28/04/2026
النجم مطالب بدفع 5️⃣ مليارات
ملخر و علخر أي واحد فينا يحب ليتوال و يحبها تاقف على ساقيها و موش عاجبنا الوضع و السمسارة شبعت فينا.
أني كل نهار نشوف في عباد "نكرة" تهبط و تكتب و تكذب علينا صفحات مأجورة gروبات تنشر في أخبار غالطة و تكبر في النفوس.
مانقارنو رواحنا بحد خاطرنا خير ملي مخير فيهم mentalité,solidarité,fierté.
أحنا رانا جمهور ليتوال أحنا أكثر من زوز ملاين محب قسمتنا الجغرافيا على تونس الكل من الشمال للجنوب مرورا بالساحل الكبير ماغير ماننساو ناس الغربة لي ديما يلبيو في نداء الواجب (chapeau bas).
ليتوال عطاتنا الفرحة عطاتنا الفخرة عطاتنا برشا بش نبخلو عليها نحنا تو؟؟؟
مايهمنيش في joueur تكرهو ولا تحبو أني نحكيلك على الشعار الوضعية صعيبة و خطيرة برشا .
الحل:
بالفلاgي نحنا فما 50 ألف محب صحيح في صحيح و يدفع و مايبخلش على الجمعية بالرغم لي هذا رقم يحشم و يبكي في حق جمعية بتاريخها كيما ليتوال .
50 ألف محب كل واحد فينا يعطي 100 دينار من ماكلتو من صحتو من خدمتو تتفض المشكلة الكل و 100 دينار ماهيش حاجة كبيرة و نخليو مليار لرجال الساحل و كبارات الساحل ولي يتمعشو من ليتوال و محسوبين علينا بالسيف ضاهرلي ساهلة برشا لحكاية .
رجع العكروت يخدم خدمتو و الرجال لي معاه العام وفا على بكري قدمولنا إستقالة جماعية و سيبولنا جمعية نحكموها نحنا و ضاهرلي مافماش ما أنظف من سي العكروت و كل حاجة تصير ولا أي virement يتوثق و نفكو جمعيتنا ملخر راو بش يهزوها للهاوية عض على gلبك ميسالش صرفنا عمناول و نكملو سنة خير ملي خدمة عمناول و تعب رجال في السخانة يمشي في الريح .
