06/06/2022
مميزات انك تتجوز بنت بتفهم كرة :-
1- لو هي بتشجع نفس الفريق بتاعك يبقي ربنا بيحبك وهتتفرجوا مع بعض مع اتنين ايس كوفي .
2- لو متخانقين يدوب تفتح سيرة تكتيك فريق المشاكل هتخلص .
3- دخلة الفرح هتبقي نشيد دورى ابطال اوروبا وأغنية سلو هتكون نشيد فريق الي بتشجعوه
4- هتتنافسوا مين اكتر واحد بيكسب في بلاي ستيشن.
5- هتبقوا مع بعض ع الحلوة والمرة .
6- مش هتسمع صياح ولا عك بنات ولا هتحتاج تقولها عمطبخ .
7- هتيشتروا كل سنة تشيرتات الفريق .
8- هتحوشوا فلوس علشان تسافروا برا تحضروا ماتشات من الاستاد .
9- هتكونوا علي اقتناع أن لازم ابنكم يبقي لاعب كرة قدم وهتدعموا وهتخلوه يلعب كرة من هو عنده 4 سنين .
10- الكرة هتجمعكوا ع الحلوة والمرة وهتستحملوا بعض مشاكل الحياة وهتواجهوها وهتبتكروا حلول .
11- هتقعدوا قعدة رومانسية قدام التليفزيون تتفرجوا علي شلبوكة .
12- كلام رومانسي هيبقي عبارة عن سحر برونو و حصون تياجو سلفا وكوليبالي واختبوط دى خيا وكورتوا .
13- مش هتلاقوا وقت للنكد لان اوريدى هتكونوا بتتفقوا من الصبح بدل ما نجيب قلقاس أو كوسة هنجيب عصام الشوالي ولا حفيظ الدراجي .
14- مش هتحتاج تنزل قهوة لان هيبقي عندك رسيفر BEIN ومعاك مجنونة في البيت .
15- الشقة هتكون عبارة عن صور لاعيبة كورة .
16- واخيرا هتحضنوا بعض بعد كل جول يجي .
الحياة مع واحدة بتحب الكرة عبارة عن كنز من كنوز الدنيا. ❤️
فيارب ارزقنا باللحظة دى .❤️
