Al-Ahly Warriors

Al-Ahly Warriors جمهوره ده حماه

متتخيلش ان الدور ده هيكون سهل .. كل الفرق الموجوده في الـ 7 الكبار فرق رخمه ...وعشان تقدر تكسب لازم تلعب بروح الاهلي ومت...
13/03/2026

متتخيلش ان الدور ده هيكون سهل .. كل الفرق الموجوده في الـ 7 الكبار فرق رخمه ...

وعشان تقدر تكسب لازم تلعب بروح الاهلي ومتضيعش ولا نقطه منك ..

الاهلي عودنا مفيش مستحيل .. حتي في اصعب فترات الاهلي بنقدر نعديها ..

6 ماتشات تكونوا رجاله فيهم .. تكسبوا بطوله ترجع الموسم بتاع الاهلي للحياه من تاني ..

الروح والاصرار وحب النادي ال عند تريزيجيه .. لو اتنقلوا لباقي الفرقه هنكسب الدوري السنادي ..لازم كلنا نديله حقه لانه اك...
04/03/2026

الروح والاصرار وحب النادي ال عند تريزيجيه .. لو اتنقلوا لباقي الفرقه هنكسب الدوري السنادي ..

لازم كلنا نديله حقه لانه اكتر واحد فارق .. واكتر واحد بيأدي 100% من ال عليه ..

تريزيجيه اتحول تحول مبهر .. يخلينا كلنا نشيد بيه .. راجل يا تريزيجيه

02/02/2026

كلام الحكم الكويتي حسين جواد عن المقارنه بين اللاعيبه المصريين والخلايجه علي مر التاريخ ✍️

انا طول الوقت كان عندي نظره مختلفه في محمد هاني .. ودايما كنت بشوف الانتقادات تجاهه غير مبرره بالطريقه ال بتتعمل معاه دي...
01/02/2026

انا طول الوقت كان عندي نظره مختلفه في محمد هاني .. ودايما كنت بشوف الانتقادات تجاهه غير مبرره بالطريقه ال بتتعمل معاه دي ..

وكان كفايه عندي جدا انه شخص بيتهاجم ليل نهار علي مدار اليوم ومحدش في يوم سمعله حس ..

عنده شخصيه وروح الفانله شربها من يوم ما لبس تيشيرت الاهلي .. وكنت بشوف انه وهو حتي في اسوأ مواسمه كان بيبقي احسن من اي حد في مكانه ..

محمد هاني جات عليه الفتره ال يكون فيها كابتن من كباتن النادي الاهلي وال الناس بدأت تديله قيمته فيها برغم انه من اكتر الناس حبا للاهلي .. لدرجة انهم لما سألو كريم نيدفيد مين شخص عمرك ما تتوقع انه يروح الزمالك بدون ما يفكر قال محمد هاني ..

ودلوقت .. محمد هاني الناس بتختاره لما دخل في خناقه قصاد اهم موهبه في الاهلي وفي افريقيا عامتا .. لانه حسوا بحبه للنادي فعلا ..

انا مبسوط بمستوي هاني الفتره دي ومبسوط انه بدأ ياخد جزء من حقه .. واتمني يكمل علي كده 🤲

كمل البوست للاخر وانا متاكد انك هتأيد رأيي .. عمرك في حياتك ما هتلاقي شخص بتتجمع فيه كل الصفات ال انتا محتاجها .. مش هتل...
15/01/2026

كمل البوست للاخر وانا متاكد انك هتأيد رأيي ..

عمرك في حياتك ما هتلاقي شخص بتتجمع فيه كل الصفات ال انتا محتاجها ..

مش هتلاقي مدير فني .. يفهم لاعيبتك ويتعامل معاهم نفسيا كويس .. ويقدر يوظفهم تكتيكيا .. ويكون ليه شخصيه مع اللاعيبه ويكون كوتش في المباريات ال مبتمشيش حسب تخطيطه ..

ولو لقيت كله ده .. مش هتلاقيه بيستحمل الضغط الفظيع ال بيعمله الجمهور المصري ..

واحتمالية انك تلاقي شخص زي ده بتكون مره كل 100 سنه وحتي لو لقيته .. هتلاقيه بيبص ايه هي مؤهلاتك ال تخليه يرضي يدرب فريقك ..

احنا ك جمهور تطلعاتنا كبيره جدا دايما .. وشايفين اننا لازم نعمل من الفسيخ شربات وال ميعملش كده ميبقاش كويس ..

في حين ان المشكله من الاول ممكن تكون عندنا احنا عادي .. وعشان كده انا اخدت ده للي عاوز اقولهولك دلوقت ..

حسام حسن .. ال يعرفه وشاف مسيرته ك مدرب ولاعب .. يعرف انه عمره ما كان مدرب دفاعي .. ولكن الضغوط الكبيره ال شافها من الجمهور المصري .. والتطلعات ال بقا بيشوفها وتصيد الاخطاء ليه و لجهازه .. خلاه بقا بيبص ايه اكتر طريقه يقدر يكسب بيها رضا الجماهير عشان يقدر يكمل مع المنتخب وميتقالش علي تجربته فاشله ..

ودي اول نقطه بتتحكم في فشل تجربته مع المنتخب .. بس هل لو هو كان عمل عكس كده كانت تجربته هتنجح ؟

خليني اجاوبك واقولك ان بنسبه كبيره لأ .. معظم الناس حكمت علي تجربة حسام حسن بالفشل من قبل ما تبدأ .. برغم انه لحد دلوقت ك ارقام هو ماشي احسن من اخر 10 مديرين فنيين اجانب تقريبا ما عدا كوبر .. ف هو بيحاول يعمل ال يخلي تجربته تكمل لحد كاس العالم ..

حسام حسن .. بيحب بلده وعاوز يعمل معاها تاريخ يتذكرله .. واحنا حطيناه في ضغوط مش طبيعيه .. للدرجه ال خلته يبكي لمجرد فوزه علي كوتديڤوار برغم حكم الجماهير عليه قبلها بانه هيفشل ..

وصدقني اي اسم هيعدي علينا .. لو مغيرناش طريقتنا وتطلعاتنا .. ومسيبناهوش يشتغل في هدوء .. مش هيعمل معانا اي حاجه .. حتي لو جبت حسن شحاته بالجيل الذهبي بتاعه ..

اللاعيبه عليهم دور واخطاء وده هتكلم عنه في بوست تاني لكن انا حبيت اديله حقه في الوقت ال احنا واقعين فيه .. لان زي ما حسام ممكن يخسر المنتخب .. المنتخب كمان هيخسر شخص مبخلش بذرة مجهود .. علي منتخب بلده .

المنتخب لحد دلوقت .. صعد بجهود لاعيبته وقتالهم علي المكسب في كل الماتشات .. لا جمهور المغرب نفعنا .. ولا حتي جمهور مصر ل...
12/01/2026

المنتخب لحد دلوقت .. صعد بجهود لاعيبته وقتالهم علي المكسب في كل الماتشات ..

لا جمهور المغرب نفعنا .. ولا حتي جمهور مصر
لكن ال جاي جمهورنا هيكون ليه تأثير كبير فيه .. وبالاخص لان كل اللاعيبه بلا شك متابعين اراء الجماهير دلوقت .. ف بعد اذن حضرتك يا عم المحلل الفني القدير .. انا عارف ان حضرتك شايف ان المكسب ملهوش اي علاقه بفنيات .. وان السبب في المكسب هو ان قرعة الكابتن ابراهيم حسن كانت بتعكس الضوء في وش الفرق ال بنقابلها وعشان كده كنا بنكسب .. ( قولت الكابتن ابراهيم اهو عشان الناس ال بتقول حسام حسن معملش حاجه )

لكن استسمحك تخلي رأيك ده لنفسك دلوقت .. لانه حتي لو صحيح ف هو هيأثر بالسلب فقط مش بالايجاب ..

الناس دي تعبت واستحملت ضغوطات حضرتك متستحملش ربع ربعها .. ف حتي لو الكابتن حسام معملش اي فنيات " برغم ان ده هجص " .. لكنه يحسب ليه انه قدر يعدي بالفرقه دي رغم كل الضغوطات ال عدت ..

وعشان كده .. لو انتا نفسك ناخد البطوله .. شجع بلدك .. لو عاوزنا نفرح بيها مره كمان ونقول للقاره دي اننا حتي واحنا في اضعف حالاتنا لسا موجودين .. شجع بلدك وبس ..

وكلمه اخيره لكل زمالكاوي او اهلاوي .. وبرغم ان الموضوع زاد عن حده من المذكورين اولا .. ولكن كلامي دلوقت للكل .. اقلع فانلة ناديك بعد اذنك .. لحد بس ما نخلص البطوله بسلام .. وبعدها يا سيدي ابقي احكيلنا عن اخطاء لاعيبة الفريق ال مبتشجعهوش كانت عامله ازاي .. استني ماتش واحد بس كمان يمكن يكون عندك ساعتها يا سيدي اخطاء اكتر ..

شجع المنتخب وخليك وراه لان صدقني عودة الروح للمنتخب هتخلي اللاعيبة تأدي احسن في الدوري .. عشان هيكون عندهم امل الانضمام للمنتخب .. وده هيرجع بالفايده علي كل اصعدة كرة القدم في مصر ..

فاضلنا خطوه ونوصل للنهائي .. فاضلنا خطوه واحده .. ينفع نخطيها سوا ؟

صباح الخير الكره المغربيه فعلا علي صعيد المنتخبات بقت في مكانه تانيه حقيقيبس تعرف ؟ موضوع منتخب المغرب يخلينا فعلا نست...
21/12/2025

صباح الخير
الكره المغربيه فعلا علي صعيد المنتخبات بقت في مكانه تانيه حقيقي

بس تعرف ؟ موضوع منتخب المغرب يخلينا فعلا نستحق نبص بصه علي الدوري بتاعنا .. ويخلينا نقول اننا فعلا محتاجين نغير طريقة التفكير عندنا .. زي ما الزمالكاويه عمالين يقولو فعلا

بس هل التغيير ال يخلينا ننجح .. هيكون باننا ميكونش عندنا فريق ناجح .. قادر انه يواجه علي كل الاصعده ويكون ند لكل فرق افريقيا والعالم ؟ ولا باننا نبص بصه علي الفشله ونقلل عددهم ؟

لو مكان فيه ناجح واحد وفشله كتير ده معناه ان السبب في الفشل ده هو الناجح ده ؟

الدوري المغربي مفيهوش نص عدد الفرق ال موقوف قيدهم عندنا .. لا خد بقا التقيله .. مفيش نادي مغربي تقريبا علي مدار تاريخ المغرب وصل عدد ايقافات قيده ل 8 قضايا ايقاف قيد

في حين ان انتا اصبح عندك حوالي 8 فرق عندهم ايقاف قيد الموسم ده بس .. من ضمنهم نادي متارجت عدد تاريخي في ايقاف القيد تقريبا
المجاملات بقا بتكون بانك تسيب الفاشل ده من غير ما تحاسبه ولا بانك توقع الناجح ؟

وبمناسبة بوست خالد طلعت عن ان السبب ورا تاخر الكره المصريه عندنا هو ان الاهلي والزمالك
مستحوذين علي الدوري ف احب اقولك ان

الدوري الاسباني من سنة 2000

اتليتكو مدريد كسبته موسمين وڤالنسيا موسم
والباقي ريال مدريد وبرشلونه ومحدش قال ده سبب تاخر منتخب اسبانيا ولا حاجه ..

الدوري الفرنسي اخر 10 مواسم

نادي ليل كسبه موسم
موناكو كسبه موسم
والباقي باريس سان جيرمان

وشوف الصدفه بقا ؟ بردو محدش قال ان ده السبب في تأخر المنتخب الفرنسي

الدوري في ايطاليا كل موسم ليه بطل مختلف برغم سيطرة اليوفينتوس بردو .. لكن علي صعيد منتخب ايطاليا .. مش احسن حاجه ..

ف متحاولش تربط حاجات ملهاش اي علاقه ببعض وتستنتج ناتج بعيد كليا عنها وتحاول تقنعني بيه .. وقبل ما تفكر هي الناس دي نجحت ازاي ؟ " وده هقوله في بوست منفصل لوحده " فكر ازاي تقلل عدد الفشله ال عندك الاول ومتجاملش حد فيهم ..

وبالمناسبه بقا .. صوره تريزيجيه دي من اخر ماتش كسبه منتخب مصر في امم افريقيا ال بالمناسبه كان ضد المغرب 😆

دمتم سالمين

بص هو انا عندي تعليق بسيط بس او تقدر تقول استفسار زيزو اتوقع عليه غرامه عشان مطبقش البروتوكول .. بس خليني اسأل .. هو الب...
13/11/2025

بص هو انا عندي تعليق بسيط بس او تقدر تقول استفسار
زيزو اتوقع عليه غرامه عشان مطبقش البروتوكول .. بس خليني اسأل .. هو البروتوكول ده بيتطبق علي اللاعيبه بس ؟ ولا علي اللاعيبه والمنظمين وكل الناس ال دخلت في سياسه البروتوكول ؟ طيب هو اعتراف المهندس هشام نصر بانه قال لمرتجي زيزو ده عيل قليل الأدب ده تطبيق للبروتوكول ؟ طيب زيزو اتعاقب عشان مسلمش .. طيب ما المهندس هشام نصر بنفسه قال انا مكنتش هسلم عليه ؟ هو ده بردو كده بيطبق البروتوكول ؟

هتقولي انا بحاسب علي الفعل مش ردة الفعل ؟ يبقي هنرجع للغرامه ال قبلها علي طول .. لان في اول نزول اللاعيبن للملعب جمهور الزمالك اول هتاف هتفوه هو شتيمة للاعب معين .. في حين ان جمهور الاهلي كان بيشجع اللاعيبه وبيرفع المسدجات .. يبقي ده اهو الفعل ؟

بعدها بقا لو جماهير الاهلي شتمت برغم ان ده مسمعناهوش .. يبقي ده رد فعل والغرامه بسببه مش صح ..

طيب ما هو لو انتا فعلا بقا عندك مشكله مع ال مبيطبقش البروتوكول يبقي زي ما غرمت زيزو .. تغرم المهندس هشام نصر .. او النادي ال بيمثله .

لكن انك تغرم اللاعب كده ارضاءً لبعض الناس ده شئ مفيهوش اي عدل حقيقي ..

زيزو امبارح عمل حاجه لذيذه جدا .. يعني هو بعد ما اداهم قلم مسمع معاهم ومخليهم مش عارفين يركزوا مع فرقتهم وعمالين يشـ..تم...
10/11/2025

زيزو امبارح عمل حاجه لذيذه جدا .. يعني هو بعد ما اداهم قلم مسمع معاهم ومخليهم مش عارفين يركزوا مع فرقتهم وعمالين يشـ..تموه ..

بس هو كمان بيسقط منهم حاجات كتيره .. زي انه عادي لاعب يبقي بيتشتم في الملعب طول الماتش اهو وميردش علي الجماهير ولا يعملهم اشاره مسيئه ولا اي حاجه .. يعني فعلا اهو الاسطوره بتاعتكم طلعت دي اخلاقه اهو وهو فعلا ال كان بيدخل في خناقات مع الجماهير ..

لا وكمان الجاحد طالع رجل المباراه وعامل ماتش بتاريخ ناديهم كله .. يا جحودك يبني والله

كلمتين جد بقى شوية .. على أي أساس الزمالك بيتعامل دايمًا كفريق كبير؟ ايه المعيار يعني؟ انا عمري ما فتحتله ماتش ديربي مع ...
10/11/2025

كلمتين جد بقى شوية .. على أي أساس الزمالك بيتعامل دايمًا كفريق كبير؟ ايه المعيار يعني؟ انا عمري ما فتحتله ماتش ديربي مع الأهلي الا ولاقيته بيدافع وبيستقبل لعب ولاعيبته ركبها بتخبط في بعض !

على أساس ايه بيتعامل فريق كبير وهو زيه زي سيراميكا والبنك ومودرن لما بيلاعبو الاهلي؟ ده يمكن الفرق دي أحيانًا بتكون ند ب ند مع الأهلي.

فريق كومبارس هو ومشجعيه اللي لا يملكوا شيء الا السباب وقلة الأدب.. لكن كورة؟ مفروض علينا فريق كبير بالعافية وهو زيه زي أي كومبارس في الدوري.. عبارة عن أكاديمية بتخدم كل سنة على الأهلي وبس!

يلا بالشفا.

لا استني بس ده فيه حاجه تانيه خالص محدش واخد باله منها !!وهي ان ثلاثي الزمالك زي ما اتقرر عليه عقوبه بالايقاف .. ف هو ات...
28/10/2025

لا استني بس ده فيه حاجه تانيه خالص محدش واخد باله منها !!

وهي ان ثلاثي الزمالك زي ما اتقرر عليه عقوبه بالايقاف .. ف هو اتقرر عليه غرامه ماليه بردو ..

ومعني ان ميبقاش فيه اوراق بخصوص العقوبه غير الجواب ال مبعوت بالميل .. ان العقوبه الماليه دي متسددتش من الموسم ال فات ..

ودي لوحدها حوار يتضاف لسجلات مجامله الفرقه مدعية المظلوميه دي !

ما هو احنا دلوقت عاوزين نعرف حاجه من اتنين .. الننوس مبعوتله العقوبه وهما سددوا فلوسها وبيدلسو " كعادتهم يعني " لان ده نفس المجلس ال كان موجود ساعتها ..

ولا هما مسددوش الفلوس دي ال هي من الموسم ال فات اصلا وبيتم مجاملتهم " كعادتهم بردو " ؟

النقطه دي لازم توضيح فيها والا هتكون مشكله كبيره فعلا وعدم تكافؤ بين الانديه والله وهتبقي فرصه لكل النوادي انها متسددش فلوس الغرامات ال بتتقرر عليهم !

Address

Dar Es Salaam

Website

Alerts

Be the first to know and let us send you an email when Al-Ahly Warriors posts news and promotions. Your email address will not be used for any other purpose, and you can unsubscribe at any time.

Shortcuts

Share

Category