https://www.facebook.com/341570375864/

Shoqëria Bjeshkatare Alpiniste "Lybeteni"

Home
Kosovo
Ferizaj
Shoqëria Bjeshkatare Alpiniste "Lybeteni"

Shoqëria Bjeshkatare Alpiniste Lybeteni është organizatë vullnetare e pavarur dhe joprofitabile e dashamirëve të natyrës dhe bjeshkëve.

11/09/2026

Të dielën që lamë pas, SHBA Lybeteni pati kënaqësinë të ishte nikoqir i miqve tanë në Kaçanik, me rastin e shënimit të 7 Shtatorit – Ditës së Kushtetutës së Kosovës.

Këtë ditë të veçantë e festuam së bashku me shoqatat simotra nga të gjitha trevat shqiptare dhe më gjerë, në një atmosferë të ngrohtë, miqësore dhe vëllazërore.

Me këtë rast, shprehim mirënjohjen dhe falënderimin tonë të sinqertë për organizatorët, për një organizim të shkëlqyer, dinjitoz dhe të paharrueshëm.

Momentet më të bukura të këtij takimi po i ndajmë me ju përmes fotografive të realizuara nga pjesëmarrësit, të cilat dëshmojnë edhe një herë se miqësia, bashkëpunimi dhe dashuria për natyrën na bashkojnë përtej çdo kufiri.

Ju urojmë të gjithëve një javë të mbushur me energji, shëndet, buzëqeshje dhe dashuri!

Deri në eventin e radhës…

Mirë u pafshim!

05/08/2026

Të dielën që lamë pas, SHBA Lybeteni organizoi ngjitjen në Majën e Lybetenit (2,498 m) – një aventurë e veçantë e realizuar në kushte nate.
Ecja filloi të shtunën në ora 22:00, ndërsa rreth orës 04:00 arritëm në majë, ku pritëm lindjen e diellit dhe shijuam një pamje mahnitëse që vetëm natyra e Maleve të Sharrit di ta dhurojë.
Gjatë këtij udhëtimi takuam shumë dashamirës të natyrës, alpinistë dhe kampues. Një moment i veçantë ishte mikpritja e jashtëzakonshme e Klubit të Motoristëve nga Kaçaniku, nën udhëheqjen e Neziraj, të cilët na ftuan në festën e tyre dhe gostitën të gjithë grupin tonë prej rreth 60 pjesëmarrësish me mish në skarë, të shoqëruar me valle tradicionale shqiptare. Për këtë bujari dhe respekt të treguar, u shprehim falënderimet tona më të sinqerta. Ishin momente që do të mbeten gjatë në kujtesën tonë.
Një falënderim i veçantë shkon edhe për secilin pjesëmarrës për kulturën, respektin, bashkëpunimin dhe kujdesin e treguar ndaj natyrës gjatë gjithë aktivitetit. Ruajtja e ambientit mbetet një nga vlerat tona më të rëndësishme.
Pas përfundimit të ecjes, u freskuam në ujërat e kristalta të Liqenit të Xholit, ku rikuperuam energjitë, e më pas vazhduam kthimin drejt Qendrës së Skijimit në Brezovicë.
Më poshtë ju lëmë disa nga peizazhet më të bukura të Maleve të Sharrit, të fotografuara nga pjesëmarrësit tanë.
Faleminderit që jeni pjesë e rrugëtimeve tona! Deri në aventurën e radhës, ju urojmë një javë të mbushur me energji pozitive.
Mos harroni ta pëlqeni faqen dhe ta shpërndani këtë postim, që dashuria për natyrën dhe energjia pozitive të arrijnë në çdo cep ku ndihen të nevojshme.

21/07/2026

Shoqëria Bjeshkatare Alpiniste "Lybeteni" më 19 korrik 2026 realizoi me sukses ngjitjen në majën më të lartë të Kosovës – Gjeravicën (2,656 m).
Natyra na dhuroi pamje mahnitëse, ndërsa liqenet akullnajore të Gjeravicës u bënë vendi ideal për freskim për të apasionuarit pas notit malor.
Ishte një grup fantastik, ku secili pjesëmarrës arriti me sukses majën. Bashkë ndamë emocionet, gëzimin dhe krenarinë e kësaj ngjitjeje, duke krijuar kujtime që do të mbeten gjatë.
Deri në aventurën tonë të radhës, ju ftojmë të shijoni fotografitë e realizuara nga pjesëmarrësit.
Ejani edhe ju të bëheni pjesë e energjisë pozitive, miqësisë dhe dashurisë për bjeshkët!

11/07/2026

📢 Njoftim për shtyrjen e eventit

Të nderuar pjesëmarrës,

Ju njoftojmë se, bazuar në parashikimet e fundit të motit nga portalet sinoptike, të cilat paralajmërojnë reshje shiu dhe bubullima në zonën e Majës së Gjeravicës dhe liqeneve të saj, kemi marrë vendimin që ta shtyjmë eventin e planifikuar.

Ky vendim është marrë me qëllim të garantimit të sigurisë së të gjithë pjesëmarrësve.

Eventi pritet të organizohet javën e ardhshme, ndërsa data përfundimtare do të konfirmohet së shpejti. Organizatorët rezervojnë të drejtën për ndryshime të mëtejshme, varësisht nga kushtet meteorologjike.

Ju falënderojmë për mirëkuptimin dhe besimin tuaj. Shpresojmë të takohemi shumë shpejt në një ditë me mot të favorshëm për ta shijuar bukurinë e Gjeravicës dhe liqeneve të saj.

Faleminderit për mirkuptimin!

30/06/2026

Të dielën, më 28.06.2026, Shoqëria Bjeshkatare Alpiniste Lybeteni organizoi ecjen drejt Ujëvarave të Bukura të Leshnicës së Bozovcës, në Tetovë.
Ky destinacion fsheh një bukuri të rrallë natyrore dhe me plot të drejtë konsiderohet një nga perlat e Ballkanit. Përmes kësaj ecjeje patëm mundësinë të zbulojmë edhe një pjesë tjetër të mrekullive që ofrojnë Malet e Sharrit.
Shtegu, me gjatësi mbi 22 km në të dy drejtimet, u përshkua mes freskisë së burimeve të shumta ujore dhe peizazheve mahnitëse. Mikpritja karakteristike tetovare e bëri këtë aktivitet edhe më të veçantë, duke na lënë mbresa të paharrueshme dhe motivim për të vazhduar me aktivitete të ngjashme edhe në të ardhmen.
Deri në eventin e radhës, ju lëmë në shoqërinë e fotografive të realizuara nga pjesëmarrësit, duke ju uruar një javë të mbarë, plot energji pozitive dhe freski bjeshke në këto ditë të nxehta vere.
Shihemi në aventurën e radhës!

16/06/2026

Te dielen me 13 dhe 14 qershor 2026
Shoqëria Bjeshkatare Alpiniste Lybeteni ishte pjesë e Takimeve Ndërkombëtare Bjeshkatare “Vrtop 2026”, organiziuar nga ShB Sharri, në kuadër të 75-vjetorit të themelimit të shoqërisë.
Ky aktivitet synonte:
Promovimin e turizmit malor
Forcimin e bashkëpunimit ndërkombëtar
Thellimin e lidhjeve ndërinstitucionale në fushën e aktiviteteve outdoor
Akomodimi ishte ne tenda ne hapsirat e Shtëpisë Bjeshkatare në Struzhë.
Pas kampimit ne mengjes disa antare te SHBAL morren rrugen per ne Peje ku ne kuader te Festivalit Outdoor u mbajte gara Trail Running me 21 km dhe 10km. Ku perfaqsuesit tane denjesisht percollen mesazhe pozitive dhe kompetitive si vlera te pa ndashme te SHBAL.
Pavarësisht temperaturave të larta, atmosfera ishte e shkëlqyer. Një garë për t’u mbajtur mend, si për shtegun ashtu edhe për organizimin, mikpritjen dhe energjinë pozitive të garuesve. Edhe pse ishte gara e pare e Pejanve. Ata arriten te perqojne mesazhe pozitive dhe organizative.

Pas garës, kthimi në Zaplluzhë të Prizrenit, te Karaulla, për mbylljen e eventit. Takimi me bjeshkatarët dhe dreka e përgatitur nga organizatorët na pritën si gjithmonë në mënyrën më të mirë.

Ishte një e diel ndryshe, e mbushur me shumë aktivitete, emocione dhe kujtime të bukura.
Deri ne eventin e radhes ju leme nen shoqerimin e fotove te realizuara gjate aktivitetit.
Ejani bashkohuni ne aventurat tona!

04/06/2026

Në kuadër të Javës së KFOR-it në Ferizaj, SHBA - Lybeteni kishte nderin të merrte mirenjohje vleresuese per kontributin e vazhdueshem ne aktivitete te cilat mbeshtetin nismat te cilet nderlidhen me aktivitetin dhe bashkveprimin qytetar.
SHBA-Lybeteni ndihet e motivuar qe edhe me tutje te mbeshtes aktivitetet më të rëndësishme sportive, rekreative dhe kulturore që organizohet çdo vit në Ferizaj dhe me gjërë. Duke promovuar jetën e shëndetshme, respektin për natyrën, bashkëjetesën dhe vlerat e komunitetit. Me ane te kesaj forcojmë lidhjet ndërmjet qytetarëve dhe institucioneve, duke krijuar një frymë uniteti, miqësie dhe mirëkuptimi.
Ferizaj vazhdon të dëshmojë se është një qytet mikpritës, aktiv dhe i përkushtuar ndaj promovimit të sportit, rekreacionit dhe bashkëpunimit ndërkombëtar.
Faleminderit DKRS & KFOR LMT
Ju ftojmë që të bëheni pjesë e misonit tonë për nje shendet më të mirë dhe natyrë më të pastër!

02/06/2026

Me pikëllim të thellë morëm lajmin për ndarjen nga jeta të mikut dhe bjeshkatarit te nderuar, mikut te bjeshkeve dhe doktorit tone te dashur Dr. Dërgut Çuni nga Kaçaniku.
Në emër të Shoqatës Bjeshkatare Alpiniste LYBETENI, shprehim ngushëllimet më të sinqerta për familjen, miqtë dhe gjithë komunitetin e bjeshkatarëve. Do ta kujtojmë gjithmonë për dashurinë ndaj natyrës, shoqërinë dhe kontributin e tij në bjeshkët tona.
I lehtë i qoftë dheu i Kosovës dhe pushofsh në paqe...🤲🤲

25/05/2026

E Dielë, 24 Maj 2026, Shoqëria Bjeshkatare Alpiniste Lybeteni organizoi eventin e radhës sipas planprogramit vjetor në Bjeshkët e Sharrit, ku destinacion kryesor ishin Stanet e Lybetenit nga fshati piktoresk Firajë.
Ky segment karakterizohet me një ecje pak më sfiduese se shtegu tradicional, por pamjet mahnitëse, natyra e jashtëzakonshme dhe rrëza madhështore e Lybetenit nga kjo anë, sjellin një përjetim vërtet magjik.
Duke ju uruar një javë të mbarë, ju lëmë në shoqërinë e fotove të realizuara nga Imeri.
Deri në eventin e radhës, ju dëshirojmë ditë të mbushura me energji pozitive, shëndet dhe dashuri për natyrën.

18/05/2026

E diel, SHBA, 17 maj 2026 – Shoqëria Bjeshkatare Alpiniste Lybeteni organizoi eventin e radhës sipas planprogramit vjetor në Parkun Kombëtar Lugina e Valbonës, ku destinacionet kryesore ishin Ujëvara e Valbonës, Mulliri dhe Liqeni i Xhemës.
Si çdo herë, Valbona tregoi madhështinë e saj përmes bukurive magjepsëse, koloritit unik, lumenjve të shumtë, gurëve dhe ujërave me ngjyrën e tyre karakteristike, ndërsa lugina e rrethuar me kodra të thepisura dhuronte një pamje mbresëlënëse për çdo vizitor.
Edhe pse e kemi vizituar dhjetëra herë, natyra asnjëherë nuk është e njëjtë. Çdo stinë dhe çdo vizitë sjell emocione dhe pamje të reja.
Në fund u ndalëm për ta uruar Izetin në kafiterinë e tij të ngritur rishtas pas djegies – tashmë edhe më e bukur dhe më e ngrohtë se më herët. Faleminderit Izet Selmanaj për mikpritjen dhe shpirtin bujar të malsorit. Pikërisht kjo është veçantia e banorëve të kësaj zone, ku çdo vizitor mbetet me mbresa dhe me dëshirën për t’u rikthyer përsëri.
Deri në eventin e radhës, ju lëmë nën shoqërimin e fotove të realizuara nga pjesëmarrësit. Ju urojmë një javë të bukur, të qetë dhe plot energji!

Address

Ferizaj
70000

Website

facebook.com

Alerts

Be the first to know and let us send you an email when Shoqëria Bjeshkatare Alpiniste "Lybeteni" posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Shoqëria Bjeshkatare Alpiniste "Lybeteni":

Want your business to be the top-listed Gym/sports Facility in Ferizaj?