05/08/2017
خد 5 دقايق من وقتك ,,, واقرا الكلام دا بتركيز ,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,
قالك اى ,,, عشان ال عاوز يعمل فورمة الساحل ,,, جبناكلوا تشكيلة من احسن واقوي حوارق الدهون ,,, 😀 ,,, يا اخي اتقي الله
,,,,,,,,,,,,,,,,,,,,,,,,,
= دكتور اى رايك ف الليبو 6 ؟ طيب هو احسن ولا الهيدروكسي كات ؟
- الاتنين اسوأ من بعض ,,, الاتنين ملهمش لزمة ,,, منتجات حوارق الدهون كلها ملهاش اى لزمة .
= طيب ازاى بس يا دكتور ؟؟؟ دي ف كل مكان والناس كلها بتشتريها ؟؟ 😕
- دا للاسف عشان قلة الوعي والثقافة ,,, وعشان #البيزنيس
الناس هتبيعلك اى حاجة ف سبيل المكسب ,,, لكن الحاجة دي هتعمل ف جسمك اى,,,
او هتضرك ازاى من جوا ,,, دا مش ف حسبانهم تماما ومبيشغلش بالهم ...
وللاسف الناس عاوزه الحاجة السهله ,,, عاوزين يخسوا او ينزلوا دهونهم باقل مجهود
ومن غير تعب ف نظام غذائي او ف تمرين ,,, فبناء عليه بيجروا ع الحاجات دي
ف سبيل انهم #يريحوا وميتعبوش و #ميعرقوش ... بالتالي الحاجات دي .
= هي اى اضرارها طيب ؟؟
- لما تاخد حاجة تخلي قلبك يدق 100 - 120 مرة ف الدقيقة
بدل 70 - 80 مرة ف الدقيقة .. لما تاخد حاجة تخليك تحس بقلبك وهو شغال اكنه بيترج !!
دا يبقي معناه اى ؟؟؟ ,,, معناه ان قلبك مرتاح او هادي ؟؟
طيب احنا بنسعي ورا زيادة معدلات ضخ الدم وانقباض القلب اثناء التمرين ايوة
لكن دا بيكون طبيعي وبسبب التمرين ,,
لكن لما تاخد #كبسول يخلي قلبك يعمل دا ,,, وانت اصلا #نايم ع السرير او قاعد مبتعملش اى مجهود ,,, يبقي دا صح ؟؟؟! يبقي فلبك كدا ف خير ومش #متضرر ؟؟
طيب لما تاخد حاجة تخليك تسهر ومش عارف تنام ,,, تخليك عصبي و بتتنرفز من اقل حاجة
يبقي دا #صحي ؟؟
" شايف ان ف سبيل انك تخس كام كيلو زيادة ,,, او تخس بسرعه ,,, ينفع تضر قلبك او مخك وصحتك ككل ؟؟ ينفع تيجي ع كفاءة جسمك الداخلية عشان خاطر كام كيلو ع الميزان ؟ "
""" الكلام للبنات والسيدات خصوصا قبل الرجالة ,,, عشان طبيعه جسم الراجل اقوي من البنت ويقدر يتحمل اكتر والاعراض الجانبة متأثرش عليه بنفس الكم ال بيحصل للبنت """
= طيب يا دكتور انا جبت حارق دهون قبل كدا 😕 😞 ,,, كدا انا هتضر او ف حاجة حصلت ف جسمي ؟؟
- حبيبي لا متقلقش ,,, الفكرة والكلام هنا للناس ال بتستخدمها اكتر من مرة وباستمرار وعمال ع بطال ,,, لكن استخدمتها مرة بدون #فهم او #وعي ,, فبسيطة متقلقش
لكن الاهم انها #متتكررش 😉 ❤
- اخر حاجة ,,, بعيد عن الناس ال وزنها كبير او دهونها كتيرة ,,, هتلاقي ان ف ناس دهونها قليلة ,,, وعضلاتهم قوية وكبيرة وبياخدوا حوارق دهون برده ,,, للاسف الناس دي غلطها اكبر من الناس ال وزنها عالي ,,,
للاسف فاكر ان عشان توصل لاقوي تنشيف لازم تاخد حوارق ,,, لكن دا مش حقيقي
انت ممكن تعمل اقصي نتيجة ممكنة ف التنشيف بدون اى #حوارق ,,, والنماذج والامثلة كتير وف كل مكان هتلاقي ابطال كتير بيوصلوا لتنشيف ع #اعلي مستوي بدون حوارق دهون ,,,
انك تنزل اكبر كم من الدهون وتوصل لاعلي تنشيف دا اسهل من انك تضخم بكم فوق الوصف وتوصل ل اعلي ضخامة ,,, ومش محتاج مكملات كتير او عوامل مساعده كتير
وكدا كدا بخصوص الابطال او اصحاب الفورم الناشفه اوي ,,, دا مش بيحصل عشان هم بياخدوا #الحوارق ,,, ابدا ,,, المستوي ال بتشوفه دا " 4 - 6 % دهون ,,, دا بيجي بالهرمونات والمنشطات ,,, مش بيجي بكبسول ليبو ولا اى نوع من الحوارق ولو احسن نوع موجود ف احسن مكان ف العالم .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
علبة الحوارق دلوقتي بتتكلم ف 450 - 650 ج ,,, ودي فلوس
ملوش اى لزمة ترمي فلوسك ع الارض ,,, وكمان
الفلوس دي اصرفها ع تمرينك او ع اكلك وشربك ,,, هتكون ف مكانها وهتكون فايدتها عظيمة ,,, وهتكسب كتير ...
ويا سيدي لو عاوز تشتري حاجة او مكمل ,,, خليك ف البروتينات ,,
ع الاقل عضلاتك هتستفاد ,,, وخلي حرق الدهون #للتمرين 😉
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
الصورة دي بفضل الله اقرب مثال واقوي مثال ,,, بخصوص التنشيف والناس ال بتسعي ورا اقوي فورمة واحلي صلابة ,,, حبيبي عمرو أمير البطل ال ف الصورة ,,,
وصلت بيه للمستوي دا وخليته ,,, بدون اى حوارق او اى منشطات او اى هرمونات ,,, بفضل الله ,, وبفضل #العلم ,,, وبفضل ,,,
"""""""""""""""""""""""""""""""
اتعب واسعي و اعرق ,,, صدقني وانت ف طريق العرق والتعب والنظام الغذائي
هتكسب حاجات كتير ,,, وصحتك هتعلي وتتحسن ,,, ع عكس ما هتعمل وانت بتجري ورا الحوارق او المنشطات ,,,,
" توضيح اخير ,,, عشان ف ناس بتحب تضحك ع نفسها باي طريقة ,,, انا ف المقال ابدا مجيبتش سيرة ان الحوارق خطر ومؤذية عشان بتاخدها وانت قاعد ولا نايم ومش بتتمرن ,,, الحوارق مؤذيو وخطر ولو بتتمرن 3 ساعات ف اليوم " ..........................
شير ف التوعية ,,, شير ف التحفيز ,,, ومينشن لصاحبك ال محتاج الكلام
