The Tunisian Football Critic

The Tunisian Football Critic The aftermatch critical hat trick Viva Túnez, viva El fútbol tunecino, viva la selección nacional...

من أكثر الفرق اللي نكتب عليهم في صفحتي هو النجم الساحلي بالرغم اللي ماهوش فريقي المفضل و علاقتي بالساحل ما تتعداش السياح...
05/03/2026

من أكثر الفرق اللي نكتب عليهم في صفحتي هو النجم الساحلي بالرغم اللي ماهوش فريقي المفضل و علاقتي بالساحل ما تتعداش السياحة مرة في العام.. و ماعنديش في هاك البر لاعايلة و لا أصحاب.. نحكي برشا على ليتوال إيمانا مني اللي مافماش انجاز للمنتخب الوطني ما ساهمش فيه بالشطر على الأقل... و حتى بالنسبة للأندية في فترة الألفينات كان النجم أكثر فريق تونسي بارز قاريا بالإضافة للصفاقسي وقتها... سمعت صدفة اللي سي رضا شرف الدين مريض و شهادة حق تتقال... في وقتو: آخر فريق قوي للنجم الساحلي تم تكوينو و تأسيسو في فترة رئاستو، و الفريق هذا بالإضافة لتحصلو على كأس الكاف، عطا للمنتخب ملاعبية كيف بن عمر و حمزة لحمر ساهمو في الترشح لمنديال روسيا و اللي هو آخر ترشح عن جدارة وقت اللي كان المنديال منديال...الفريق هذاكا حتى بغداد إكتشفاتو دزاير فيه

منعرش الصفحات الرياضية التونسية أدميناتها ميفهموش كورة ولا يدبرو في ريوسهم بصفحاتهم.... علاقتي بكرة القدم متتعداش المقهى...
10/02/2026

منعرش الصفحات الرياضية التونسية أدميناتها ميفهموش كورة ولا يدبرو في ريوسهم بصفحاتهم.... علاقتي بكرة القدم متتعداش المقهى و الستاد كمشاهد و البطحاء كلاعب لكن عندي عقل يخليني منتحمسش لمجيئ اللاعب الألماني المسمى خضيرة... متولدتش البارح و عندي خمسة و عشرين سنا نتفرج في الكورة و نجم نرا الحاجات هذي:

1- اللاعبين اللي جيانهم يكون صعيب للمنتخب إضافتهم ديما تكون محدودة و أكثر مزدوجي جنسية عطاونا جيانهم كان بلاش حس... الخزري و السليتي عطاو للمنتخب و مبقاوش يخممو دهر... الجمالي و بن علوان حكينا عليهم تقول برازيليين و اضافتهم للمنتخب من أتعس ما يكون

2- الطفل كبير و موقعو ماناش ناقصين فيه... تكبيش الطرابلسي في الفرجاني ميعنيش اللي وسطنا فارغ.

3- المراكز اللي احنا ناقصين فيهم ظاهرين: محور الدفاع، الجهة اليمنى في الدفاع و الجناح و راس الحربة...

4- تجربة 2018 كان جينا بالرسمي شعب ذكي كيما فيبالنا تكونلنا عبرة: عملنا منتخب قوي في التصفيات وقت اللي كاس العالم كان كاس عالم و الترجي و ليتوال كان ولدو امو في العرب و افريقيا اللي ياقفلهم و في الكان اللي قبلها رابحين دزاير في الإقصائيات و مصر في التصفيات... جا معلول و بدل الفريق بكلو زمڨرية كلاو خمسة من عند بلجيكيا و كان من أضعف الفرق في كاس العالم...

5- الكرامة و الوطنية خليتهم في المرتبة الأخيرة خاطر ميهمو حد، لكن لازم نذكروهم... العايلة متاع خضيرة هذي متكبرة علينا عندها قرابة العشرين سنا و توا كيف الطفل بار دوليا ولينا نلوجو عليه و نسيناوقداش هو و خوه رفضونا من مرة

6- أفكاري ماتعجبش لكن غالبا كل ما نختلف مع المجموعة مطلع صحيح و ارجعو و ثبتو في توقعاتي... قليل النشر لكن غالبا ما نطلع عندي الحق...
7- عندنا تقائص لكن تغيير كامل للفريق في فترة قصبيرة ما عندو وين يهزنا...

8- نستحقو فقط نركزو على مراكز الضعف و ندعمو الفريق بطريقة مدروسة... أكبر مشكلة عندنا نفسية و حد ميحب يهتم بيها... ركزو في مردود الترجي في افريقيا الأيام هذي بش تفهمو كلامي

الحارس السابق للنجم الساحلي و المنتخب حمدي بابا قاعد يمر بظروف صحية و اجتماعية صعبة جدا جدا ... اللاعب هذا مهوش ملك لجهة...
06/02/2026

الحارس السابق للنجم الساحلي و المنتخب حمدي بابا قاعد يمر بظروف صحية و اجتماعية صعبة جدا جدا ... اللاعب هذا مهوش ملك لجهة أو لفريق معين...بكلنا شفناه في منتخبنا و ملاعبنا و تفرجنا فيه في تلافزنا و حكينا على تصدياتو في قهاوينا و توا الدنيا صعبت عليه و واجب على التوانسة اللي يقدرو الكل بش يعاونوه ... الجيل هذاكا ماكانش ياخذ في فلوس خيالية كيما كنا نعتقدو ورغم هذا فرحونا برشا مرات و انجم نقول بكل ثقة اللي الجيل هذاكا أول جيل صنع إسم و هيبة للكرة التونسية...

المدرب الفرنسي صبري اللموشي يعلن عن الإطار الفني للفريق التونسي...شخصيا تجنبت الحديث و التعليق عن جوانب تتجاوزني و من بي...
20/01/2026

المدرب الفرنسي صبري اللموشي يعلن عن الإطار الفني للفريق التونسي...شخصيا تجنبت الحديث و التعليق عن جوانب تتجاوزني و من بينها الإختيارات الفنية للجامعة لأنني لا أملك المعارف الفنية الكافية لكن من الناحية التاريخية وهو علم أجيده أعتبر المدرسة الفرنسية مدرسة ناجحة في تونس.. مع المدرب كسبرجاك وصلنا نهائي كان 1996 بعد عقود و قدمنا عروضا قوية في كان 1998 و وصلنا معه لمنديال 1998 لاول مرة بعد عشرين عاما... مع الفرنسي لومار فزنا بكأس افريقيا 2004 لأول مرة في تاريخنا، و مع جيراس وصلنا لنصف نهائي كان 2019 لأول مرة بعد خمسة عشر عاما... هذه المعلومات فقط للتفاؤل لكن للميدان حقائقه الخاصة

أكثر فريقين في تونس عطاو للكرة التونسية على المستوى القاري هوما الترجي و النجم الساحلي... الصفاقسي ثالثا لأن مساهمته كان...
10/01/2026

أكثر فريقين في تونس عطاو للكرة التونسية على المستوى القاري هوما الترجي و النجم الساحلي... الصفاقسي ثالثا لأن مساهمته كانت مقتصرة على الإتحاد الإفريقي و دوري أبطال العرب رغم أن السي اس اس وصل كون أحسن فريق في تونس في 2012-2013..

الترجي و ليتوال اكثر فرق تونسية بانو على مستوى رابطة الأبطال و على مستوى تطعيم المنتخب الأول... السي اس اس تراجع قاريا منذ أكثر من عقد و قعدت الترجي و النجم حتى سنة 2020 وين ولا الترجي وحدو ..

منذذلك الوقت،مستوى البطولة إنهار و اللاعب المحلي أصبح غير قادر على اللعب قاريا و الترجي تقريبا أصبح دون منافسة دون اعتبار آخر بطولة للنجم عام 2022...

من حق الترجي أننا نعترفولو بأنه أصبح الماكينة الوحيدة للكرة المحلية و ملاعبيتو الدوليين اللي برشا ينبرو عليهم ماهوش خطأهم أنهم في المنتخب.. المشكل أنو تراجع الكرة المحلية خلاهم أحسن ما عندنا في البطولة...

في صورة تواصل تراجع ليتوال بش يتنسا قاريا و بش يتواصل غياب المنافسة المحلية إلا إذا الإفريقي، الصفاقسي ولا فريق آخر يعوض النجم قاريا وهو أمر مستبعد...

Waiting for ESS to bring back the taste to Tunisian football

الضعف الدفاعي الفادح للمنتخب التونسي جعلنا لا نلاحظ التحسن الهجومي الكبير رغم غياب القناص... في الكأس العربية و في الكأ...
09/01/2026

الضعف الدفاعي الفادح للمنتخب التونسي جعلنا لا نلاحظ التحسن الهجومي الكبير رغم غياب القناص... في الكأس العربية و في الكأس الإفريقية سجل المنتخب التونسي 12 هدفا.... المنتخب التونسي سجل خمسة أهداف على قطر (3 أهداف) بطل آسيا و نيجيريا (هدفين) أقوى فريق في إفريقيا... منذ مباراة مصر الصائفة الفارطة سجل المنتخب التونسي على كل الفرق التي واجهها ما عدا المنتخب السوري... سوريا هو المنتخب الوحيد الذي لم يستقب أي هدف من الهجوم التونسي وهو كذلك أكثر فريق سيطرت عليه تونس... لكن المفارقة أن تونس عندما كانت تميل إلى اللعب الدفاعي كانت تحقق نتائج أفضل... ما يزيد الأمور تعقيدا أننا كلما حاولنا العودة إلى أسلوبنا الدفاعي في الفترة الماضيةكان المردود و النتائج أسوء... عندما أردنا الإحتفاظ بالنتيجة في مباراة فلسطين قبلنا هدفين و عندما أردنا غلق المنافذ أمام نيجيريا بدونا كأننا فريق آسيوي من الصف الرابع... لم نعد نستطيع العودة لأسلوبنا الدفاعي و لا نحن نستطيع ان نكون فريقا شرسا هجوميا في إفريقيا...

حنبعل المجبري شارك في مباراة فريقه برنلاي ضد مانشستر يونايتد حتى الدقيقة 58. ..،قدم مردودا محترما و تحصل على تنقيط 6.8 و...
08/01/2026

حنبعل المجبري شارك في مباراة فريقه برنلاي ضد مانشستر يونايتد حتى الدقيقة 58. ..،قدم مردودا محترما و تحصل على تنقيط 6.8 و ساهم بتمريرة جيدة في الهدف الأول لفريقه.

صحيح كنا نقبلو لعب أكثر من اللي نصنعوه، صحيح كنا حضبة و ڨول، صحيح منتخبنا كان بالأساس محلي، صحيح كنت تسمع كان حذار...لكن...
05/01/2026

صحيح كنا نقبلو لعب أكثر من اللي نصنعوه، صحيح كنا حضبة و ڨول، صحيح منتخبنا كان بالأساس محلي، صحيح كنت تسمع كان حذار...لكن كيف تلعب حضبة و ڨول و عندك هذم القدام و زيد معاهم الخزري و باسات بن عمر و الشعلالي، أي فريق كنا نجمو نغدروه و أسألو علينا ملاعب مصر داكار و ملعب كنشاسا ... قترة الطرابلسي بالمنطق و بدون عاطفة تحسننا فيها هجوميا لكن ولينا شقاقة دفاعيا و اي فريق من العالم ينجم يسجل علينا...أحنا توا في مفترق طرق: زعمة نرجعو للعبنا القديم؟؟ و كيف منجموش؟؟ نبنيو على اللي بناه الطرابلسي؟؟؟ ولا نصنعو حاجة جديدة؟؟

رسالة إلياس سعد عبر الأنستڨرام 🗣️"يشرفني أن أمثل بلدي و أنا فخور بذلك. . إن شاء الله في المرة القادمة سنتمكن من إدخال ال...
05/01/2026

رسالة إلياس سعد عبر الأنستڨرام 🗣️

"يشرفني أن أمثل بلدي و أنا فخور بذلك. . إن شاء الله في المرة القادمة سنتمكن من إدخال الفرحة على قلوب شعبنا التونسي." 🇹🇳❤️

شماتة الكثير من الجماهير العربية في هزائم الفرق و المنتخبات التونسية تجعلني أجزم أن كرتنا و بلادنا بغض النظر عن سوء تصر...
05/01/2026

شماتة الكثير من الجماهير العربية في هزائم الفرق و المنتخبات التونسية تجعلني أجزم أن كرتنا و بلادنا بغض النظر عن سوء تصرف المسؤولين ليست بذلك السوء... لو كنا بلدا رديئا في كل شيئ لما رأينا هذا الكره و المقت لبلدنا ... مشكلنا الوحيد أننا نعاني من سوء التصرف... لدينا مقومات لا نعرف كيف نستغلها... لا أؤمن بعبارة "المستوى الحقيقي للكرة التونسية" التي يرددها الكثيرون من أجل الشعبوية... ما رأيناه أخيرا لا يبعد كثيرا عن مستوانا الحقيقي لكن كان يمكن للأمور أن تكون أفضل بدون المحسوبية و الجهوية و الإستغلال السياسي للمنصب الرياضي...

Unpopular opinion: أنا نخير اللعب الركيك و الناجع على اللعب الجميل و الفاشل... اللعب الدفاعي و الناجع أحسن من اللعب الهج...
04/01/2026

Unpopular opinion: أنا نخير اللعب الركيك و الناجع على اللعب الجميل و الفاشل... اللعب الدفاعي و الناجع أحسن من اللعب الهجومي اللي ما يحققش نتائج... تبقى تونس اللي شاركت في تصفيات منديال روسيا أحد أفضل المنتخبات التونسية عندي... لا يفرجوك لا يمتعوك لكن ولد أمو اللي يمركي عليهم رغم أنهم بالأساس كانو منتخب محلي... منتخب كان مصر وصل نصف نهائي تقريبا بنفس الطريقة... اللي ما يعجبنيش في المنتخب الحالي أنو يسجل برشا و يقبل برشا... التاريخ ما يسجلكش قداش من هدف أحرزت... المنتخب هذا سجل على بطل آسيا ثلاثة و على أقوى فريق في إفريقيا حاليا زوز أهداف... تقريبا سجل على كل المنتخبات اللي واجهها بما في ذلك البرازيل ما عدا سوريا... و على ذكر سوريا... أكثر منتخب خضع لسيطرة تونس هو سوريا لكن المنتخب الوحيد اللي ما قبلش من الهجوم التونسي هو سوريا... و لذلك برافو ليهم و يستحقوه مهما كانت الأسماء و التاريخ سيسجل عدد أهداف سوريا و ليس عدد هجمات تونس..اللي عطا إسم للكرة التونسية هو الصلابة الدفاعية... ما ظاهرلي كان عندنا قوة هجومية ضاربة مهمشينها... المنتخبات العالمية اللي تلعب ضدك تحب على منتخب دفاعي و كان تعرفك بش تظغط عليها تبطل منك.. تونس فقدت نقطة قوتها اللي هي الصلابة الدفاعية و صارت أي منتخب يسجل فيها... و هذا سبب واضح لأزمة النتائج.

للمرة 999 قبل مانقولها للمرة الألف: فما مشكل نفسي لم يتفطن له أحد... لما تستقبل هدف في الدقيقة تسعين و انت متقدم، معنتها...
03/01/2026

للمرة 999 قبل مانقولها للمرة الألف: فما مشكل نفسي لم يتفطن له أحد... لما تستقبل هدف في الدقيقة تسعين و انت متقدم، معنتها فقدان تركيز... نعرف بش ييداو يقولو ملاعبي الجمعية هذيكا تاعب و ملاعبي الجمعة هذيكا بهيم... لا تقلي خمسة، ثلاثة ثنين و لا أربعة ثلاثة ثلاثة...على ما شفت، الملاعبية الكل بما في ذلك الفرجاني عملو طرح باهي رغم أنو قراءة المنافس و التعامل التكتيكي فما برشا ما يتحكى عليه... المشكل نفسي، لما ثلاثة ضربات جزاء تضيع... فما تحسن نفسي على مستوى الدخول في المباراة، لكن كينو حد ما توقع نوصلو أخر الماتش رابحين و حد ما قاللهم ركزو أخر الماتش... هذا صار مع ناميبياعامين لتالي و مع غانا في كان الفين و ثناش و كان مصر و مع السنغال في ماتش نصف نهائي في نفس الكان و مازال بش يصير... الإخوة الماليين مبروك عليهم لعبو ناقصين ماتش كامل و ترشحو و مينجم يكون كان قوة ذهنية و بدنية... ترشح مالي مستحق... خروج تونس مستحق... من غير معالجة المشكل النفسي من هنا للمنديال، باي باي منديال

Address

Sidi Hassine

Website

Alerts

Be the first to know and let us send you an email when The Tunisian Football Critic posts news and promotions. Your email address will not be used for any other purpose, and you can unsubscribe at any time.

Shortcuts

Share