05/09/2026
REAGIM ZYRTAR – KF ARBËRIA
KF Arbëria dënon fuqishëm ngjarjet e rënda të ndodhura sot pas përfundimit të ndeshjes ndaj KF Rilindja.
Pas përfundimit të takimit, persona zyrtarë të klubit kundërshtar, së bashku me disa tifozë, kanë sulmuar pjesëtarë të stafit tonë dhe disa nga futbollistët tanë.
Ajo që ndodhi sot është e turpshme dhe e papranueshme për futbollin e Kosovës. Futbolli duhet të jetë garë, respekt dhe sportivitet, e jo vend ku dhuna dhe sulmet fizike zënë vend.
Si pasojë e incidentit, disa nga lojtarët dhe pjesëtarët e stafit tonë kanë pësuar lëndime dhe kanë marrë tretman mjekësor nga ekipet e Ndihmës së Shpejtë. Për momentin, gjendja e tyre shëndetësore është stabile.
KF Arbëria kërkon nga Federata e Futbollit të Kosovës dhe organet kompetente të Policisë së Kosovës që të hetojnë me seriozitet të plotë këtë incident dhe të ndërmarrin masat e nevojshme ndaj të gjithë personave përgjegjës.
Ne besojmë se dhuna nuk ka vend në sport dhe se përgjegjësia duhet të jetë individuale, pavarësisht se kush është i përfshirë.
KF Arbëria do ta mbrojë me dinjitet klubin, lojtarët dhe stafin e saj dhe do të kërkojë drejtësi për atë që ndodhi sot.
