08/08/2025
شباب يشتغلون بالعتيگ ويفترون بين احياء كركوك وبالصدفة وگفتهم امرأة كبيرة بالسن وباعت الهم غراض قديمة وأنطتهم أكل مال حصة.. و گونية بيها شكر و حمص وگونية مال تمن .. لهنا ماكو شي…
لمن رجعوا لبيتهم حتى يفحصون بالغراض وهنا اجت الصدمة فتحوا گونية التمن لگوا بداخلها 22 مليون دينار و25 ورقة فئة الـ100$!! انصدموا صدمة العمر هذا المبلغ شيسوي هنا ؟!! ، گبل وبدون أيّ تفكير راحوا لمركز الشرطة القريب عليهم وگالولهم بالقصة و سلموا المبلغ كاملاً وبدون أيّ نقص دينار واحد الى مركز الشرطة وبقرار قاضي تمت إستعادة المبلغ الى المرأة الكبيرة وحتى چانت ناسية الگونية بيها فلوس .
طبعا شرطة كركوك دزو على الشاب لزيارة مديرية الشرطة الرئيسي و كرموهم تكريم خاص بسبب حرصهم و أمانتهم و رفضوا ياخذون فلوس من الحجية وكالوا هاي أمانة لازم ترجع لصاحبها كاملة.
