29/08/2026
الافريقي هزّت بطولة معناها العام لي بعدو لازم نقويو داخلين ل افريقيا و حابين على تيتر اخر .. ربي يهديه فوزي فهم مولا الفرع لي نجمو نحشيوه كل مرة ب جوارات شطر لباس .. كي تعمل حساباتك تلقا روحك ما قويتش الايفكتيف لا بالعدد لا الكاليتي .. تحشالك في الزوز لي جابولك بطولة في اخر فيراج.. شواط لي كنا نتركزو عليه و يفضلنا الفقر متع construction de jeu وً السهيلي لي كان apport مش عادي في اخر 30 ميترو .. جبت مواطن من افريقيا و خسرت اريار طاير ماعوضتوش .. وسط هذا كل عمناول كانت عندم مشاكل في تحضير اللعب .. لعبت ب double pivot طرح المتلًوي وقفت .. لعبت ب سونتينال اليوم زدت وقفت .. الشريمي ملاعبي متع تتركز عليه في اخر مرحلة لعب كي طرح الستاد عمناول .. لا ينجم يهزك بالكرة لا عندو قحب الكرة بش يسربي ولا يحل شون متع باسات .. ايمن الحرزي مواطن ضبعي ميطون كامل الكنزاري يقلو اقعد في ظهر ligne متع وسط حمام سوسة وهو مصر يهبط يلصق مرياح و خان .. كرة القدم التونسية تزبزب كي ترا الحرزي ailier.. اي مواصفات جناح ball to feetقوي ولا جعبة متع دريبل ولا رابيد .. ستاج الوحش يكون مقحب امور وقفة في دومي ايسباس و يعمل ستراتش للتيران كيما طالب لي يراني .. سوا هو ديكليك الاتاك ولا الاريار .. الحرزي ماعندو شي من هذا و مافهمتش شكون حشاهالو و قلو تجي جناح ووين على ساقيه .. وين تقل مارج موفمون و الحلول.. معناها تكور على ساقيك لازم سلالوم مقحب ولا كواريزما في زمانًو كي تدخل ال انتاريور تبلص ب اكستاريور .. السيد رزين فهمو ثقيل من عمناول عاطينو جرم اكبر منو و اليوم نعطيوه دور متع 8.. وقتلي هو مايشم شي من كرة كوقفة ولا تسربية .. السيد متع جمعية مركشة دافع و هو يشد كولوار مش متع جمعية تبني لعب .. الطفل عبد الحق رولونس معفطة قراية تراجكتوار غالطة متع الكرة و مايكوفريج بالصحيح غير لعبنا زوز اطراح من*كة ظهر يعدي روحو معاه كارثة اسمها مرياح يكوع مش حاضر فيزيكموون و كان واحد يحل معاه سبرينت ولا واحد ضد واحد يفتقو من بعضو .. ايت مالك يسيب الكولوار بش ياخو في سيركوي دخلاني ماعندها حتى معنى خاطرو تاعب بالظهر و خاطر ليسباس لي تحب ت ليبيريه للاريار لازمو واحد مش كاليتي علي .. لي هو اريار متع Link up مش متع كولوار يهزو على ظهرو ك سيركوي بش تطلع من phase ل وحدة اخرى.. الافريقي مشاكل خروج كرة تسريع ريتم .. ضد بلوك كي اليوم مقابلك لازم ستراتش للتيران و زوز نومرو 8 في phase de progression .. احنا عادي تلقا ااشريمي خان الحرزي تحت الكرة ضد بلوك طايح.. وقفة تسهل الادفيرسار يقراك و يحطك في مشاكل خلقان ايسباس .. الإفريقي كانت تتركز على فراس و تغطي في عفط الوسط بقوة الهدة متع الاريارات .. اليوم ضعفنا في الاجناب ماعادش عنا ستاسيون كي فراس و بقينا بلا ملاعبي يهز الوسط يشد الكرة و يسربي اللعب .. ايفكتيف السنة اضعف من عمناول .. لي يراني السنة مايتقارنش ب عمناول .. الادفيرسار لي تلعب ضدو عالبطولة اقوى من عمناول ..
جبنا ستة بونتو و مهمين اما مانجموش نكملو هكا كان اوبجكتيف متاعنا بطولة .. جبنا البطال و الركاي و الزبراط في عام لازم تكونفيرمي فيه لي عملتو ..
