Amr Elfass

08/29/2026

08/29/2026

يمكن مشكلتك إنك بتحاول زيادة

هل كل باب مقفول محتاج تحاول تفتحه أكتر؟
ولا ساعات الإصرار نفسه بيكون هو المشكلة؟

بنخطط، بناخد بالأسباب، بنحاول ونقاوم الفشل… لكن مش كل حاجة في الحياة هتمشي زي ما إحنا رسمناها.

إمتى تكمل؟ وإمتى تغيّر الطريق؟ وإزاي تعرف الفرق بين الإصرار وبين إنك متمسك بحاجة مش مكتوبة لك؟

نقاش مع عمرو الفص عن التخطيط، النجاح والفشل، المرونة في التفكير، الاستخارة، الأخذ بالأسباب، والتسليم لقضاء الله.

يمكن مشكلتك إنك بتحاول زيادة!

#النجاح #الفشل #التخطيط #الاستخارة #التوكل #بودكاست #شورتس

05/16/2026

Well deserved!
اللينكدن مليان كل ما حد ياخد شهادة او يترقي بنرد عليه بويل ديزيرفد!
حقيقي في الحياة عموما مفيش حاجة بنعملها بنستحق عليها اى حاجة! الموضوع كله فضل محض من الله! لأنك انت عارف و الوالدة عارفه و الكل عارف ان فيه ناس بتترقي و لا تستحق أى حاجة و في ناس فاحته نفسها شغل و بتترفد كمان عادى جدا
شعور الإستحقاق ده لازم يموت.
We don’t deserve, we just do what it takes and the results aren’t ours!
يالا علقوا بقي ب well said

04/12/2026

الصادم حقيقي كمية المنحطين السفلة المدعين اللى طالعين لايڤ يوعظوا و ينظروا و يحللوا و ينشروا و ينصحوا لزيادة الانتشار لركب الترند!
#الحثالة

04/05/2026

سَيُهذبك الله حتي تعلم أنه لا أُنس إلا به و لا معية إلا معه
من كان قرة عينك بالأمس سيغيب طوعا أو كرها ، من ظننت أنه استثمارك في الحياه قد تفقدة بلا أسباب و بالأسباب ، قد يتحول أحباء الأمس لعدو لا يرقب فيك إلا و لا ذمة ، لن تفهم الأسباب ، فاستعن بالله و اصبر و احتسب ، الأكيد أنه الخير و لكن لا تعلم و قد تمضي الحياه و لن تعلم. ادع الله دوما أن يجنبنا سوء الظن و شعور الإستحقاق و الكِبر و العناد فإنها مهلكات الآخرة.

02/18/2026

لو إنت ساكن في أمريكا… كمل قراية.
لو بره… الموضوع ده غالبًا ميهمكش ومش هتفهم إحنا بنعيش إيه 😄
أنا من الجيل بتاع زمان
بتاع… لما كانت دولة عربية تصوم قبل التانية بيوم أو بعدها بيوم، كنا نستغرب شوية ونقول ماشي…
دول شافوا الهلال، ودول ماشفوش.
نقعد نتريق، ونهزر، ونقول هو الهلال بيلف علي كيفه ولا إيه؟
بس في الآخر كنا بنقول اختلاف مطالع… وفقه… وكلام كبار.

دلوقتي؟
الموضوع اتطور….
بقى كل جامع عنده إمام معتبر وأهل ثقة، يعلن بداية رمضان حسب رؤيته الفقهية المعتبرة جدًا جدًا.طب وحده المسلمين ، طب فرحتنا سوا ، طب الاسرة الواحده - لا ده كلام يترد عليه
رمضان عندنا بدأ النهارده عند ناس على بعد ٣٠ كيلو مني…
وإحنا لسه بكرة.!

وكده إحنا عمليًا بنشجع الناس تمتلك جوامع،
وتجيب فيها شيوخ معتبرة،
علشان تتحكم في توقيت رمضان…
اما ليلة القدر الوترية ، لأ دى المهم فيها الفند ريزينج

المهم إن ده عادي.
خلاص بقينا بنتأقلم.
أي حاجة بتحصل بنقول: طبيعي… اختلاف… تنوع… مرونة فقهية… رؤية مستقلة… حرية مطالع.

محدش عارف بكرة بقى إيه تاني هيبقى نورمال وعادي.
يمكن قريب كل عمارة أو gated community يبقى لها هلالها الخاص،
واللي يشوف حاجة يبلغ الجروب و عادي

إحنا بقينا محترفين في تحويل
“إزاي كده؟!”
إلى
“ما عادي يعني”.

رمضان كريم علينا كلنا…
في أي توقيت و في أى ليلة قدر زوجية كانت أو فردية

12/23/2025

من المعروف و المنطقي بل و من الفطره أن الآباء الأسوياء يبذلون قصارى جهدهم لتوفير سبل المعيشة الكريمة للأبناء، فيعطون "قدر استطاعتهم" و علي الأبناء التقدير و البر
أما ما نراه الآن من وضع الآباء خلف قضبان المحاسبة و اتهامهم بالتقصير "من وجهه نظرهم" فهذا خطأ ساهم فيه الميديا و المسلسلات و قلة الوعي بالدين.
الثابت أن عدم البر و قطع الأرحام يُرى أثرة من جنس العمل في الدنيا قبل الآخره.
من كان أبويه أحياء فليبرهم الآن ، كل القرارات التي أخذوها في حينها كانت مبلغ علمهم في ذلك الوقت ، مكنوش مثلا عاوزين يرخموا علينا….

12/21/2025

احنا عاوزين صحه بلا مرض ، وظيفة بلا خوازيق ، أزواج بلا صبر عليهن /هم ، فلوس بلا نقص، أولاد بارين بلا عقوق، اشتباك مع الحياه بلا ظلم، أحباء بلا فقد و لا تحول ، شركات بلا صراعات و طمع ، عدل بلا بذل
ينفع؟

11/01/2025

الحمد لله
My ratting went up to 1345 in USATT )united states table tennis association )
Back slowly but surely

09/16/2025

تفتكر الحريم في قصر السلطان في العصر العثماني كانوا عايشين بلا حراسة؟ 👀
العثمانيين جابوا الحل العبقري: الأغا المخصي!
رجال بلا نسل ولا “منافسة”، يحرسوا الحرملك ويديروا شؤون القصر…
يعني VIP من غير IP
الغريب؟ بعضهم صاروا أقوى من الوزراء، يمشوا أوامرهم على السلاطين نفسهم!
تاريخ قاسي يثبت إن النفوذ و السلطة أحيانًا ما يحتاج… “عدة كاملة” �

#تنميةبشرية