Shoqëria Bjeshkatare Alpiniste Gjilani

17/09/2026

13/09/2026

🥾 “Shba Gjilani “– Ecja e radhës në Bjeshkët e Sharrit 🏔️

Sot, 13.09.2026 “Shba Gjilani” realizoi me sukses ecjen e radhës në Bjeshkët e Sharrit, me ngjitjen drejt Majës së Kobilicës, 2528 m.

Një ngjitje sfiduese, ku na pritën terreni i vështirë, lodhja dhe sfidat e shumta deri në majë. Por, si gjithmonë, shoqëria, humori dhe kënaqësia e përbashkët i tejkaluan të gjitha vështirësitë. 💪🥾

Gjatë rrugëtimit shijuam pamje madhështore të majave dhe masivit të Sharrit, ndër to Maja e Zezë, Traskveci, Maja e Korfit, si dhe shumë bukuri të tjera që na ofruan këto bjeshkë.

Një tjetër ngjitje e përfunduar me sukses, me shumë kujtime të bukura dhe momente të paharrueshme së bashku! ❤️🏔️

🙏 Faleminderit të gjithë anëtarëve dhe pjesëmarrësve që ishin sot me ne në këtë ecje.

Mirupafshim në ecjet e radhës!
🥾🏔️ SHBA Gjilani – Gjithmonë së bashku në bjeshkë!

31/08/2026

🥾 Shoqëria Bjeshkatare Alpiniste “Gjilani” 🏔️

Më datë 30.08.2026, Shoqëria Bjeshkatare Alpiniste “Gjilani” realizoi ngjitjen e radhës në Parkun Kombëtar “Sharri”, në majën Vraca e Madhe, me lartësi 2582 m.

Kjo ecje ishte e bukur, ashtu si çdo ecje e jona, por veçantinë e saj e bënë pamjet e mrekullueshme dhe të gjera që na shoqëruan gjatë gjithë ngjitjes drejt majës. Përroi i Lumbardhit na ndihmoi shumë gjatë rrugëtimit, duke na freskuar sa herë që ndalonim për të pushuar.

Ishte një shoqëri e mrekullueshme, ku batutat dhe humori i pjesëmarrësve e bënë ecjen edhe më të lehtë dhe më të këndshme. 😊🥾

Një falënderim i veçantë për të gjithë pjesëmarrësit në këtë event, për energjinë dhe shoqërinë e tyre.

Gjithashtu, falënderojmë dy ushtarakët e kontingjentit turk në Kosovë, të cilët për herë të dytë iu bashkëngjitën “Shba “Gjilani” në aktivitetin tonë. Ishte kënaqësi t’i kishim përsëri me ne! 🇹🇷🤝🇽🇰

🙏 Faleminderit të gjithëve për pjesëmarrjen dhe atmosferën e krijuar!

Mirupafshim në ecjet e radhës! 🏔️🥾
Së bashku drejt majave të reja!