Taraji Express

28/08/2026

❌ الشعوب قاعدة تتطوّر و تبني مستقبلها، و أحنا باش نقعدو طول حياتنا شادّين الصف…
نستناو السكر 🍚
نستناو الزيت 🛢️
نستناو الضو و الماء يرجعو 💡💧
نستناو القاز 🔥
نستناو الماء الصافي 🚰
نستناو المازوط و الإيسونس ⛽
حتى ولّينا ما عادش نعيشو… ولّينا نستناو.
والمصيبة الأكبر، فما ناس ولات تعبد الأشخاص، ترضى بكل شيء يصير، وما تنجمش تنتقد ولا حتى تحل فمها، خاطر بالنسبة ليهم انتقاد الشخص كيف انتقاد المقدّس.
الرئيس يجي ويمشي، أما الشعب هو اللي يخلّص الفاتورة.
كل رئيس يجي، يزيد يلقانا في نفس الدوامة… نفس الانتظار، نفس الأزمات، ونفس المعاناة.
والسؤال اللي لازم يتعاود كل يوم:
إلى متى؟
إلى متى باش نبقاو شادّين الصف، نستناو في أبسط حقوقنا، والشعوب الأخرى قاعدة تتقدّم؟ 🇹🇳 و اكا اثيوبيا الي كنا نعاونو فيها بالاعانات اليوم مش تنظم كأس افريقيا و طورت و احنا مازلنا في يحيا هاظاكا
تونس تستحق خير من هكّا… والشعب يستحق يعيش، موش يستنّى

27/08/2026

❌ عرفتو علاش نكرز من بولونات السمسار 💰🫰 و نعتبره سبب الخراب خاطره حلوف هداري يلعب على تأجيج العواطف و يسربي في القرط و مسخ الفريق بالمرتزقه و اللحاسه تراه كان في الربح و يتخبى في الخسارة و انتهازي و مستكرش من الترجي جاه شكري علمه في شهر شمعناها البيع و الشراء و كيفاش دخل فلوس من الملاعبية و زاد عرى و بين صفقاته المسخه و الملاعبيه البوذروح الي جابهم و وحلو فينا ،بولونات خطر على أهداف الترجي و هو سبب عدم ذهاب الترجي بعيدا في كل المسابقات القاريه منذ سنوات...
اليوم مع الواعر غربله كبيرة و استفادة من مرابيح مهمة بل ملاعبيه كبار كيف ريبيرو تتقمص زي الفريق بمبلغ مقبول وقت نشوف مرابيح صفقة توغاي و دانهو و دياكيتي و غيرهم . توه الكرة عند الملاعبيه و كالعادة بولونات السمسار 💰 يا مفسود يا متحيل و بره أمشي اشكي ،🤣

🔸محمد الأندلسي ✍️

27/08/2026

❌ اتصالات أكيده بين الترجي الرياضي التونسي و مدافع دولي تونسي
يا رب تكمل على خير و تتم الصفقه... ( لسنا من هواة الحصريات و لا نسعى إلى كشف اسم المدافع)
في إنتظار تقارب وجهات النظر بإذن الله..

🔸 المفاوضات بين الترجي و ظهير ايسر موجودة و المنافسه بيننا و بين احد الفرق الفرنسية على ضمه كبيرة..بالتوفيق للترجي قادم الايام ✌️

محمد الأندلسي ✍️

26/08/2026

❌ نحب نعرف شنوة إحساس الناس هذه وقت نقدت مستوى #دانهو منذ اسبوع و اكثر او منذ سنه من قدومه ...
نحب نعرف الناس هذه باش تفكر و شنوة مقياس المهاجم عندهم...و الغريبة لا عندهم فكر و لا قادرين على مجاراة النقد الا السب و الشتم و تقزيم ابناء الفريق و بعض التعاليق البسيطه كتعاسه افكارهم.. أغلبهم عشاقه و ما فاهمين شيء

باش يطرشق ساااحبي 🥴🥵

محمد الأندلسي ✍️

26/08/2026

❌ من الاول كنت معارض انتدابه ايمانا مني انه الكرة يا عندك يا ما عندكش و المهاجم احصائياته ضعيفه و لذى لا خير في انتدابه..الحمد الله غمه و إنزاحت رغم تشكيك الكثير في رايى لهذا المهاجم الذي لا يهاجم

⛔الكثير من الغموض حول الصفقة 🤷

🔸 اللاعب مسجل 23 هدف و عامل 12 اسيست على 119 مقابلة و 5050 دق كلعب لكن هات ناخذو الامور من رؤية أخرى 😉🤷
⬅️كنا نتمناو ما أفضل لكن الآن حصل ما في الصدور 🤷 رغم إن اللاعب لا يرتقي للمهاجم القناص المطلوب جماهيريا...

🔹دانهو لاعب 5050 دقيقة / 90 دق يعني 56 مباراة سجل 23 في الجملة بمعدل 0.5 كل مباراة.😱
المتوقع انه الارقام هذه ضعيفة جدا و لكن نتمناو انه ينجح في الترجي 🤲 أخذا بعين الاعتبار مستوى البطولة المحلية و الأفريقية لا مقارنة مع الدوري الدنماركي أو اي دوري مغاربي و افريقي كبنية تحتية أو ملاعب و أجواء يعني على حساب قرائتي المتواضعة اللاعب على 119 لقاء ارقامه ما تبشرش بخير... 🤏
إضافة الى عدم مشاركته المستمرة زد على ذلك نسبة الأسيست عادية أو اكثر على اعتبار طريقة لعبه ( لاعب صندوق يتحرك برشا في مناطق الجزاء و ينتظر العرضيات و هذي مشكل لدينا بسبب تواضع مستوى الاظهرة و لنا العمل مش يكون كبير لبوعالية و البلايلي لتطعيم المهاجم بعرضيات و كرات سانحة للتسجيل بحكم #دانهو موش من الملاعبية الي تصنع الهجمة و تشارك فيها و ممكن لازم على المدرب خلق افكار تكتيكية جديدة لانهاء العملية على #دانهو كيف ترجي سابقا...

🔹 نجاحه صعب مع مزيد المليارات المهدورة بسبب غياب الرؤية الثاقبه في الانتدابات...

⬅️إذا نجح فالترجي و جمهوره رابح و إذا فشل الإدارة تتحمل مسؤوليتها و ما على المدير الرياضي قادم الاشهر إلا الرفع من طموحات الفريق و افاقه😉 لأنه الصفقة الحالية موش باش تحل برشا مشاكل تسيرية و فنية و نقص في بعض المراكز ...👌

❌محمد الأندلسي ✍️

26/08/2026

❌ راهي تغييض باش يخرج قبل ما يطرشق🥴

26/08/2026

❌ كل الدعم و التشجيع و ربي يوفقك معانا 🏆🎖️🇧🇪🤲

26/08/2026

❌الاولاد تلقاو باجات كيف هذه مزنطرة #سينيال و #بلوكي و تعدى...ماناش ناقصين عفط و وجيعة راس متاع مفرخه...(مازال الموسم كي بدا و بدينا في التحطيم و التنبير)
رابط الزوز باجات المزنطرة في اول كومنتار،👇👇

26/08/2026

❌لاعب من الذاكرة..🎖️🇧🇪🏆

سيف الله المحجوبي من الملاعبيه الممتازين ذات سنوات مع ترجينا و هو وسط ميدان محترم، مقاتل، و عنده قيمة في وسط الميدان شخصية #مكشخه واضحة.
ملاعبي ما يبخلش بحتى قطرة عرق في الملعب.. سعيد بمشاهدة النوعيه هذه من الملاعبية..
الجيل الصغير ما حضرش على خصاله الفنية و الاخلاقيه في الملعب لكن سمع عن سيف الله كل الايجابيات داخل الملعب و خارجه ..

سيف الله الان من الحاجات الي نعتبرها مميزة فيه هي الشخصية و الواقعية خاصة في تحليلاته الحالية ما يخافش يقول رأيه بصراحة، و عنده ارتباط واضح بجمعيتنا وحتى تاريخيا عنده لحظة مهمة جدا منها تسجيله هدفا في دربي 2006 ضد النادي الإفريقي في فوز الترجي 2-1 الي عمرنا ما ننساوها...

🔸 محمد الأندلسي ✍️

26/08/2026

❌ لتلك الفئة من المحبطين مش تبداو من توه تسلخو في #الشيخاوي و #الصحراوي عيب...
بدايه الموسم تصير الاغلاط و الواقع الكروي في تونس ما فيش ملاعبيه في الدفاع ، بل هذا الثنائي هو الأفضل و مركز التكوين عاجز من سنوات بسبب فشل مدراءه و ان شاء الله السنوات القادمة نصنعو مدافع..

قانون الاجانب يحكم فيك ما تنجمش تجيب الكلها اجانب و لازمك تحافظ على هويه الفريق ...🇧🇪✌️
الصحراوي و الشيخاوي موش بالسوء الي نتخيلوه التجاوب و الانسجام بينهم و بين زملاءهم تحبله وقت
و الخطة المعتمدة من ريغي كامبف خلاتنا مكشوفين والتناغم بين الوسط و الدفاع يأخذ مدة 🤷

لذى بلاش حس و تحطيم و تنبير بالوقت تصير اللحمه و تتفاهم الملاعبيه و يرتفع النسق و لو لا وجود الاخطاء لا ما وجد التطور و الاصلاح و الكلنا نتذكرو بدايات #توغاي معانا كيفاش كانت ...

🔸 نغلطو من توه و نصلحو خير ما تصير الغرائب في وسط الموسم لذلك علاش هالتشاؤم و ثقافة الإحباط ..
🔸 شويه دعم للناس الي ضحت صيف كامل و بحول الله القادم خير 🏆🎖️🤲

🔸 محمد الأندلسي ✍️