الترجي شيخ الاندية التونسية

08/01/2026

هشام عمران : حبينا نهزو سعد بقير للمونديال لكن بقرار من حسين جنيح الي ضغط على جلال القادري باش يمشي أيمن البلبولي في بلاصتو.. شافو انو ال 750 مليون الي ماشية لنادي أبها السعودي أولى بيها النجم الساحلي . القرار كان مالي موش فني!

06/01/2026

الوحديين اللي كانوا رجال و فضحو المنظومة و ممشوش فيها

05/01/2026

تطورات خطيرة داخل أروقة الكاف!

أعلن الاتحاد الإفريقي لكرة القدم أن لجنة الانضباط تلقت شكوى رسمية من مسؤول المراسم والبروتوكول بالكاف ضد حسين جنيح، نائب رئيس الجامعة التونسية لكرة القدم.

الواقعة تعود إلى مباراة تونس 🇹🇳 – نيجيريا 🇳🇬 يوم 27 ديسمبر الماضي بمدينة فاس، حيث حاول جنيح إدخال خمّيس حمزاوي (عضو بالجامعة) إلى منطقة VVIP المحاذية للمنصة الشرفية التي تواجد بها باتريس موتسيبي رئيس الكاف، دون أن تكون له صفة أو مقعد مخصص.

رفض مسؤول البروتوكول ذلك، ما أدى إلى مشادة كلامية حادة داخل المنصة الشرفية، انتهت بتقديم شكوى رسمية ضد نائب رئيس الجامعة.

📌 على إثر الحادثة، مُنع حسين جنيح من دخول ملعب محمد الخامس بالدار البيضاء بقرار من الكاف.

صورة أخرى تُضاف إلى سلسلة الإخفاقات…
فشل رياضي، ارتباك إداري، وسلوك يُسيء لسمعة الكرة التونسية قارياً...!

04/01/2026

❌أكبر كذبة هي حكاية أن المدرب الأجنبي أجرته تكون عالية. كنا نجموا نختصروا تكلفة الستاف الحالي المتكوّن من 16 شخص، ونكتفوا بـ3 أو 4 أجانب عندهم قيمة فنية حقيقية وتكون الفايدة أكبر...

04/01/2026

🚨الكلام اللي قاعد يدور في التراكن والقهاوي ولى يوصل للعلن.
الخطوة الجاية متاع الفاشلين واضحة:
يرجعوا البطولة في أقرب وقت، يمكن نهار 11 جانفي، و يخلقوا فتنة بين جماهير الأندية، كل جمهور يحمّل الفشل للاعب من نادي آخر، وزيد فوضى في البطولة التونسية، أكيد بالتحكيم.
ومن بعد يتفاهموا مع بعض الإعلاميين المعروفين باش يلمّعوا المدرب التونسي، وكأنو ما صار شي، وفي الأخير يطلعولنا بمدرب تونسي موالي للمنظومة ويمشيو بيه لكأس العالم.

03/01/2026

الستاف هذا الكل جابو 4 نقاط الدور الأول و انسحبو ضد فريق يلعب ب10 ماتش كامل.

ايا وقتاش يصبو الشهرية من فلوس الشعب البوهالي

03/01/2026

🚨مدام منظومة كرة القدم في تونس هي الوحيدة اللي ما تبدّلتش، التنبؤ بالنتائج يولي ساهل. خروج تونس من كأس إفريقيا قدّام مالي أمر متوقّع، والتبريرات ديما حاضرة: قدّمنا مردود مقبول، وترشّحنا للدور الثاني منذ 2019 وهو إنجاز كبير…
بعدها تزيد الضغوط على الجامعة “الموقّرة”، يتم إقالة المدرب سامي الطرابلسي، ويتعيّن المساعد متاعو بلاصتو بحجّة إنو الوقت قصير وما يسمحش لمدرب أجنبي يتعرّف على المجموعة، وذلك بإيعاز من بعض الإعلاميين وبلاطوات الرياضة.
نمشيوا لكأس العالم، وتتأجّل المحاسبة لما بعد الكأس… وفي الآخر: بوس خوك، ما صار شي....لفي بينا يا دنيا

03/01/2026

29/12/2025

تونس في 2026 تقريبا الدولة العربية الوحيدة التي لا تملك قناة رياضية في المقابل التلفزة اللاوطنية الممولة من الشعب و في فترة من الفترات كانت لا تبث مباريات البطولة ، بينما ترفض لليوم شراء حقوق بث مباريات المنتخب عكس باقي البلدان وذلك من أجل المسلسلات المكررة للمرة 20 و برامج التفاهات و السياسية القذرة... أين أموال الشعب يا سراق؟؟!

29/12/2025

متى سيقع تحرير هذه القلعة السرية المغلقة السوداء التي تحمل خنار و أسرار وأخبار لا تمتلكها كل مؤسسات الدولة التونسية مجتمعة !! هي مقر التلفزة الوطنية وهي أكبر 4 مرات من مقر قناة الجزيرة الدولية ولكنها أقل مصداقية وحرفية ومهنية من الجزيرة آلاف المرات ...
يهيمن عليها تيار يساري إستئصالي يعمل لفائدة غلاة التجمعيين والأحزاب اليسارية والشيوتجعية منذ تأسيسها ممنوعة على جل التونسيين الذين يخالفونهم الٍرأي وخاصة المحافظين مهما علا علمهم ومهما كانت خبرتهم ...

29/12/2025

التلفزة الوطنية : 1086 عامل
الإذاعة الوطنية : 1077 عامل
الخدامة اللي في الوطنية أكثر من اللي موجودين في بقية القنوات التونسية و اكثر من الموجودين في باقة الM.B.C و O.Z.N و الخدامة الموجودين في كلتا المؤسستين اكثر من الخدامة الي في البي ان الفرنسية و العربية مع بعضهم

1086 خدام أغلبهم #نقابيين علاش؟
على زوز قنوات عمومية بودورو فالحين كان في البرامج السياسية الموجهة لجهات معينة رغم أنها عمومية ويقع تمويلها من الشعب...
زوز قنوات يعاودو في شوفلي حل و نشرة أخبار ال8 المضللة للحقيقة
والنشرة الجوية و وبرامج تافهة يسترزقو منها يتفرجو فيها كان عائلاتهم، إلى متى هذا الخور؟ إلى متى هذه السرقة بتعلة ماتقطعليش خبزتي؟ شنوة ذنبنا كشعب ندفعو في المليارات سنويا باش تمشي شهاري لناس مش قاعدة تخدم؟

تلفزة وطنية غير قادرة تبث بطولة كرة القدم كان ماتصير حرب مع الجامعة... تنقل 5 ماتشوات من بطولة كاملة في كرة اليد ؟ تنقل فقط زوز ماتشوات في الفولي بين بطولة و كوب نفس الشيء الباسكات و ماغير مانحكيو على الكاميراوات و جودة الصورة، إلى متى السكوت على واحد من اكبر ملفات الفساد في البلاد وقتاش يفيق الشعب و يطالب بفلوسو و حقوقو و يعمل حملة لا رجعة فيها و تولي قضية رأي عام و يدخل رئيس الدولة كان لزم؟

تحبو كل شيء بوبلاش تاخذوه؟ موريتانيا المغرب السودان ليبيا مصر الجزائر لكلهم عندهم قنوات رياضية و HD و كل ماتسنح الفرصة ياخذو حقوق بث مباريات منتخباتهم و فرقهم الا احنا قعدنا تحت رحمة عصابة متع سراق و الشعب ساكت مسكتينو ب CD شوفلي حل

إعلام العار