dhe njëkohësisht mbështet ruajtjen e fondit peshkor dhe ujërave tona.

Le të jemi shembull i respektit për natyrën dhe për njëri-tjetrin, që kënaqësia e peshkimit të mbetet gjithmonë e pastër dhe e ligjshme.

Me respekt,

FPSRK
SHPSR “Trofta” Pejë peshko dhe lësho , kriminelat jemu tu i etiketu skanë pshtimë , pakë kanë vonim se kanë laegë , qyteti folë

26/06/2026

SHPSR “Trofta Pejë” i njofton të gjithë peshkatarët se peshkimi në lumin Lumbardh lejohet vetëm nga ora 12:00 deri në ora 20:00. Çdo peshkim jashtë këtij orari përbën shkelje dhe dënohet me gjobë nga 250€ deri në 500€.

Çdo peshkatar është i obliguar të posedojë licencën e peshkimit dhe anëtarësinë e vlefshme për vitin 2026.

Ju rikujtojmë se rregulli ynë mbetet i pandryshuar: “Peshko dhe Lësho”. Ky rregull vlen për lumin Lumbardh, Drinin e Bardhë dhe lumin e Istogut, me qëllim të mbrojtjes dhe shtimit të troftës autoktone.

Gjithashtu, kemi pranuar informacione se në rrjedhën e Drinit të Bardhë, afër burimit, disa persona dyshohet se po përdorin agregatë për peshkim. Ky është një veprim i ndaluar dhe vepër penale. Çdo person që kapet në flagrancë duke përdorur mjete të tilla do të përballet me procedura ligjore dhe dënime, përfshirë edhe dënimin me burg, sipas legjislacionit në fuqi.

Falënderojmë të gjithë qytetarët dhe peshkatarët e ndërgjegjshëm që po na përkrahin në mbrojtjen e troftës autoktone. Vetëm me bashkëpunim dhe respektim të ligjit mund ta ruajmë këtë pasuri natyrore për brezat e ardhshëm. kur e kapë policia në flagrancë që ska dit , i faleminderoim qytetaret për mbështetke së bashku ia dalim,

21/06/2026

Një apel nga Shoqata “Trofta” Pejë

Të dashur peshkatarë dhe miq të Lumbardhit,

Lumi dhe trofta që e banojnë atë janë një pasuri që na është besuar të gjithëve. Për ta ruajtur këtë bukuri edhe për brezat që vijnë, ju bëjmë thirrje që të respektoni rregullat e peshkimit dhe natyrën që na rrethon.

Peshkimi i troftës është i lejuar në Lumbardh deri te Tre Krojet, ndërsa mbi këtë zonë kompetencat i ka Parku Nacional Bjeshkët e Nemuna.

Peshkimi zhvillohet sipas parimit “Peshko dhe Lësho”, me orar nga ora 12:00 deri në ora 20:00. Ky kufizim nuk është bërë pa arsye, por për të mbrojtur lumin nga ata që nuk e vlerësojnë dhe e dëmtojnë atë për përfitime të çastit.

Nuk lejohet përdorimi i karremit të gjallë. Do të ketë kontrolle të vazhdueshme dhe të rrepta. Çdo peshkatar duhet të jetë i pajisur me licencë dhe leje të vlefshme peshkimi. Gjobat për shkelësit do të jenë të ashpra.

Mos ta shohim Lumbardhin vetëm si një vend ku peshkojmë, por si një trashëgimi që duhet ta ruajmë. Çdo troftë e lëshuar përsëri në ujë është një mundësi që lumi të vazhdojë të jetojë. Çdo rregull i respektuar është një hap drejt mbrojtjes së asaj që kemi më të shtrenjtë.

Le të jemi ne ata që e lëmë lumin më të pasur se sa e gjetëm.

Shoqata “Trofta” Pejë
Nëse e duam lumin, ta mbrojmë atë.