13/07/2024
13-7-2014
هاي الصورة من 10 سنين بالتمام و الكمال.. هاي الصورة بآخر دقايق نهائي كأس العالم 2014، قبل ما يصفّر الحكم بكم دقيقة.. هاي الصورة فيها توتّر و خوف و فرحة مؤجلة لأسمع صفارة الحكم.. هاي الصورة فيها الطفلة اللي عشقت المانشافت من ايام بيرهوف وهدفه الذهبي، فيها البنت اللي بكت بكل كأس عالم و يورو من 96 ل 2014 لفرحت بلقب للمنتخب.. هالصورة فيها محبّة و تشجيع سنين و سنين للألمان ، فيها ذكريات كل تي شيرت للمنتخب، كل لاعب، كل تشكيلة.. فيها أهداف محفورة بالقلب قبل العقل.. يوم 13-7-2014 ما كان بس يوم فوز بأغلى لقب ع مستوى العالم، كان يوم تعويض عن دموع و حرق أعصاب، عن خناقات مع مشجعين لمنتخبات تانية و دفاع مستميت عن الألمان.. هالصورة بتمثّل كتير من عشّاق المانشافت ، هالصورة فيها ذكرى بتمنى تنذكر و تنعاد.. 🙏🏻
