KV "Fushë Kosova"

KV "Fushë Kosova" Klubi i volejbollit për femra "Fushë Kosova''

10/09/2026

ONLINE TAXI – PARTNERI QË BESON NË NE DHE NA NDIHMON TË JEMI GJITHMONË TOP-NOTCH

Online Taxi e ka ndërtuar suksesin e saj duke u kujdesur që çdo udhëtar të arrijë në destinacionin e tij shpejt, sigurt dhe me besim.
Në rrugëtimin tonë sportiv, Online Taxi ka zgjedhur të bëjë të njëjtën gjë, të jetë pranë nesh që nga fillimi dhe të na ndihmojë të ecim përpara, drejt sukseseve historike.

Me mbështetjen e vazhdueshme të "Online Taxi" dhe pronarit të saj, z. Ragip Mahmuti, KV Fushë Kosova ka pasur një partner që ka besuar në projektin tonë, në vizionin tonë dhe në potencialin që ky klub ka.

Një partner që nuk ka hezituar të jetë aty, gjatë gjithë rrugës që na solli deri këtu.

Online Taxi është një histori suksesi në biznes. Për ne, është një pjesë e rëndësishme e historisë sonë të suksesit në sport.

Sot, kur KV Fushë Kosova është pjesë e elitës së volejbollit kosovar, e dimë se pas çdo arritjeje nuk qëndrojnë vetëm puna në palestër, lojtarët, trajnerët dhe sakrifica e përditshme, pas saj qëndrojnë edhe njerëzit dhe partnerët që kanë pasur guximin të besojnë në një vizion dhe vullnetin për ta mbështetur atë.

Z. Ragip Mahmuti dhe Online Taxi janë padyshim pjesë e këtij rrugëtimi.

Faleminderit Online Taxi për besimin, mbështetjen dhe jemi të lumtur që këtë rrugëtim do ta vazhdojmë bashkë për suksese të reja dhe historike.

🚕🏐 Online Taxi – së bashku, vazhdojmë përpara!

Ragip Mahmuti
Online Taxi

BEKIM ALIU I BASHKOHET PROJEKTIT TË KV FUSHË KOSOVA!Klubi ynë ka kënaqësinë të njoftojë se Bekim Aliu i bashkohet stafit...
07/09/2026

BEKIM ALIU I BASHKOHET PROJEKTIT TË KV FUSHË KOSOVA!

Klubi ynë ka kënaqësinë të njoftojë se Bekim Aliu i bashkohet stafit tonë të trajnerëve, duke sjellë në klub një përvojë të madhe të krijuar ndër vite në volejbollin gjerman, fillimisht si lojtar e më pas edhe si trajner, ku ka udhëhequr disa klube të njohura.
Për Bekimin, kjo marrëveshje është më shumë se një angazhim profesional. Dëshira për të kontribuar për vendlindjen e tij, së bashku me simpatinë dhe respektin që ka për klubin tonë, kanë bërë që arritja e kësaj marrëveshjeje të jetë e natyrshme dhe pa shumë vështirësi.
Me këtë lëvizje, KV Fushë Kosova dëshmon edhe një herë përkushtimin për më shumë punë, organizim dhe angazhim në drejtim të objektivave tashmë të përcaktuara.
Beko, gjithashtu do të jetë pjesë e projektit të përbashkët me klubin e qytetit tonë te sapoinkuadruar në Ligën e Parë, KVF Libero, me synimin e përbashkët për ta ndërtuar Fushë Kosovën si qytet të volejbollit.

Besojmë se përvoja, profesionalizmi dhe përkushtimi i Bekimit do të jenë një vlerë e shtuar për projektin tonë.

Bashkë për Fushë Kosovën – qytetin e volejbollit!

MIRË SE VJEN, EGLI SABIN TERRY! KV Fushë Kosova prezanton Egli Sabin Terry si përforcimin e radhës për sezonin e ri! Egl...
31/08/2026

MIRË SE VJEN, EGLI SABIN TERRY!

KV Fushë Kosova prezanton Egli Sabin Terry si përforcimin e radhës për sezonin e ri!

Egli vjen në skuadrën tonë me një përvojë të madhe dhe me cilësi të jashtëzakonshme, për të na ndihmuar në rrugëtimin drejt objektivave tona të mëdha.

Ajo shquhet për versatilitetin dhe aftësitë e saj, duke mundur të kontribuojë në dy pozita të rëndësishme — si pasuese dhe korektore.

Me përkushtim, profesionalizëm dhe mentalitet fitues, besojmë se Egli do të jetë një vlerë e madhe për ekipin tonë në synimin për të luftuar për të gjithë trofetë e mundshëm!

Mirë se vjen në familjen e KV Fushë Kosova, Egli!

Përpara Fushë Kosova!

WELCOME TO FUSHE KOSOVA, SOFFIA! Një tjetër përforcim për sezonin e ri!Fushë Kosova po kompleton skuadrën për sfidat e s...
30/08/2026

WELCOME TO FUSHE KOSOVA, SOFFIA!

Një tjetër përforcim për sezonin e ri!

Fushë Kosova po kompleton skuadrën për sfidat e sezonit të ri dhe me shumë kënaqësi ju prezantojmë përforcimin tonë të radhës — pasuesen ukrainase, SOFFIA VIDIENIEIEVA!

Soffia ka nisur rrugëtimin e saj në volejboll në Ukrainë, ndërsa më pas ka vazhduar karrierën në liga të ndryshme jashtë vendit, së fundmi në Azerbajxhan.

Me eksperiencën, energjinë dhe përkushtimin e saj, Soffia vjen për të kontribuar në realizimin e objektivave tona.

Ne vazhdojmë të ndërtojmë skuadrën, emrat e rinje do të prezantohen së shpejti, kështu të forcojmë grupin dhe të ecim të bashkuar drejt objektivave të përcaktuara.

Mirë se vjen, Soffia!
Të urojmë shumë suksese me ngjyrat bardhë e kaltër.

PËRPARA FUSHË KOSOVA!

30/08/2026

FALEMINDERIT SANTEFARM

Klubi i Volejbollit Fushë Kosova shpreh mirënjohjen e thellë për kompaninë Santefarm dhe pronarin e saj, z. Milaim Abdullahu, për mbështetjen e vazhdueshme dhe besimin e palëkundur ndaj klubit tonë.

Santefarm ka hise të madhe në sukseset dhe rrugëtimin e KV Fushë Kosovës. Në çdo hap të rëndësishëm, kjo kompani i ka besuar vizionit tonë, duke qenë pranë klubit dhe duke kontribuar që puna jonë të vazhdojë me përkushtim e ambicie.

Besimi i ndërsjellë është themeli i këtij bashkëpunimi. Dhe ne jemi të lumtur që këtë rrugëtim do ta vazhdojmë së bashku edhe në të ardhmen.

Ajo që na bashkon është më shumë se sporti dhe trofetë. Santefarm dhe KV Fushë Kosova ndajnë të njëjtin mision – investimin në rininë tonë. Sigurisht, synimi ynë i përbashkët është të vazhdojmë të luftojmë për trofe, suksese dhe arritje të reja, por gjithmonë duke e mbajtur në fokusin kryesor zhvillimin dhe formimin e gjeneratave të reja.

Santefarm ka zgjedhur të jetë pjesë e kësaj pune.

Për këtë, ju falënderojmë sinqerisht.

Faleminderit, Santefarm.
Faleminderit, z. Milaim Abdullahu.

Ne nuk ndalemi këtu.

Sezoni i ardhshëm kërkon edhe më shumë. Ambiciet janë edhe më të mëdha. Dhe ne jemi gati.

Rrugëtimi vazhdon – bashkë, drejt sukseseve të reja! 🏐🏆

28/08/2026

AL TRADE – Historia Vazhdon!

Ka partneritete që zgjasin një sezon, por ka edhe partneritete që ndërtojnë histori, një shëmbull që duhet ndjekur.

AL TRADE është shumë më tepër se sponsor për KV Fushë Kosovën. Është pjesë e familjes sonë, pjesë e rrugëtimit dhe meritor për sukseset historike që kemi arritur së bashku.

AL TRADE ka besuar tek ne, tek një klub që ka njohur vetëm rritje, duke besuar në vizionin dhe në potencialin tonë.

Për ne, një partneritet i tillë nuk matet vetëm me kohëzgjatjen e tij, por me ndikimin që ka qysh nga themelet dhe që lë pas.

Ky është edhe vizioni i kompanisë dhe i pronarit të saj, z. Sokol Gashani: investimi në arsim, kulturë, sport, në rini, në talent dhe në njerëz që kanë vullnetin për të punuar dhe për të krijuar të ardhmen.

Faleminderit, AL TRADE , për besimin, mbështetjen dhe për çdo sukses e trofe që kemi ndarë së bashku.

Faleminderit që besoni në klubin tonë.

Jemi të lumtur që ky rrugëtim vazhdon!

Bashkë e kemi bërë klubin elitar dhe të respektueshëm nga të gjithë, në elitën e volejbollit, gjithmonë në majat e volejbollit.

Sepse historia jonë nuk ka përfunduar.

Ajo vazhdon të shkruhet së bashku.

ATCPetrol ATCKids

MELISA SEFERI, NGA AKADEMIA DREJT EKIPIT TË PARË!Një tjetër talente e dalë nga Akademia e Volejbollit Fushë Kosova bën h...
24/08/2026

MELISA SEFERI, NGA AKADEMIA DREJT EKIPIT TË PARË!

Një tjetër talente e dalë nga Akademia e Volejbollit Fushë Kosova bën hapin e madh drejt ekipit të parë.

Pas paraqitjeve shumë të mira me gjeneratat U16, U18 dhe U20, Melisa Seferi ka dëshmuar vazhdimisht cilësinë, përkushtimin dhe potencialin e saj, duke bindur stafin e trajnerëve se është gati për një sfidë të re.

Përkundër paraqitjeve të mira individuale dhe sukseseve të saj me ekipet e moshave, Melisa nuk ishte pjesë e Kosovës U17. Megjithatë, kjo nuk e ka ndalur ambicien dhe dëshirën e saj dhe te klubit për të vazhduar punën drejt prezantimit te qytetit dhe Kosovës, besojmë se momenti i saj do të vijë shumë shpejt.

Urime Melisa dhe suksese në këtë kapitull të ri!

Ky është vetëm fillimi!

WELCOME KITANIA LET’S MAKE HISTORY!Me shumë kënaqësi ju prezantojmë përforcimin tonë të ri, Kitania Medina Torres, volej...
14/08/2026

WELCOME KITANIA LET’S MAKE HISTORY!

Me shumë kënaqësi ju prezantojmë përforcimin tonë të ri, Kitania Medina Torres, volejbollisten nga Kuba, e cila i bashkohet KV Fushë Kosova me një eksperiencë të pasur ndërkombëtare dhe me ambicie të mëdha!
Kitania ka ndërtuar karrierën e saj në shtete të ndryshme, duke sjellë me vete eksperiencë, kualitet dhe mentalitet fitues.

Ajo luan në pozitën e pranueses së shërbimit, ndersa misioni i përbashkët është i qartë: të luftojmë për çdo trofe të mundshëm!

Me përvojën dhe kualitetin e saj, Kitania vjen për t’i dhënë një shtysë të madhe ekipit tonë në rrugëtimin drejt titujve, trofeve dhe objektivave më të mëdha të sezonit!

Mirë se vjen në familjen e KV Fushë Kosova, Kitania Medina Torres!

Le ta shkruajmë së bashku një kapitull të ri...

NJË YLL I RI PO LIND NË FUSHË KOSOVËMelisa Gojnovci është lojtaria më e re që i bashkohet KV Fushë Kosova. Edhe pse vetë...
12/08/2026

NJË YLL I RI PO LIND NË FUSHË KOSOVË

Melisa Gojnovci është lojtaria më e re që i bashkohet KV Fushë Kosova. Edhe pse vetëm 15-vjeçare, Melisa konsiderohet një nga talentet më premtuese të gjeneratës së saj dhe këtë sezon do të ketë mundësinë të tregojë potencialin e saj edhe në skenën e Superligës së Kosovës.

Me talentin, përkushtimin dhe potencialin e saj, besojmë se Melisa ka gjithçka për të bërë hapa të rëndësishëm në zhvillimin e saj dhe për të ndërtuar një të ardhme të suksesshme në volejboll.

KV Fushë Kosova mbetet adresa më e sigurt jo vetëm për lojtaret tashmë të dëshmuara, por edhe për talentet e reja që synojnë të zhvillohen, të rriten dhe të arrijnë majat e karrierës.

Bashkë do të punojmë për zhvillimin e saj dhe për arritjen e objektivave tona të përbashkëta.

Melisa, të urojmë shumë suksese në këtë rrugëtim të ri dhe mirë se vjen në familjen e KV Fushë Kosova!

THE WALL STAYS 🧱🏐Me shumë kënaqësi njoftojmë se Lissette Lefforge do të vazhdojë të jetë pjesë e familjes së KV Fushë Ko...
03/08/2026

THE WALL STAYS 🧱🏐

Me shumë kënaqësi njoftojmë se Lissette Lefforge do të vazhdojë të jetë pjesë e familjes së KV Fushë Kosova edhe për sezonin 2026/2027.

Për të dytin vit radhazi, Liss do të mbrojë ngjyrat tona si bllokuese e mesit, duke sjellë në çdo ndeshje energjinë, pasionin dhe përkushtimin që e karakterizojnë.

Ajo ka dëshmuar se nuk luan vetëm për fanellën, por edhe me zemër për klubin dhe qytetin tonë, duke fituar respektin dhe dashurinë e të gjithëve.

Mirë se u ktheve, Liss!

Address

Fushë Kosovë

Telephone

+38345418169

Website

Alerts

Be the first to know and let us send you an email when KV "Fushë Kosova" posts news and promotions. Your email address will not be used for any other purpose, and you can unsubscribe at any time.

Contact The Business

Send a message to KV "Fushë Kosova":

Shortcuts

Share

Category